3/28/2024
Today from Hiiraan Online:  _
Wararka Maanta- Arbaco, July 17, 2013
Kulan lagu daah-furay Shirkad ka shaqeyn doonto Horumarka xaafadda Islii oo lagu qabtay Magaaalaada Nairobi (SAWIRRO)
Tifow-17-Picture-1589-3.jpg
Arbaco, July 17, 2013 (HOL) - Xaafadda ay daganyihiin inta badan Soomaalida ku nool magaalada Nairobi ayaa waxay kamid tahay goobaha ugu nadaafada xun ee caasimada dalka Kenya.

Shirkada Kah Investment oo ay leeyihiin ganacsato Soomalaiyeed kana duulaysa soo celinta bilicda xaafadda Islii ayaa go,aansatay in ay ka shaqeyso sidii xaafadda looga nadiifin lahaa qashinka,loona dayactiri lahaa goobaha boosaneerada oo qeyb weyn ka ah dhibaatada nadaafadeed ee xaafadda.

Kulan ballaaran oo ay kasoo qeyb galeen laamaha ammaanka, hormarinta, bilicda magaalada Nairobi iyo mas’uuliyiinta shirkada Kah Investment oo ay wehliyaan bulshada Soomaaliyeed ee ku nool Kamakunji ayaa ka dhacay hotelka Nomad ee xaafadda Islii.

Gudoomiyaha shirkadda dhismaha guud ee Kah Maxamed Maxmuud ayaa ka codsaday Soomaalida Islii in ay kala shaqeeyaan ka shirkad ahaan sidii ay ugu guuleysan lahaayeen hamigooda ah in ay Islii ka dhigaan mid ka mid ah xaafadaha ugu quruxda badan Niarobi.

“Shirkadda Kah Investment waxaa abaabulay dad Soomaaliyeed oo ka damqaday dhibaatada deegaaneed ee dadkooda,sidaas darted waxaan rumeysanahay in aan ku guuleysan doono ujeedkeena anagoo kaashaneyna dadkeena”waxaa yiri gudoomiyha Kah Investment.

Tifow-17-Picture-1589-2.jpg

Xiriiriyaha Shirkada dhismaha guud ee Kah Daa’uud Shiikh Maxamuud oo ka hadlay munaasabadda ayaa u mahadceliyay dhamaan kasoo qeyb galayaasha gaar ahaan laamaha ammaanka iyo hormarinta dowlada ee Nairobi.

Xiriiriye Daa,uud  ayaa sheegay in shirkadooda dhismaha guud iyo nadaafadda ee Kah ay tahay mid u taagan soocelinta bilicda iyo quruxda xaafada Islii oo muddo badan la illoobay.

“Anaga waxaanu nahay dad Soomaali ah waxaan ka shaqeyneynaa in xaafadeenna Islii ay noqoto mid la mid ah xaafadha kale ee Nairobi,waxaan hagaajin doonaa wadooyinka,bulaacadaha,waxaan sidookale qaadi doonaa qashinka, waxaa xusid mudan in ciidamo gaar ah shirkadda Kah ay u diyaarisay ilaalinta wadooyinka si aanan qashin loosoo dhigin” ayuu yiri Daa,uud.

Shirkadan Kah Investment ayaa ugu digtay dadka caadeystay in wadooyinka xaafadda Islii ay soo dhigaan qashinka iyadoona sheegtay in arrimahaasi ay qeyb weyn ka yihiin amaan darrada laga sheego Islii.

Kah Investment  waa shirkaddii ugu horeysay oo Soomaali ay leedhay oo u istaagta nadiifinta iyo qurxinta muuqaalka guud ee Islii oo haatan ay ka socoto dib u dhis ballaaran oo lagu wado wadooyinka oo horay u jajabsanaa.

Tifow-17-Picture-1589-5.jpg
Tifow-17-Picture-1589-4.jpg

Axmed C/samad, Hiiraan Online
[email protected]
Nairobi , Kenya












Click here
7/17/2013 11:20 AM EST
Dawlada Soomaaliya ayaa beenisay warar ay horay saxaafadu isula dhex maraysay oo sheegaya in sharciga qabyada ah ee saaxafadda kaasoo ay meelmariyeen golaha wasiirradu ay ku jirto qodob 40 sano shuruud uga dhigaya ka shaqaynta mihnada warbaahinta.

7/17/2013 10:24 AM EST
Arbaco, July 17, 2013 (HOL) — Guddoomiyaha gobolka Hiiraan, Cabdi Faarax Laqanyo ayaa sheegay in maamulka uu hogaamiyo muhiimad gaar ah siinayo wax ka qabashada nabad-galyada, isaga oo sheegay in awoodooda inta badan isugu geyn doonaan sidii salka u dhigi lahaayeen amniga guud ahaan gobolka Hiiraan gaar ahaan magaalada Baladweyne.

7/17/2013 10:18 AM EST
Arbaco, July 17, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta la kulmay guddi hawleedka qorshaha New Deal ama hiigsashada cusub ee Soomaaliya, gudigan oo loo yaqaan "High Level Task Force".

7/17/2013 10:06 AM EST
Arbaco, July 17, 2013 (HOL) — Ciidamada milateriga dowladda Soomaaliya ee ku sugan gobollada Bay, Bakool iyo Gedo ayaa loo qaybiyay lacagihii ay mushaar ahaanta u lahaayeen oo muddo ay sugayeen, iyadoo maanta ciidan ka badan 2,000 oo askari oo kasoo tagay furmaha dagaalka ayaa mushaar la siiyay,l waxaana ku jiray kuwo aan weligood mushaar qaadan.

7/17/2013 10:05 AM EST
Arbaco, July 17, 2013 (HOL) — Gudidda Doorashooyinka, xisbiyada Qaranka iyo xukuumadda oo maanta wada yeeshay kulan wada jir ah, ayaa kala saxeexday heshiish ku saabsan sidii dalka laga sameeyo Diiwaangelinta Muwaadinka iyo Diiwaangelinta Codbixiyeyaasha doorashooyinka dambe lagu galo.

7/17/2013 8:01 AM EST
Arbaco, July 17, 2013 (HOL) — Xawaaladda KAAH Express ayaa kafaalo qaadday quudinta bukaannada ku jira isbitaalka qaaxaddamagaalada Laascaanood ee xarunta gobolka Sool, kaddib markii ay adkaatay quudinta bukaannadaas.

7/17/2013 7:51 AM EST
Sirdoonka waddanka Kenya ayaa u yeeray Eliud Owalo oo ah la taliyihii Ra’iisul wasaarihii hore ee Kenya si su’aalo loo waydiiyo.

7/17/2013 7:37 AM EST
Arbaco, July 17, 2013 (HOL) — Guddoomiye ku xigeenka degmada Baydhabo ee xarunta gobolka Bay, Maxamed Xasan Dhala-dheere ayaa ku dhaawacmay iskahorimaad maanta ku dhexmaray gudaha degmadaas ciidammo ka tirsan kuwa dowladda Soomaaliya iyo ilaaladiisa gaarka ah.

7/17/2013 7:25 AM EST
Arbaco, July 17, 2013 (HOL) — Xukuumadda, goleyaasha sharci dejinta iyo madax dhaqameedka Somaliland ayaa si weyn uga hor yimid gole cusub oo siyaasiyiin reer Somaliland ahi kaga dhawaaqeen magaaladda Hargeysa, kaas oo ay u bixiyeen golaha wadatashiga iyo toosinta Qaranka oo ay isku bahaysteen siyaasiyiin mucaarad ku ah xukuumadda.

7/17/2013 6:49 AM EST
Arbaco, July 17, 2013(HOL) :- Hal qof ayaa ku dhintay 10 kalena waxa kasoo gaaray dhaawacyo kadib markii gaari nooca UD-ga loo yaqaan uu ku rogmaday xaafadda V-afmadow ee magaalada Kismaayo.

7/17/2013 6:06 AM EST
Arbaco, July 17, 2013(HOL) :- Waxaa goordhawayd magaalada Kismaayo ka dhacay qarax xooggan oo lala beegsaday ciidamo ka tirsan kuwa AMISOM oo marayay mid kamid ah xaafadaha magaalada Kismaayo.

7/17/2013 4:25 AM EST
Arbaco, July 17, 2013(HOL) :- Ra’isul wasaarihii hore ee Soomaaliya Dr. C/weli Max'ed Cali Gaas ayaa wax laga xumaado ku tilmaamay shaqaaqooyinkii dhawaan magaalada Qardho ku dhexmaray ciidamada maamulka Puntland iyo kooxxo hubeysan oo kasoo horjeeday in ay dhacdo doorashada.

7/17/2013 3:54 AM EST
Arbaco, July 17, 2013(HOL) :- Ciidamada ammaanka maamulka Jubbaland ee magaalada Kismaayo ayaa ku guuleystay in ay soo bixiyaan Miino ku aasnayd mid kamid ah wadooyinka muhiimka ah ee mara magaalada Kismaayo.

7/17/2013 3:02 AM EST
Arbaco, July 17, 2013(HOL) :- Wasiirka gaashaandhigga dowladda federaalka Soomaaliya Mudane C/xakiin Max’uud Xaaji Fiqi oo shalay gelinkii danbe gaaray dalka Itoobiya ayaa waxa uu kulamo la qaatay madax ka tirsan dowladda Itoobiya kuwaasoo uu kala hadlay arimo ku saabsan iskaashiga labada dal.