3/28/2024
Today from Hiiraan Online:  _
Wararka Maanta- Arbaco, July 10, 2013
Ciidamada Itoobiya oo Billaabay inay isaga baxaan Degmada Baydhabo iyo Qaar ka mid ah Degmooyinka Gobolka Bay

Arbaco, July 10, 2013 (HOL) — Ciidamadii Itoobiya ee ku sugnaa magaalada Baydhabo iyo degmooyin kale oo ka tirsan gobolka Bay ayaa billaabay maanta inay isaga baxaan, iyadoo la arkayo inay ka baxayaan saldhigyadii ay ku lahaayeen.

Degmada Baydhab ee xarunta gobolka Bay oo fariisimo kaga lahaayeen laba goobood oo kala ah; warshaddii Xaseey iyo xerada xarunta taliska qaybta 60-aad ciidamada xooggan dalka.

Fariisimahan ayaa waxaa la wareegaya ciidamada AMISOM ee Baydhabo ku sugan, iyadoo la xusuusto in horay loogu wareejiyay fariisimo waaweyn oo ay kaga sugnaayeen degmada Baydhabo, sida garoonka diyaaradaha.

“Maalmahan waxaa si weyn loo hadal hayay ka bixitaanka ciidnka Itoobiya ay ka baxayaan gobolka, kuwaasoo maalmaha laga darmeeyay socodkooda gudaha Baydhabo iyo degmooyinkii kale ee ay ku sugnaayeen,” ayaa laga soo xigtay goobjoogayaal ku sugan Baydhabo.

Sidoo kale, ciidamada Itoobiya ayaa bilaabay isla maanta inay ka baxaan degmooyinka Qansax-dheere iyo Berdaale oo ka tirsan gobolka Bay ayna ku sugnaayeen cutubyo ka tirsan ciidamada Itoobiya oo sannado ka hor soo galay gobolkaas.

Ciidamada Itoobiya ayaa degmada Baydhabo kala wareegay Al-shabaab bishii Feberaayo sannadkii 2012, iyagoo uga gudbay degmooyinka kale ee gobolka Bay, kuwaasoo gabi ahaan ay ka baxayaan.

Horaantii sannadkan ayay ahayd markii ciidamada Itoobiya ay isaga baxeen degmada Xudur ee xarunta gobolka Bakool, halkaasoo ay dib u qabsatay Al-shabaab, kaddib muddo sannad ah oo ay dibad-joog ka ahayd.

Hiiraan Online, Baydhabo













Click here
7/10/2013 4:01 PM EST
Arbaco, July 10, 2013(HOL)—Dowladda Soomaaliya ayaa ammaan ku muteysatay mowqifkeeda ku aaddan difaacidda xuquuqda aadanaha, waxayna ammaantaas ku heshay in ay miiska soo saartay qaraar lagu difaacayo Xuquuqda dadka laga tirada badan yahay ee la takooro ee loo yaqaano Albinism.

7/10/2013 9:42 AM EST
Arbaco, July 10, 2013 (HOL) — Ergayga Midowga Afrika ee Somalia, danjire Maxamed Saalax Anaadiif iyo ergayga Qaramada Midoobay ee Soomaaliya, Nikolas Kay ayaa shacabka Soomaaliyeed u rajeeyay Ramadaan wanaagsan iyo inay bishan ku dhameystaan cibaadadooda nabadgalyo iyo xasillooni.

7/10/2013 9:13 AM EST
Arbaco, July 10, 2013 (HOL) — Danjirihii Somalia ee dalka Koonfur Afrika, Sayid Xasan Shariif C/llaahi ayaa maanta oo Arbaco ah ku geeriyooday xarunta dlaka Koonfur Afrika ee Pretoria, iyadoo aan la sheegin sababta keentay geeridiisa.

7/10/2013 4:20 AM EST
Arbaco, July 10, 2013 (HOL) — Madaxweynaha Somaliland Axmed Maxamed Maxamuud Siilaanyo, ayaa shalay kormeer kadis ah ku maray qaar ka mid ah Hay’adaha dawladda, kaas oo aan hore loogu sii sheegin imaanshiiyihiisa madaxweynaha.

7/10/2013 3:05 AM EST
Arbaco, July 10, 2013 (HOL) — Madaxda Soomaalida ayaa shacabka ugu baaqay inay ka faa’iideystaan bisha barakceysan ee Ramadaan iyagoo ka codsaday inay Alle ka baryaan in dalkooda uu noqdo mid deggenaasho taam ah hela.

7/10/2013 2:40 AM EST
Arbaco, July 10, 2013 (HOL) — Guddoomiyaha gobolka Banaadir, ahna duqa Muqdisho, Maxamuud Axmed Nuur (Tarsan) oo kulan la qaatay culummada Soomaaliyeed ayaa ka dalbaday inay ka qaybqaataan sidii shacabku ay uga qayb-qaadan lahaayeen sugidda ammaanka.

7/10/2013 2:28 AM EST
Arbaco, July 10, 2013 (HOL) — Wadahadalladii u dhexeeyay Soomaaliya iyo Somaliland ee ka socday magaalada Istanbuul ee dalka Turkiga ayaa xalay lasoo gabagabeeyay iyadoo laga soo saaray qodobbo dhowr oo labadii guddi ay isku afgarteen, inkastoo ay jiraan qodobbo la isku fahmi waayay oo dib loo dhigay ka hadalkooda.