3/28/2024
Today from Hiiraan Online:  _
Wararka Maanta- Talaado, Jan 22, 2013
Nin walxaha Qaraxa ay ku xiran yihiin oo xalay ku qarxay Degmada Jowhar ee Xarunta Gobolka Shabeellada dhexe

Talaado, Jannaayo 22, 2013 (HOL) — Nin waxyaabaha qarxa ay ku xiran yihiin ayaa xalay ku qarxay degmada Jowhar ee xarunta gobolka Shabeellada dhexe, iyadoo qaraxaas uusan geysan wax khasaare nafeed ah oo dhaafsiisan ninkii qarxay.

Taliyaha hay’adda nabadsugidda gobolka Shabeellada dhexe, C/weli Ibraahim Maxamed ayaa saxaafadda u sheegay in ninkan uu doonayay inuu isku qarxiyo masjid ku yaalla Jowhar, balse uu isaga keliya qarxay.

“Ninkan wuxuu ahaa nin ay ku xiran yihiin waxyaabaha qarxa, wuxuuna doonayay inuu isku qarxiyo masaajid ku yaalla degmada, balse isaga keliya ayuu khasaaruhu ku ekaa,” ayuu yiri taliyaha nabadsugidda gobolka.

Sidoo kale, taliyuhu wuxuu sheegay in mixraabka hore ee masjidka iyo guri ku dhow masaajid uu qaraxu dhibaato u geystay, balse aysan jirin cid kale oo wax ku noqotay weerarkaas.

“Ninka qaraxa sameeyay wuxuu ka tirsanaa Al-shabaab, muddo ayaana ku daba-jirnay, balse nasiib-darro xalay ayuu isqarxiyay,” ayuu yiri taliyaha oo intaas ku daray inay socdaan baaritaanno ay ku raadinayaan kooxo uu xiriir hoose la lahaa.

Dhanka kale, taliyaha hay’adda nabadsugidda ayaa ka warbixiyay howgallo lagu sugayay ammaanka, kuwaasoo uu xusay inay ku qabqabteen hub iyo walxaha qarxa oo ay Al-shabaab doonayeen inay ku dhibaateeyaan shacabka ku nool degmada Jowhar.

Xarakada Al-shabaab ayaan weli ka haldin qaraxaas iyo in ruuxa isqarxiyay uu iyaga ka tirsanaa, iyadoo ciidamada dowladda iyo kuwa AMISOM ay kala waregeen degmada Jowhar dhammaadkii bishii December ee sannadkii hore.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/22/2013 1:33 PM EST
Talaado, January 22, 2013(HOL): Kooxaha Kubadda Kolayga dalalka Soomaaliya iyo Kenya oo dalka Tanzania ayaa uga qeybgelaya tartanka Fiba Zone V ayaa ciyaar labada kooxood maanta dhexmartay waxaa ku adkaaday xulka Kubadda Kolayga dalka Soomaaliya.

1/22/2013 12:47 PM EST
Talaado, Jannaayo 22, 2013 (HOL) — Guddoomiyaha maamulka KMG ah ee magaalada Kismaayo, ahna guddoomiyaha kooxda Raaskambooni, Sheekh Axmed Maxamed Islaam (Madoobe) ayaa sheegay in la joogo xilligii maamul loo sameyn lahaa gobollada Jubbooyinka.

1/22/2013 12:19 PM EST
Talaado, Jannaayo 22, 2013 (HOL) — Isku-day ciidamada dalka Eritrea ay ku doonayeen inay ku afgambiyaan madaxweynaha dalkaas, Isaisa Efwerki ayaa la sheegay inuu fashilmay, kaddib markii ciidamada dowladda ay la wareegeen shalay xarunta wasaaradda warfaafinta.

1/22/2013 11:43 AM EST
Talaado, Jannaayo 22, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa ku qaabilay wakiilka xoghayaha guud ee Qaramada Midoobay u qaabilsan arrimaha Soomaaliya danjie Augustine Phillip Mahiga.

1/22/2013 7:17 AM EST
Talaado, Jannaayo 22, 2013 (HOL) — Maxkamadda darajada koowaad ee ciiidamada qalabka sida ee dowladda Somalia ayaa maanta xukunno isugu jira dil iyo xabsi ku ridday askar ka tirsan ciidamada dowladda oo ku kala eedeysnaa dil iyo dhibaato ay shacabka u geysteen.

1/22/2013 7:14 AM EST
Talaado, Jannaayo 22, 2013 (HOL) — Jaamacadda Bariga Afrika faraceeda Buuhoodle ayaa imtixaankii ugu horreeyay u soo gabagabeysay ardayda wax ka dhigta, kuwaasoo tiradoodu ay ka badan boqol arday.

1/22/2013 6:23 AM EST
Talaado, Jannaayo 22, 2013 (HOL) — Waxaa xalay Isbitaal ku yaalla magaalada Nairobi ee xarunta dalka Kenya ku geeriyoodey AHN madaxweyne ku-xigeenkii hore ee Puntland Xasan Daahir Maxamuud Af-qurac. Marxuumka ayaa u geeriyoodey xanuun uu la jiifey 6-dii bilood ee ugu dambeysey.

1/22/2013 6:21 AM EST
Talaado, Jannaayo 22, 2013 (HOL) — Xildhibaan Cabdiraxmaan Maxamed Jaamac ( Cabdiraxmaan Xoog) oo ka mid ah golaha Wakiiladda Somaliland, ayaa sheegay in aanu la shaqayn dawladda Soomaaliya, balse ay jirtay inuu wasiirka Arrimaha dibadda Soomaaliya Foosiya Yuusuf uu madaarka Berbera kula kulmay sifiican usoo dhoweeyey.

1/22/2013 4:55 AM EST
Talaado, Jannaayo 22, 2013 (HOL) —Madaxweeyne Dalka Mareykanka Brack Obama ayaa xalay markale loo caleemo saaray xilka madaxtinimo ee dalka Mareeykanka, iyadoona xafladda caleemo-saarka ay kasoo qeybgaleen kumaannaan qof oo u dhalatay dalkaasi.

1/22/2013 3:03 AM EST
Talaado, Jannaayo 22, 2013 (HOL) — Hay’adda qoxootiga adduunka ee UNHCR ayaa sheegtay inay dowladda Kenya ka ogolaatay inay joojiso in qoxootiga ay si khasab ah uga saarto magaalooyinka waaweyn ee dalka Kenya.