3/28/2024
Today from Hiiraan Online:  _
Wararka Maanta- Jimco, July 12, 2013
Qarax Ismiidaamin ah oo Magaalada Muqdisho lagula beegsaday Gaadiid ay Wateen Ciidamada Midowga Afrika ee AMISOM


Jimco, July 12, 2013 (HOL) — Weerar Ismiidaamin ah ayaa goor dhow lala beegsday gaadiid ay wateen ciidamada AMISOM oo marayay agagaarka xarunta hay’adda UNDP ay ku leedahay Muqdisho, iyadoo weerarkaas ay ka dhasheen khasaarooyin isugu jira dhimasho iyo dhaawac.

Gaari waxyaabaha qaraxa laga soo buuxiyay ayaa hoosta ka galay mid ka mid ah gaadiid ay wateen ciidamada AMISOM, iyadoo ay ku dhinteen lab aka mid ah ciidamadii AMISOM ee gaariga la socday tiro kalena ay dhaawacyo ka soo gaareen.

“Qaraxu wuxuu ahaa mid loo adeegsaday gaari miineysan oo dabada ka galay gaari ay wateen ciidamada AMISOM, waxaan arkay laba ka mid ah askarta AMISOM oo uu goobta ka qaadayay gaari ambalaas ah oo ay leedahay AMISOM,” ayuu yiri Axmed Maxamed oo ku sugnaa meel ku dhow halka uu qaraxu ka dhacay.

Laakiin afhayeenka AMISOM, Col. Cali Aadan Xumad oo saxaafadda la hadlay ayaa xusay in laba ka mid ah ciidamadooda ay dhaawacyo kasoo gaareen weerarkaas, gaarigii ay la socdeenna ay taayirrada ka qarxeen.

Goobjoogaha ayaa sheegay in gaariga AMSIOM uu qaybta dambe ka gubtay, ayna sidoo kale qaraxa ku gubteen dukaammo ku yaalla waddada dhinaceeda, halkaasoo ay ku sugnaayeen dad doonayay inay ka adeegtaan, iyadoo halkaas ay ku dhinteen ku dhow ku dhow 10-qof oo shacab ah.

Xarumaha ku dhow halka uu qaraxu ka dhacay oo ay ku jiraan xarunta ay WFP ku leedahay Muqdisho iyo xarun ay leedahay shirkadda Hormuud ayuu saameyn ku yeeshay qaraxaas, iyadoo ay goobta xireen ciidamadii AMISOM iyo kuwo ka tirsan dowladda Soomaaliya.

“Dadka oo dhan waa loo diidan yahay inay goobta soo galaan, waxaan anigu ku suganahay meel ku dhow halka uu weerarku ka dhacay, khasaare weyn ayuun weerarku geystay… dad badan oo shacab ah ayaa ku dhintay kuwo kalena dhaawacyo ayaa soo gaaray, balse lama xaqiijin karo tiradooda,” ayuu goobjooguhu hadalkiisa ku daray.

Weerarkan ayaa noqonaya kii ugu horreeyay noociisa oo lala beegsado gaadiid ay wateen ciidamada AMISOM oo marayay gudaha Muqdisho, iyadoo uu kusoo beegmayo xilli ay Al-shabaab ku habjabtay inay kordhin doonaan weerarrada ismiidaaminta ah ee ay la beegsanayaan ciidamada AMISOM iyo kuwa dowladda Soomaaliya.

Bishii hore ayay ahayd markii weerar ismiidaamin ah oo geystay khasaare isugu jirta dhimasho iyo dhaawac ay Al-shabaab la beegsatay xarunta ay hay’adda UNDP ku leedahay Muqdisho.

Ciidamadii AMISOM ee qaraxa lagu weeraray iyo kuwii dowladda ayaa goobta ka tagay iyadoo halkaas ay ku sugan yihiin dadweynaha isku dayay inay dambiyaan dab xooggan oo ka dhashay qaraxa, waxaana weli goobta yaalla maydadka dadkii shacabka ahaa ee ku dhintay goobtaas.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/12/2013 3:15 PM EST
Jimco, July 12, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa xadhiga ka jaray idaacad cusub oo FM ah oo khaas u ah quraanka karriimka iyo Axaadiista Nabiga NNKHA oo lagu soo kordhiyay idaacadda Radio Hargeysa.

7/12/2013 2:14 PM EST
Jimco, July 12, 2013 (HOL) — Urur-siyaasadeedka Wadajir oo kamid ah 6-da urur-siyaasadeed ee Puntland ayaa maanta shaaciyey in uusan ka qayb geli doonin doorashada goleyaasha deegaanka ee Isniinta soo socota la filayo in ay ka qabsoonto deegaanada Puntland.

7/12/2013 1:20 PM EST
Jimco, July 12, 2013 (HOL) — Sideed sano ayaa kasoo wareegtay markii kooxo hubeysan ay xalay oo kale ku toogteen gurigiisa oo ku yaalay degmada Wadajir C/qaadir Yaxye Sheekh Cali oo ka mid ahaa mas’uuliyiintii hay’adda cilmi-baarista iyo wadashiga CRD.

7/12/2013 12:40 PM EST
Jimco, July 12, 2013 (HOL) — Ra,iisal wasaaraha Soomaaliya, Cabdi Faarax Shirdon (Saacid) ayaa cambaareeyay weerarkii is-miidaaminta ahaa ee lala beegsaday gellinkii dambe ee maanta gaadiid ay wateen ciidamada AMISOM, isagoo tacsi u diray dhamaan qoysaskii dadkii rayidka ahaa ee wax-yeelladu kasoo gaartay weerarkaas.

7/12/2013 11:47 AM EST
Jimco, July 12, 2013(HOL)—Suxufiyiinta Soomaaliyeed ayaa sheegay in Dowladda Soomaaliya ay meel marisay sharci qabyo qoraal ah, kaasi oo ay u arkayaan in uu yahay mid xaaladda ku sii adkeyn doona warfidiyeennada Soomaaliyeed oo xaalado ka dhan ah xuquuqdooda aas-aasiga ah la kulmayay sanadihii aynu ka soo gudubnay.

7/12/2013 10:29 AM EST
Jimco, July 12, 2013(HOL) :- Shir maanta ka dhacay xarunta jaamacadda Kismaayo islamarkaana ay goobjoog ka ahaayeen madaxda ugu sareeysa maamulka Jubbaland iyo ergadii soo dhistay maamulka ayaa waqti kordhin loogu sameeyay madaxweeynaha maamulka si uu u soo dhameystiro qeybaha ka dhisman maamulka.

7/12/2013 9:12 AM EST
Jimco, July 12, 2013 (HOL) — Inta la ogyahay shan ruux oo ka mid ah kuwii uu dagaalku u dhexeeyay ayaa ku dhintay sagaal kalena dhaawacyo ayaa ka soo gaaray dagaal ciidamada dowladda Soomaaliya iyo kuwa Al-shabaab ku dhexmaray manta degmada Awdheegle ee gobolka Shabeellada Hoose.

7/12/2013 8:42 AM EST
Jimco, July 12, 2013 (HOL) — Koox dabley ah ayaa xalay abbaare 12:kii habeennimo jidka u galay gaari nooca xamuulka qaada ah oo ka tegey magaalada Boosaaso, kaas oo marayey inta u dhexeysa tuulooyinka Kalabery iyo Kob-dhexaad oo qiyaastii 70km magaalada Boosaaso bariga ka xiga.

7/12/2013 4:57 AM EST
Jimco, July 12, 2013 (HOL) — Jaaliyadda Soomnaaliyeed ee ku nool xarunta labaad ee dalka Britain ee Birmingham ayaa xaflad soo dhaweyn ah xalay u sameeyay wafdi xildhibaanno ah oo uu hoggaaminayay guddoomiye ku xigeenka labaad ee baarlamaanka Soomaaliya, Mahad Cabdalla Cawad oo socdaal shaqo ku jooga Britain.

7/12/2013 4:13 AM EST
Jimco, July 12, 2013 (HOL) — Madaxweynaha Puntland C/raxmaan Sheekh Maxamed Faroole ayaa ugu baaqay shacabka ku nool Puntland inay ka qayb-qaataan doorashooyinka golaha deegaanka oo billaaban doona Isniinta soo socota oo ku beegan 15-ka bishan July.