3/29/2024
Today from Hiiraan Online:  _
Wararka Maanta- Axad, July 21, 2013
Howlgallo Amni Sugid ah oo laga Sameeyay Kismaayo Kaddib markii ay soo bateen falalka amaan-darrada ah [SAWIRRO]


Axad, July 21, 2013(HOL) :- Ciidamada maamulka Kismaayo ayaa maanta bilaabay howlgallo ballaaran oo lagu sugayo amniga, waxayna arintani ka danbeeyay kadib falal ammaan darro oo maalmihii u danbeeyay siyaabo kala duwan uga dhacayay magaalada Kismaayo ee xarunta gobolka J/hoose.

Saraakiisha ciidamada maamulka Kismaayo ayaa sheegay in howlgallada ay ka bilaabeen magaalada ay uga gon leeyihiin sidii loo xaqiijin lahaa ammaanka guud ee magaalada Kismaayo  islamarkaana magaalada looga saari lahaa askarta sida sharci darrada ah hubka ugu dhex sita magaalada.

Ciidamadan oo raxan raxan u socda  ayaa lagu arkayay dhamaan wadooyinka waaweyn ee magaalada, iyagoona si gaar ah uga howlgalayay suuqyada waaweyn ee ganacsiga.

Qaar kamid ah ganacsatada suuqyada magaalada Kismaayo oo warbaahinta la hadlay ayaa ka codsaday masuuliyiinta maamulka in ay sugaan ammaanka, islamarkaana ay sameeyaan ciidamo gaar ah oo ilaaliya  amniga ganacsatada.

Ganacsatada ayaa cabasho ka muujisay askar hubeysan oo dhac u geysta iyadoona ay ugu danbeeysay dhac shalay bartamaha suuqa weyn ee umbultooriyo loogu geystay ganacsatada suuqa sarifka lacagaha qalaad.

Taliyaha saldhigga dhexe ee degmada Kismaayo oo warbaahinta la hadlay ayaa wax laga xumaado ku tilmaamay dhac shalay gudaha magaalada loogu geystay ganacsatada suuqa sarifka wuxuuna sheegay in howlgalladan ay socon doonaan inta laga xaqiijinayo ammaanka guud ee magaalada Kismaayo ee xarunta gobolka J/hoose.

Sidoo kale Macalim Max’ed oo kamid ah saraakiisha ciidamada maamulka Kismaayo ayaa si kulul uga hadlay falalka amni darro ee ka dhaca magaalada, wuxuuna digniin culus u diray ciidamada sida sharci darrada ah hubka ugu dhexqaata magaalada.

Mas'uulkan ayaa sheegay in maanta kadib aan la ogolaan doonin askari si sharci darro ah hub ugu dhex sita magaalada, wuxuuna xusay in ciidamada sugaya ammaanka ay amar ku siiyaan in ay hubka ka dhigaan askarigii ay arkaan isagoo sita hub sharci darro ah, cidii isku adkeysana ay toogtaan.







Xasan Nuur, Hiiraan Online
[email protected]
Kismaayo-Soomaaliya













Click here
7/21/2013 1:55 PM EST
Axad, July 21, 2013 (HOL) — Tiro suxufiyiinta ah oo ka howlgalaha qaybaha kala duwan ee warbaahinta Muqdisho ayaa maanta kulan yeeshay, iyagoo ka hadlay sharciga qavbyada ah ee warbaahinta Soomaalida oo dhawaan ay meel-mariyeen golaha wasiirrada xukuumadda Soomaaliya.

7/21/2013 10:57 AM EST
Axad, July 21, 2013 (HOL) — Guddoomiyaha maamulka gobolka Hiiraan Cabdi Faarax Laqanyo, mas'uuliyiinta ka tirsan maamulka, saraakiisha ciidamada Jabuuti, xubno ka tirsan maamulka Ahlu Sunna Waljameeca ee gobollada dhexe iyo dadweyne isaga kala yimid xaafaddaha magaalada Baladweyne ayaa ka qeyb-gallay aaska Alle ha u naxariisteen guddoomiye ku-xigeenkii maxkamadda degmada Baladweyne marxuum Macalin Xassan Cilmi Ciyoow oo kooxo hubeysan xalay ku dilleen magaalada.

7/21/2013 8:28 AM EST
Axad, July 21, 2013 (HOL) — Waxa maanta magaaladda Hargeysa si balaadhan loogu soo dhoweeyey wasiirka cusub ee dhowaanta loo magacaabay wasaaradda Arrimaha dibadda Somaliland Maxamed Biixi Yoonis.

7/21/2013 8:15 AM EST
Axad, July 21, 2013 (HOL) — Kaddib toogasho xalay kooxo hubeysan ugu geysteen magaalada Baladweyne guddoomiye ku-xigeenkii maxkamadda degmada, Macalin Xassan Cilmi Ciyow ayaa waxaa dilkiisa maanta ka hadlay guddoomiyaha maamulka degmada Cabdi Bishaar Aadan.

7/21/2013 8:13 AM EST
Axad, July 21, 2013 (HOL) — Guddoomiyaha gobolka Awdal, Cabdoo Aayar ayaa ka hadlay markii ugu horreysay khilaaf soo dhexgalay xildhibaannada dowladda hoos ee Boorame iyo golaha fulinta maamulka degmadaas, kaasoo keenay in warbaahinta hadallo kulul la isku dhaafsado.

7/21/2013 4:50 AM EST
Axad, July 21, 2013 (HOL) — Kooxo hubeysan ayaa xalay toogasho ku dishay guddoomiye ku-xigeenkii labaad ee maxkamada degmada Baladweyne Macalin Xassan Cilmi Ciyow oo xili la sheegay in uu ku sii jeeday gurigiisa aan wax badan ka fogeyn halka ay toogashadu ka dhacday.

7/21/2013 2:56 AM EST
Axad, July 21, 2013 (HOL) — Ra’iisul wasaaraha Itoobiya, Hailemariam Dessalegn ayaa sheegay in dowladdiisu ay gacan ka geysnayso sidii dib loogu soo celin lahaa ammaanka iyo deggenaashaha Soomaaliya, kaddib kulan uu Addis Ababa kula yeeshay wasirka gaashaandhigga Soomaaliya, C/xakiin Maxamuud Xaaji Fiqi.

7/21/2013 2:43 AM EST
Axad, July 21, 2013 (HOL) — Xarakada Al-shabaab ayaa shalay ciidamo badan oo xiranaa dharka milateriga Soomaaliya kusoo bandhigtay degmada Baraawe ee gobolka Shabeellada hoose oo ka mid degmooyinka ay ka taliso, waxaana halkaas hadal ka jeediyay mas'uulka Al-shabaab u qaabilsan gobolkaas, Sheekh Maxamed Abuu-Cabdalla.

7/21/2013 1:48 AM EST
Axad, July 21, 2013 (HOL) — Madaxweynaha Soomaaliya, Xasan Sheekh oo la hadlayay saraakii iyo ciidammo ka tirsan kuwa dowladda Soomaaliya ayaa sheegay in sarkaalkii aan awood u lahayd inuu askariga uu xukumo uu ka celiyo isbaarada ay u furan tahay inuu shaqada isaga tago.

7/21/2013 1:47 AM EST
Axad, July 21, 2013 (HOL) — Qaraxyo bambaano ayaa xalay siyaabo kala duwan uga dhacay magaalada Muqdisho, kuwaasoo dhaawacyo ay kasoo gaareen dad shacab ah oo ku sugnaa goobaha lagu tuuray qaarkood, sidoo kale waxaa kooxo hubeysan ay askari ka tirsan ciidamada dowladda ku dileen degmada Huriwaa.