3/29/2024
Today from Hiiraan Online:  _
Wararka Maanta- Khamiis, July 11, 2013
Qaramada Midoobay oo ka digtay in dib loo celiyo Qoxootiga Soomaaliyeed ee ku jira Xeryaha Qoxootiga Dalka Kenya


Khamiis, July 11, 2013 (HOL) — Madaxa hay’adda UNHCR oo qoxootiga u qaabilsan Qaramada Midoobay ayaa ka digay in qaxootiga Soomaaliyeed la celiyo iyadoo aan la raacin sharciayada caalamiga ah ee u dagsan qaxootiga iyo habka loola dhaqmo.

Antonio Guterres ayaa sheegay in qorshaha dowladda Kenya ay dib ugu celineyso qoxootiga Soomaaliyeed ee dalkeeda ku nool ay tahay inuu noqdo mid gaarsiisan heerarka caalamiga ah.

Sidoo kale, Guterres wuxuu xusay in inkastoo ay kasoo raynayso xaaladda Soomaaliya, haddana dib u celinta qaxootiga ay tahay inay noqoto mid ku timaada si ikhtiyaari ah.

“Dib u celinta qoxootiga Soomalida Soomaalida ee Kenya ama dalalka kale ee dariska ah ku nool waa inaysan noqon mid ku timaadda si khasab ah, balse waxaan soo jeedinayaa inay noqoto mid ay qoxootigu iskood u doortaana inay dalkooda ku laabtaan,” ayuu yiri Gutterres.

Madaxa UNHCR ayaa muujiyay sida uu uga walaacsan yahay in xukuumadda Kenya ay awood u adeegsato dib u celinta qoxootiga Soomaalida ah ee ku nool dalkeeda.

Xukuumadaha Kenya iyo Soomaaliya ayaa ku heshiiyay inay ka shaqeeyaan sidii dib loogu celin lahaa qaxootiga Soomaalida ee ku jira xeryaha dhadhaab oo ah kuwa ugu weyn dunida, waxaana ku jira in ka badan nus malyuun qof oo qoxooti Soomaaliyeed ah.

Dowladda Kenya ayaa dhawaan go’aansatay inay qoxooti Soomaaliyeed oo ku nool magaalooyinka waaweyn ee dalkaas ay xoog uga saarayso, inkastoo taas ay gaashaanka ku dhufatay maxkamadda sare ee dalka Kenya.

Soomaaliya waxaa laba sano ka hor ku dhuftay abaaro ba'an oo sababay in kumannaan Soomaali ah ay u hayaamaan xeryaha qoxootiga Dhadhaab ee ku yaalla woqooyiga dalka Kenya.

Xeryaha qaxootiga ee Dhadhaab ayaa waxaa la dhisay 1991-kii markaasoo jabhado hubeysan ay xukunka ka tuureen dowladdii milateriga ahayd ee ka talinaysay Soomaaliya, waxaana xeryahan oo loogu talogalay inay 90,000 oo qof ay hoy u noqdaan; waxaa ku jira in ka badan nus malyuun qof.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/11/2013 3:16 PM EST
Khamiis, July 11, 2013 (HOL) — Barclays Bank oo ah bankiga ugu weyn UK oo lacagaha kaashka ah u kala gudbin jiray xawaaladaha Soomaalida ayaa ku dhawaaqay inuu xiray 100 sanaadiiq xisaabaad ah oo ay ku laahayeen xawaaladaha Soomaaliya, inkastoo tiro yar oo xawaalado ah uu u oglaaday inay weli isticmaalaan bangiga.

7/11/2013 2:31 PM EST
Khamiis, July 11, 2013 (HOL) — Mas'uuliyiinta maamulka gobolka Hiiraan iyo saraakiisha ciidamada oo todobaadyadii aynu soo dhaafnayba siweyn ugu howlanaa dib u habeynta ciidamada iyo sugida amniga ayaa saldhigyo dheeraad ah oo ay ka howlgali doonaan ciidamada booliiska ka hergaliyay qeybo ka mid ah xaafadaha magaalada Baladweyne.

7/11/2013 10:26 AM EST
Khamiis, July 11, 2013 (HOL) — Golaha wasiirrada Xukuumadda Soomaaliya ayaa maanta shir ay ku yeesheen xaruntooda Muqdisho waxay ku meel-mariyeen sharciga ay ku dhaqmayso warbaahinta dalka (Media Law).

7/11/2013 9:43 AM EST
Khamiis, July 11, 2013 (HOL) — Madaxweynaha Somaliland Mudane Axmed Maxamed Siillaanyo, ayaa isku shaandheyn ku sameeyey agaasimeyaasha guud ee wasaaradaha iyo hay’adaha dawliga ah.

7/11/2013 8:41 AM EST
Khamiis, July 11, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa kula kulmay wafdi ururka Midowga Yurub ka socday oo ay horkacayeen, Erik Solheim oo ahaa wasiirkii horumarinta & iskaashiga caalimga ah ee Norway, haddana ah madaxa arrimaha shirka 16-ka September 2013 lagu qabanayo magaalada Brussels iyo safiirka Midowga Yurub ee u fadhiya Soomaaliya, Michelle Cervone.

7/11/2013 7:43 AM EST
Khamiis, July 11, 2013 (HOL) — Maxkamadda degmada Gabiley, ayaa xukun ku riday 15 qof oo ku eedeysnaa ka ganacsiga Tahriibinta dadka. kiiskan oo muddo laba bilood ah dacwadooddu ka socotay maxkamadda Gabiley, ayaa 15 qof oo afar ka mid ahi iyagoo maqan la xukumay, halka 11 kii kalana xukuno kala duwan lagu riday.

7/11/2013 6:05 AM EST
Khamiis, July 11, 2013(HOL) :- Iyadoo maalmihii ugu danbeeyay dowladda Soomaaliya ay mushaaraad u qeybineysay ciidamada dowladda ee ku sugan qeybo ka tirsan gobollada dalka ayaa waxaa maanta lacagahoodii mushaaraadka la gudoonsiiyay ciidamada dowladda Soomaaliya ee ku sugan gobolka Gedo.

7/11/2013 3:51 AM EST
Khamiis, July 11, 2013 (HOL) — Wafdi uu hoggaaminayo guddoomiye ku xigeenka labaad ee baarlamaanka Soomaaliya, Mahad Cabdalla Cawad oo ku sugan magaalada London ayaa la kulmay xildhibaanno ka tirsan labada aqal ee boqortooyada Britain, guddoomiyaha Inter-Parliamentry Union iyo xubno kale.

7/11/2013 2:55 AM EST
Khamiis, July 11, 2013 (HOL) — Xukuumadda Sierra Leone oo ka mid ah dalalka ay ciidamada kaga sugan yihiin Soomaaliya ayaa ku dhawaaqday inay bedeshay taliyihii ciidamadan ka tirsan howlagalka Midowga Afrika ee AMISOM.

7/11/2013 2:40 AM EST
Khamiis, July 11, 2013 (HOL) — Siyaasiyiiin reer Somaliland ah oo maanta ku dhawaaqay gole oo la magac baxay golaha madaxa banaan ee wadatashiga iyo Toosinta Qaranka, kaas oo ka shaqayn doono inuu xukuumadda ku haggo wadadda toosan.