3/29/2024
Today from Hiiraan Online:  _
Wararka Maanta- Axad, July 21, 2013
Maamulka Gobolka Hiiraan oo Ballan-qaaday inay Adkeynayaan Ammaanka Gobolka, kaddib dilkii ka dhacay Baladweyne

Axad, July 21, 2013 (HOL) — Kaddib toogasho xalay kooxo hubeysan ugu geysteen magaalada Baladweyne guddoomiye ku-xigeenkii maxkamadda degmada, Macalin Xassan Cilmi Ciyow ayaa waxaa dilkiisa maanta ka hadlay guddoomiyaha maamulka degmada Cabdi Bishaar Aadan.

Guddoomiyaha ayaa dilkaa ku tilmaamay sida uu hadalka u dhigay mid fulaynimo ah, isaga oo ku eedeeyay in ay ka danbeeyeen kooxda Al-shabaab, waxaana uu sheegay in uusan waxba u dhimi doonin nabad-galyada magaalada.

“Ammniga magaalada waa la sii adkeynayaa, dilkii xalay waxba uma dhimi doono, ciidamadana mar walba diyaar ayeey u yihiin in ay adkeeyaan nabad-galyada,'' ayuu yiri guddoomiyaha degmada Baladweyne Cabdi Bishaar Aadan.

Ciidamada maamulka gobolka Hiiraan ayaa wali ka wada xaafaddaha magaalada howlgal ballaaran oo sida ay sheegeen saraakiisha lagu baadi-goobayo kooxihii ka danbeeyay dilka mas'uulka ka tirsanaa maxkamadda, waxaana howlgalkaa lagu soo qab-qabtay tiro dhalinyarro ah oo su'aalo lagu weydiinayo saldhiga booliiska.

Col. Isaaq Cali C/dulle taliyaha qeybta booliiska ayaa u sheegay HOL in ay jiraan dad la tuhusan yahay oo loo soo qab-qabtay dilka, laakiin waxaa uu sheegay in aan laga sii hordhici karin baritaanka socda.

Dilka ayaa sidoo kale waxaa cambaareeyay mas'uuliyiinta maamulka Ahlu Sunna Waljameeca ee gobollada dhexe oo ka dalbaday maamulka gobolka Hiiraan in ay sida ugu dhaqsiyaha badan gacanta loogu soo dhigo kooxihii ka danbeeyay dilka.

C/raxmaan Diini, Hiiraan Online
[email protected]
Baladweyne, Soomaaliya













Click here
7/21/2013 1:55 PM EST
Axad, July 21, 2013 (HOL) — Tiro suxufiyiinta ah oo ka howlgalaha qaybaha kala duwan ee warbaahinta Muqdisho ayaa maanta kulan yeeshay, iyagoo ka hadlay sharciga qavbyada ah ee warbaahinta Soomaalida oo dhawaan ay meel-mariyeen golaha wasiirrada xukuumadda Soomaaliya.

7/21/2013 10:57 AM EST
Axad, July 21, 2013 (HOL) — Guddoomiyaha maamulka gobolka Hiiraan Cabdi Faarax Laqanyo, mas'uuliyiinta ka tirsan maamulka, saraakiisha ciidamada Jabuuti, xubno ka tirsan maamulka Ahlu Sunna Waljameeca ee gobollada dhexe iyo dadweyne isaga kala yimid xaafaddaha magaalada Baladweyne ayaa ka qeyb-gallay aaska Alle ha u naxariisteen guddoomiye ku-xigeenkii maxkamadda degmada Baladweyne marxuum Macalin Xassan Cilmi Ciyoow oo kooxo hubeysan xalay ku dilleen magaalada.

7/21/2013 8:28 AM EST
Axad, July 21, 2013 (HOL) — Waxa maanta magaaladda Hargeysa si balaadhan loogu soo dhoweeyey wasiirka cusub ee dhowaanta loo magacaabay wasaaradda Arrimaha dibadda Somaliland Maxamed Biixi Yoonis.

7/21/2013 8:13 AM EST
Axad, July 21, 2013 (HOL) — Guddoomiyaha gobolka Awdal, Cabdoo Aayar ayaa ka hadlay markii ugu horreysay khilaaf soo dhexgalay xildhibaannada dowladda hoos ee Boorame iyo golaha fulinta maamulka degmadaas, kaasoo keenay in warbaahinta hadallo kulul la isku dhaafsado.

7/21/2013 7:30 AM EST
Axad, July 21, 2013(HOL) :- Ciidamada maamulka Kismaayo ayaa maanta bilaabay howlgallo ballaaran oo lagu sugayo amniga, waxayna arintani ka danbeeyay kadib falal ammaan darro oo maalmihii u danbeeyay siyaabo kala duwan uga dhacayay magaalada Kismaayo ee xarunta gobolka J/hoose.

7/21/2013 4:50 AM EST
Axad, July 21, 2013 (HOL) — Kooxo hubeysan ayaa xalay toogasho ku dishay guddoomiye ku-xigeenkii labaad ee maxkamada degmada Baladweyne Macalin Xassan Cilmi Ciyow oo xili la sheegay in uu ku sii jeeday gurigiisa aan wax badan ka fogeyn halka ay toogashadu ka dhacday.

7/21/2013 2:56 AM EST
Axad, July 21, 2013 (HOL) — Ra’iisul wasaaraha Itoobiya, Hailemariam Dessalegn ayaa sheegay in dowladdiisu ay gacan ka geysnayso sidii dib loogu soo celin lahaa ammaanka iyo deggenaashaha Soomaaliya, kaddib kulan uu Addis Ababa kula yeeshay wasirka gaashaandhigga Soomaaliya, C/xakiin Maxamuud Xaaji Fiqi.

7/21/2013 2:43 AM EST
Axad, July 21, 2013 (HOL) — Xarakada Al-shabaab ayaa shalay ciidamo badan oo xiranaa dharka milateriga Soomaaliya kusoo bandhigtay degmada Baraawe ee gobolka Shabeellada hoose oo ka mid degmooyinka ay ka taliso, waxaana halkaas hadal ka jeediyay mas'uulka Al-shabaab u qaabilsan gobolkaas, Sheekh Maxamed Abuu-Cabdalla.

7/21/2013 1:48 AM EST
Axad, July 21, 2013 (HOL) — Madaxweynaha Soomaaliya, Xasan Sheekh oo la hadlayay saraakii iyo ciidammo ka tirsan kuwa dowladda Soomaaliya ayaa sheegay in sarkaalkii aan awood u lahayd inuu askariga uu xukumo uu ka celiyo isbaarada ay u furan tahay inuu shaqada isaga tago.

7/21/2013 1:47 AM EST
Axad, July 21, 2013 (HOL) — Qaraxyo bambaano ayaa xalay siyaabo kala duwan uga dhacay magaalada Muqdisho, kuwaasoo dhaawacyo ay kasoo gaareen dad shacab ah oo ku sugnaa goobaha lagu tuuray qaarkood, sidoo kale waxaa kooxo hubeysan ay askari ka tirsan ciidamada dowladda ku dileen degmada Huriwaa.