3/28/2024
Today from Hiiraan Online:  _
Wararka Maanta- Axad, July 21, 2013
WASIIR BIIXI: “Meelo badan oo colaado ah ayaan kasoo shaqeeyay, waana ku faraxsanahay inaan imaado Somaliland oo nabad ah”


Axad, July 21, 2013 (HOL) — Waxa maanta magaaladda Hargeysa si balaadhan loogu soo dhoweeyey wasiirka cusub ee dhowaanta loo magacaabay wasaaradda Arrimaha dibadda Somaliland Maxamed Biixi Yoonis.

Wasiirka Cusub Maxamed Biixi Yoonis ayaa maanta barqaddii ka soo degay madaarka Hargeysa, waxaana madaarka buux dhaafiyey boqolaal dadweyne oo ka soo qaybgalay soo dhoweyntiisa, xisbiyada muxaafadka iyo mucaaradka, siyaasiyiin, xildhibaanno iyo xubno ka tirsan golaha Wasiiradda.

Maxamed Biixi Yoonis ayaa sheegay in mudadii uu magacaabistiisa ka dambaysay uu ku mashquulsanaa sidii uu xilalkii uu qaramda midoobay u hayey u wareejin lahaa, waxaanu xusay in markii uu madaxweynuhu ka codsaday inuu xilkaasu u dhiibo ay keentay inuu jagooyin dhawr ah oo uu qaramda midoobay ka hayey gobolka Daahuur uu wareejiyo si uu wadankiisu ugu shaqeeyo.

“Hawl ba la ii igmaday culus oo ah in aan noqdo wasiirka arrimaha dibadda, waxaanan ilaahay ka baryeyaa inuu ilaahay I fududeeyo, hawshaasi waa hawl umadda oo dhan ka dhexeysa oo loo baahan yahay inaynu u sinaanno”ayuu yidhi wasiirka cusub ee Arimaha dibadda Biixi oo ka hadlayey imaanshihiisa Somalilland, waxaanu intaas ku daray “mucaarad iyo muxaafadba waa in loo midoobaa qadiyada Somaliland, ictiraafkeedda, horumarkeeda, dhaqaaleheeddaba,waa in aynu ahaano umad isku duuban oo meel uga soo wadda jeedda qadiyadeedda”

“Waxaynu nahay umadda jirta runtana la iskama indho tiri karo, xuduud baynu leenahay, caalamkaynu la shaqaynaa, wixii dawladi lahaan jirtay ayeynu leenahay, dawlado faro badan oo Afrika ah ayeynu ka magac weynahay oo maalin walba dhib ka dhacayaan, anagu waxaan ka shaqaynayey meelaha nabadda lagu ilaaliyo oo Daahuur baan ka imid oo aan soo dhisay, waxaan ka soo shaqeeyey meelo badan oo colaad ka taagan tahay oo dunidda ah, waxaase ku faraxsanahay in aan I maado Somaliland oo oo nabad ah oo aan u baahnayn in nabad loo dhaliyo oo aan khilaaf ka jirin oo umad degan oo shaqaysanaysa oo sharaf leh ay tahay, iguna soo duceeya hawshaasi adag ee la ii igmaday”ayuu ku soo xidhay hadalkiisii.

Maxamed Biixi ayaa ah khabiir muddo dheer ku soo jiray Qaramada midoobay, isagoo sheegay inuu ka soo shaqeeyey wadamado badan oo khilaafaad ka jira oo nabad loo dhalinayey, waxaanu hadda ahaa ergayga xoghayaha guud uu jooga Daafuur iyo maamulaha mashaariicda Qaramadda midoobay ee Daafuur, waxa kale oo uu wakiil u qaabilsan Daafuur u ahaa midowga Afrika, ( Deputy Joint Special Representative for Operations and Management in the African Union-United Nations Hybrid Operation in Darfur (UNAMID), waxaanu sheegay inuu xoghayha guud ee Qaramadda midoobay iyo gudoomiyaha midowga afrikaba ku wareejiyey xilalkii uu u hayey .

Si kastaba ha ahaatee, maalmihii u dambeeyey ayaa magaaladda Hargeysa laga dareemayey soo dhowaynta wasiirka cusub Maxamed Biixi oo tan iyo markii la magacaabay aan dalka Iman, isla markaana muddo dheer ugu dambaysay.






Barkhad-Ladiif  M. Cumar, Hiiraan Online 
[email protected]  
Hargeysa, Somaliland













Click here
7/21/2013 1:55 PM EST
Axad, July 21, 2013 (HOL) — Tiro suxufiyiinta ah oo ka howlgalaha qaybaha kala duwan ee warbaahinta Muqdisho ayaa maanta kulan yeeshay, iyagoo ka hadlay sharciga qavbyada ah ee warbaahinta Soomaalida oo dhawaan ay meel-mariyeen golaha wasiirrada xukuumadda Soomaaliya.

7/21/2013 10:57 AM EST
Axad, July 21, 2013 (HOL) — Guddoomiyaha maamulka gobolka Hiiraan Cabdi Faarax Laqanyo, mas'uuliyiinta ka tirsan maamulka, saraakiisha ciidamada Jabuuti, xubno ka tirsan maamulka Ahlu Sunna Waljameeca ee gobollada dhexe iyo dadweyne isaga kala yimid xaafaddaha magaalada Baladweyne ayaa ka qeyb-gallay aaska Alle ha u naxariisteen guddoomiye ku-xigeenkii maxkamadda degmada Baladweyne marxuum Macalin Xassan Cilmi Ciyoow oo kooxo hubeysan xalay ku dilleen magaalada.

7/21/2013 8:15 AM EST
Axad, July 21, 2013 (HOL) — Kaddib toogasho xalay kooxo hubeysan ugu geysteen magaalada Baladweyne guddoomiye ku-xigeenkii maxkamadda degmada, Macalin Xassan Cilmi Ciyow ayaa waxaa dilkiisa maanta ka hadlay guddoomiyaha maamulka degmada Cabdi Bishaar Aadan.

7/21/2013 8:13 AM EST
Axad, July 21, 2013 (HOL) — Guddoomiyaha gobolka Awdal, Cabdoo Aayar ayaa ka hadlay markii ugu horreysay khilaaf soo dhexgalay xildhibaannada dowladda hoos ee Boorame iyo golaha fulinta maamulka degmadaas, kaasoo keenay in warbaahinta hadallo kulul la isku dhaafsado.

7/21/2013 7:30 AM EST
Axad, July 21, 2013(HOL) :- Ciidamada maamulka Kismaayo ayaa maanta bilaabay howlgallo ballaaran oo lagu sugayo amniga, waxayna arintani ka danbeeyay kadib falal ammaan darro oo maalmihii u danbeeyay siyaabo kala duwan uga dhacayay magaalada Kismaayo ee xarunta gobolka J/hoose.

7/21/2013 4:50 AM EST
Axad, July 21, 2013 (HOL) — Kooxo hubeysan ayaa xalay toogasho ku dishay guddoomiye ku-xigeenkii labaad ee maxkamada degmada Baladweyne Macalin Xassan Cilmi Ciyow oo xili la sheegay in uu ku sii jeeday gurigiisa aan wax badan ka fogeyn halka ay toogashadu ka dhacday.

7/21/2013 2:56 AM EST
Axad, July 21, 2013 (HOL) — Ra’iisul wasaaraha Itoobiya, Hailemariam Dessalegn ayaa sheegay in dowladdiisu ay gacan ka geysnayso sidii dib loogu soo celin lahaa ammaanka iyo deggenaashaha Soomaaliya, kaddib kulan uu Addis Ababa kula yeeshay wasirka gaashaandhigga Soomaaliya, C/xakiin Maxamuud Xaaji Fiqi.

7/21/2013 2:43 AM EST
Axad, July 21, 2013 (HOL) — Xarakada Al-shabaab ayaa shalay ciidamo badan oo xiranaa dharka milateriga Soomaaliya kusoo bandhigtay degmada Baraawe ee gobolka Shabeellada hoose oo ka mid degmooyinka ay ka taliso, waxaana halkaas hadal ka jeediyay mas'uulka Al-shabaab u qaabilsan gobolkaas, Sheekh Maxamed Abuu-Cabdalla.

7/21/2013 1:48 AM EST
Axad, July 21, 2013 (HOL) — Madaxweynaha Soomaaliya, Xasan Sheekh oo la hadlayay saraakii iyo ciidammo ka tirsan kuwa dowladda Soomaaliya ayaa sheegay in sarkaalkii aan awood u lahayd inuu askariga uu xukumo uu ka celiyo isbaarada ay u furan tahay inuu shaqada isaga tago.

7/21/2013 1:47 AM EST
Axad, July 21, 2013 (HOL) — Qaraxyo bambaano ayaa xalay siyaabo kala duwan uga dhacay magaalada Muqdisho, kuwaasoo dhaawacyo ay kasoo gaareen dad shacab ah oo ku sugnaa goobaha lagu tuuray qaarkood, sidoo kale waxaa kooxo hubeysan ay askari ka tirsan ciidamada dowladda ku dileen degmada Huriwaa.