3/28/2024
Today from Hiiraan Online:  _
Wararka Maanta- Arbaco, Jan 23, 2013
Xulka K/Kolayga Soomaaliya oo 98—80 uga badiyay Xulka Burundi


Arbaco, January 23, 2013(HOL): Ciyaar aad u xiiso badneyd oo ay Xulalka Kubadda Kolayga Soomaaliya iyo Burundi isaga horyimaadeen ayaa gunaanadkeedii waxay natiijadu noqotay 98—80 dhibcood, taasi oo uu ku badiyay xulka qaranka Kubadda Kolayga Soomaaliya.

 

Xulka Qaranka Kubbadda Kolayga Soomaaliya oo ah mid aad isugu xiran, isla markaana ay ciyaartoyda aad isula qabsadeen ayaa waxay qeybtii hore ee ciyaarta la yimaadeen 50 dhibcood, halka xulka Burundina uu la yimid 40 dhibcood, halkaasina waxaa ka muuqata in xulka Soomaaliya uu badiyay isagoo weli ka gacan-sarreeya xulka Burundi.

 

Xoghayaha guud ee Xiriirka Soomaaliyeed ee Kubbadda Kolayga, isla markaana ah madaxa wafdiga iyo ciyaartoyda taryankan  Saciid Faarax Ducaale oo gebagebadii ciyaarta la hadlay HOL ayaa sheegay in caawa ay xulkii labaad ka badiyeen, “Caawa shucuurteena aad ayay u kacsan tahay, waayo waxaan ka badinnay xulka Burundi, xalayna sida aad la socotaan waxaan ka badinnay xulka Kenya”ayuu yiri Saciid Faarax.

 

Xoghayaha guud ee Xiriirka Soomaaliyeed ee Kubadda Kolayga-Saciid Faarax Ducaale
Saciid Faarax waxaa uu intaas ku daray ciyaarta tan ku xigta oo semi final ah in  uu xulka Soomaaliya la yeelan doono xulka dalka Rwanda. Sidoo kalena wuxuu rajeeyay in ay ka badin doonaan xulka ay iska horimaan doonaan. “Ciyaartoyda xulka qaranka kubadda Kolayga Soomaaliya aad ayay isugu xiran yihiin awooddoodana waa mid muuqata sidaas darteed waxaan rajo ka qabnaa in aan xulka Rwanda isna ka badin doonno”ayuu mar kale yiri Saciid Faarax Ducaale.

 

Sida uu Xoghayuhu noo sheegay ciyaartoyda xulka Soomaaliya oo ka yimid dalalka USA, Canada, Australia iyo Somalia ayaa waxay yihiin kuwo calanka Soomaaliya difaacaya, isla markaana la soo baxay karti iyo ciyaar xirfadeysan, wuxuuna caddeeyay in haddii ciyaartoyda meteleysa qaranka Soomaaliya sidan oo kale la isugu xiro, isla markaana la tayeeyo ay natiijooyin wax ku ool ah keenayaan.

 

Guusha Xulka Qaranka Kubbadda Kolayga Soomaaliya ayaa waxay tahay tii labaad, wuxuuna xulku xalay ka badiyay xulka dalka Kenya oo uu uga adkaaday 81—78, waxaana rajo wanaagsan laga qabaa in ciyaartoyda Soomaaliya ay  natiijo wanaagsan ka keeni doonaan tartanka Fiba Zone V ee sanadkan lagu qabtay dalka Tanzania.




 


Salaad Iidow Xasan (Xiis), Hiiraan Online

[email protected]

 

 













Click here
1/23/2013 1:16 PM EST
Arbaco, Jannaayo 23, 2013 (HOL) —Dowladda Soomaaliya iyo hay’adaha deeqaha bixiya ayaa ku heshiiyay in la sameeyo hay’ad la socota deeqaha la siiyo dowladda Soomaaliya, kaddib markii uu kulan madaxweynaha Somalia, Xasan Sheekh Maxamuud iyo safiirro ka socda dalalka deeq-bixiyeyaasha ah ku dhexmaray garoonka diyaaradaha ee Muqdisho.

1/23/2013 1:15 PM EST
Arbaco, Jannaayo 23, 2013 (HOL) — Wafdigii wasiirrada ahaa ee Somaliland oo ku sugnaa degmada Saylac ee gobolka Selel ayaa maanta u ambabaxay dalka Jabuuti oo lagu tuhunsan yahay inay ka dhaqaaqi la’ayd arrinta Saylac ee laba wajiilaha noqotay waxayna socdaal dhulka ah kaga gudbeen wafdiga magaalada Lawya-caddo ee ku tuulla xuduudka kala qaybiya maamulka Somaliland iyo Jabuuti.

1/23/2013 1:12 PM EST
Arbaco, Jannaayo 23, 2013 (HOL) — Maamulka Khaatumo ayaa ka hadlay dagaallo khasaare nafeed geystay oo shalay ka dhacay deegaanka Xuddun oo dhinaca waqooyi 83-km kaga beegan magaalada Laascaanood ee gobolka Sool, waxayna labada dhinac dagaalkaas ka sheegteen guulo.

1/23/2013 11:49 AM EST
Arbaco, Jannaayo 23, 2013 (HOL) — Danjiraha Kenya ay u soo magacowday Soomaaliya, Josphat Maikara ayaa maanta soo gaaray magaalada Muqdisho ee xarunta Soomaaliya, isagoo warqadihiisa danjirenimo ku wareejiyay madaxweynaha Soomaaliya.

1/23/2013 6:56 AM EST
Arbaco, Jannaayo 23, 2013 (HOL) — Xildhibaanno ka mid ah guddi hoosaadka ilaalinta hantidda Qaranka ee golaha Wakiiladda Somaliland ayaa guddigaas iska casiley, isla markaana shir-gudoonka ku eedeeyey inay soo farog-eliyeen howlihii ay Qaranka u hayeen.

1/23/2013 6:47 AM EST
Arbaco, Jannaayo 23, 2013 (HOL) — Wafdi uu horkacayay madaxweynaha Puntland oo maalmihii lasoo dhaafay booqasho ku joogey dalka Jabuuti ayaa maanta dalka dib ugu soo laabtay, waxayna kasoo degeen garoonka diyaaradaha ee magaalada Boosaaso.

1/23/2013 6:46 AM EST
Arbaco, Jannaayo 23, 2013 (HOL) — Xubno ka tirsan urur-siyaasadeedka Horseed ayaa gelinkii danbe ee shalay xarunta gobolka Bari ee Boosaaso kulan kula qaatay, in ka badan boqol dhalinyaro ah oo ka kala socdey ururada bulshada iyo ardayda jaamacadaha.

1/23/2013 3:36 AM EST
Arbaco, Jannaayo 23, 2013 (HOL) — Ciidanka Milatariga Somaliland iyo ciidamadda khaatumo ayaa shalay galab dagaal muddo kooban socday iskaga hor yimid duleedka degmadda Xudun ee gobolka Sool.

1/23/2013 3:26 AM EST
Arbaco, Jannaayo 23, 2013 (HOL) — Wasiirka wasaaradda Khayraadka dalka ee xukuumadda Soomaaliya, C/risaaq Cumar Maxamed ayaa uga qaybgalay dalka Turkiga shir looga hadlayay deegaanka, isagoo halkaas ka jeediyay khudbad dhinacyo badan taabanaysa.

1/23/2013 12:22 AM EST
Arbaco, Jannaayo 23, 2013 (HOL) — Madaxweynaha Soomaaliya iyo wafdi uu hoggaaminayo ayaa saakay aroortii hore kusoo laabtay Muqdisho, kaddib booqasho qaaday in ka badan hal toddobaad oo uu ku tagay Mareykanka iyo Sucuudi Carabiya oo uu kaga qaybgalay shir looga hadlayay horumarinta iyo kobcinta dhaqaalaha dalalka Carabta.

1/22/2013 11:57 PM EST
Arbaco, Jannaayo 23, 2013 (HOL) — Wararka laga helayo degmada Saylac ayaa sheegaya in wafdiga wasiirrada ka kooban ee ka socda Somailland ay shaaca ka qaadeen in arrinta ka aloosan degmada Saylac ay faraha kula jirto dowladda Jabuuti.

1/22/2013 11:31 PM EST
Arbaco, Jannaayo 23, 2013 (HOL) — Dagaal xooggan ayaa ciidamada maamullada Somaliland iyo Khaatumo ku dhexmaray shalay gellinkii dambe Bariga deegaanka Xudun oo 83-km dhinaca waqooyi ka xiga magaalada Laas-caanood ee xarunta gobolka Sool.