3/28/2024
Today from Hiiraan Online:  _
Wararka Maanta- Arbaco, July 17, 2013
Sirdoonka dalka Kenya oo Su’aalo Weydiinaya mid ka mid ah Kaaliyayaashii Ra'iisul Wasaarihii hore ee Kenya Raila Odinga
Owalo.jpg
Arbaco, July 17, 2013 (HOL) Sirdoonka waddanka Kenya ayaa u yeeray Eliud Owalo oo ah la taliyihii Ra’iisul wasaarihii hore ee Kenya si su’aalo loo waydiiyo.

Waxaana la sheegay in sirdoonku ay heleen macluumaad ku saabsan inuu qorshaynayay falal lagu waxyeellaynayo jiritaanka dawlada Kenya ee uu hogaamiyo isbahaysiga Jubilee kadib markii doorashadii looga guulaystay musharraxii xisbigiisa ahaana Ra’iisul wasaarihii hore Raila Odinga.

Wararka ayaa sheegaya in Owalo wax laga waydiiyay waxa uu ka ogyahay qorshe lagu afgambinayo dawlada haatan jirta.

Isagoo la hadlay warbaahinta dalka Kenya ayuu Owalo sheegay in arrinta loogu yeeray ay tahay in la handado oo la aamusiyo dadka kasoo horjeeda isbahaysiga Jubilee ee haya xukunka waddanka.

Isaga iyo abukaate u doodaya ayaa lagu waraystay xarunta dhexe ee sirdoonka dalka Kenya.

Musharraxii laga guulaystay ee doorashada Kenya Raila Odinga ayaa ka biyo diiday natiijadii doorashada balse waa uu aqbalay go'aankii kasoo maxkamada sare oo meelmariyay natiijada.

Axmed C/samad, Hiiraan Online
[email protected]
Nairobi , Kenya













Click here
7/17/2013 11:20 AM EST
Dawlada Soomaaliya ayaa beenisay warar ay horay saxaafadu isula dhex maraysay oo sheegaya in sharciga qabyada ah ee saaxafadda kaasoo ay meelmariyeen golaha wasiirradu ay ku jirto qodob 40 sano shuruud uga dhigaya ka shaqaynta mihnada warbaahinta.

7/17/2013 10:24 AM EST
Arbaco, July 17, 2013 (HOL) — Guddoomiyaha gobolka Hiiraan, Cabdi Faarax Laqanyo ayaa sheegay in maamulka uu hogaamiyo muhiimad gaar ah siinayo wax ka qabashada nabad-galyada, isaga oo sheegay in awoodooda inta badan isugu geyn doonaan sidii salka u dhigi lahaayeen amniga guud ahaan gobolka Hiiraan gaar ahaan magaalada Baladweyne.

7/17/2013 10:18 AM EST
Arbaco, July 17, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta la kulmay guddi hawleedka qorshaha New Deal ama hiigsashada cusub ee Soomaaliya, gudigan oo loo yaqaan "High Level Task Force".

7/17/2013 10:06 AM EST
Arbaco, July 17, 2013 (HOL) — Ciidamada milateriga dowladda Soomaaliya ee ku sugan gobollada Bay, Bakool iyo Gedo ayaa loo qaybiyay lacagihii ay mushaar ahaanta u lahaayeen oo muddo ay sugayeen, iyadoo maanta ciidan ka badan 2,000 oo askari oo kasoo tagay furmaha dagaalka ayaa mushaar la siiyay,l waxaana ku jiray kuwo aan weligood mushaar qaadan.

7/17/2013 10:05 AM EST
Arbaco, July 17, 2013 (HOL) — Gudidda Doorashooyinka, xisbiyada Qaranka iyo xukuumadda oo maanta wada yeeshay kulan wada jir ah, ayaa kala saxeexday heshiish ku saabsan sidii dalka laga sameeyo Diiwaangelinta Muwaadinka iyo Diiwaangelinta Codbixiyeyaasha doorashooyinka dambe lagu galo.

7/17/2013 8:01 AM EST
Arbaco, July 17, 2013 (HOL) — Xawaaladda KAAH Express ayaa kafaalo qaadday quudinta bukaannada ku jira isbitaalka qaaxaddamagaalada Laascaanood ee xarunta gobolka Sool, kaddib markii ay adkaatay quudinta bukaannadaas.

7/17/2013 7:37 AM EST
Arbaco, July 17, 2013 (HOL) — Guddoomiye ku xigeenka degmada Baydhabo ee xarunta gobolka Bay, Maxamed Xasan Dhala-dheere ayaa ku dhaawacmay iskahorimaad maanta ku dhexmaray gudaha degmadaas ciidammo ka tirsan kuwa dowladda Soomaaliya iyo ilaaladiisa gaarka ah.

7/17/2013 7:25 AM EST
Arbaco, July 17, 2013 (HOL) — Xukuumadda, goleyaasha sharci dejinta iyo madax dhaqameedka Somaliland ayaa si weyn uga hor yimid gole cusub oo siyaasiyiin reer Somaliland ahi kaga dhawaaqeen magaaladda Hargeysa, kaas oo ay u bixiyeen golaha wadatashiga iyo toosinta Qaranka oo ay isku bahaysteen siyaasiyiin mucaarad ku ah xukuumadda.

7/17/2013 7:22 AM EST
Xaafadda ay daganyihiin inta badan Soomaalida ku nool magaalada Nairobi ayaa waxay kamid tahay goobaha ugu nadaafada xun ee caasimada dalka Kenya.

7/17/2013 6:49 AM EST
Arbaco, July 17, 2013(HOL) :- Hal qof ayaa ku dhintay 10 kalena waxa kasoo gaaray dhaawacyo kadib markii gaari nooca UD-ga loo yaqaan uu ku rogmaday xaafadda V-afmadow ee magaalada Kismaayo.

7/17/2013 6:06 AM EST
Arbaco, July 17, 2013(HOL) :- Waxaa goordhawayd magaalada Kismaayo ka dhacay qarax xooggan oo lala beegsaday ciidamo ka tirsan kuwa AMISOM oo marayay mid kamid ah xaafadaha magaalada Kismaayo.

7/17/2013 4:25 AM EST
Arbaco, July 17, 2013(HOL) :- Ra’isul wasaarihii hore ee Soomaaliya Dr. C/weli Max'ed Cali Gaas ayaa wax laga xumaado ku tilmaamay shaqaaqooyinkii dhawaan magaalada Qardho ku dhexmaray ciidamada maamulka Puntland iyo kooxxo hubeysan oo kasoo horjeeday in ay dhacdo doorashada.

7/17/2013 3:54 AM EST
Arbaco, July 17, 2013(HOL) :- Ciidamada ammaanka maamulka Jubbaland ee magaalada Kismaayo ayaa ku guuleystay in ay soo bixiyaan Miino ku aasnayd mid kamid ah wadooyinka muhiimka ah ee mara magaalada Kismaayo.

7/17/2013 3:02 AM EST
Arbaco, July 17, 2013(HOL) :- Wasiirka gaashaandhigga dowladda federaalka Soomaaliya Mudane C/xakiin Max’uud Xaaji Fiqi oo shalay gelinkii danbe gaaray dalka Itoobiya ayaa waxa uu kulamo la qaatay madax ka tirsan dowladda Itoobiya kuwaasoo uu kala hadlay arimo ku saabsan iskaashiga labada dal.