3/29/2024
Today from Hiiraan Online:  _
Wararka Maanta- Isniin, Jan 21, 2013
Madaxweyne xigeenka Somaliland oo Furay Qaybtii Labaad ee Mashruuc lagu Horumarinta Dowladaha Hoose ee degmooyinka

Isniin, Jannaayo 21, 2013 (HOL) — Madaxweyne ku xigeenka Somaliland, Cabdiraxmaan Cabdilaahi Ismaaciil (Saylici), ayaa ka qaybgalay  wejigii labaad ee mashruuc lagu horumarinayo dawladaha hoose ee degmooyinka Somaliland, kuwaas oo socday shantii sanno ee hore.

Mashruucan (JPLG) dawladaha hoose loogu tobabarayo qaabkay dadweynaha ugu shaqaynayaan iyo teyeynta xafiisyada dawladaha hoose, ayaa degmooyinkii laga hirgaliyey si weyn uga faa’iidaysteen, kuwaas oo mudadaasi lala shaqayneyey loo sameeyey maamul daajisan iyo adeeg fiican oo ay u sameeyaan dadweynaha macmiilka la ah.

Madaxweyne ku xigeenka Md: Cabdiraxmaan Saylici ayaa amaanay mashruucan ay dawladaha qaadhaan bixiyeyaasha ka caawiyaan Somaliland ee lagu dhisayo dawladha hoose sidii ay shaqadooda iyo adeega ay dadka u hayaan u tayeyn lahaayeen, dadweynuhuna uga faa’iidaysan lahaayeen.

Madaxweyne kux igeenku waxa kale oo ay hay’ada mashruucan bixinaya ka codsaday in saddex degmo oo kale loogu dari kuwaas oo kala ah degmadda Laascaanood, Ceerigaabo iyo Saylac, waxaanu intaas ku daray in 23 degmo ee kale ee Somaliland ka kooban tahayna la gaadhsiin doono mustaqbalka dhow.

Waxa isaguna halkaasi ka hadlay Wasiirka Qorsheynta Dr: Sacad Cali Shire, waxaanu sheegay in dawladaha hoose ee degmooyinkii ka faa’iidaystay mashruucan JPLG ay wax badan ka korodhsadeen, isla markjaana xoogga la saaray mamul daadajinta iyo kor u qaadadida hawlaha ay dadweynaha u hayaan.

Sidoo kale, waxa iyaguna xafladaasi ka hadlay wasiirka ku xigeenka arrimaha gudaha Cismaan Garaad Soofe, Duqa caasimadda Eng. Yuusuf Warsame Siciid, Paul Crook oo Mashruucan u qaabilsan Ha’yada ILO Iyo masuuliyiin kale, kuwaas oo dhamaantood amaanay mashruucan iyo waxtarka uu u leeyahay dadweynaha degmooyinkaasi  laga fuliyey.

Mashruucan JPLG (Joint programs for local governments) ayaa ah mashruuc lagu harumarinayo dawladha hoose oo socday muddo shan sanno ah, waxaana wajiga labaadna ka faa’iidaysan doono goleyaasha deegaanka ee cusub, kuwaas oo u baahan tobabaro iyo aqoon dheeraad ah oo ay ku maamulaan dawladaha hoose si dadweynaha iyo maamulka dawladaha hoose iskula jaanqaadi lahaayeen.

Barkhad-Ladiif M. Cumar, Hiiraan Online
[email protected] 
Hargeysa, Somaliland













Click here
1/21/2013 11:51 AM EST
Isniin, Jannaayo 21, 2013 (HOL) — Madaxweynaha maamul-goboleedka Khaatumo, Maxamed Jaamac Yuusuf (Indha-sheel) ayaa shir jaraa`id oo uu maanta ku qabtay magaalada Buuhoodle wuxuu ku taageeray aqoonsiga buuxa ee dowladda Mareykanku ay siisay dowladda federaalka Soomaaliya.

1/21/2013 11:35 AM EST
Isniin, Jannaayo 21, 2013 (HOL) —Golaha wasiiradda dowladda Soomaaliya ayaa maanta shir ay isugu yimaadeen waxay uga hadleen dhowr qodob oo ay ka mid yihiin: maamul u sameynta gobollada, xaslinta dalka iyo sidii loo soo celin lahaa dhulka iyo hantida dowladda ee gacanta ugu jira shacabka.

1/21/2013 11:33 AM EST
Isniin, Jannaayo 21, 2013 (HOL) —Xukuumadda Somaliland ayaa maalintii shalay ahayd ku xoojisay wafdi uu hoggaaminayo wasiirka arrimaha gudaha, Maxamed Carraale Duur ku xoojisay laba wasiir iyo guddoomiyaha xisbiga talada haya ee Kulmiye, iyadoo xukuumaddu ay wafdigan u dhiibtay fariin ka duwan fariintii ay beesha Ciise ka diidday wasiirka arrimaha gudaha.

1/21/2013 8:50 AM EST
Isniin, Jannaayo, 21, 2013 (HOL) -- Wafdi ka tirsan hay’addaha samafalka QM ayaa maanta booqasho ku tagay magaalada Baladweyne, kuwaasoo kala hadllay mas’uuliyiinta maamulka gobollka xaaladaha amniga magaalada.

1/21/2013 8:43 AM EST
Isniin, Jannaayo, 21, 2013 (HOL) -- Jaamacada Plasma oo ka mid ah Jaamacadaha ugu waaweyn ee ka dhisan dalka Soomaaliya ayaa faraceeda magaalada Baladweyne waxaa maanta Imtixaan u fariisatay in ka badan 100 arday ah.

1/21/2013 7:33 AM EST
Isniin, Jannaayo 21, 2013 (HOL) — Golaha Wakiiladda ayaa loo qaybiyey xeerka takaalifta madaaradda oo si weyn uga qayliyeen xildhibaanadda golaha Wakiiladda.

1/21/2013 7:24 AM EST
Isniin, Jannaayo 21, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) ayaa maanta boqolaal ruux kala qaybgalay banaanbax ballaaran oo ay ku taageerayeen go’aankii dowladda Mareykanka ay ku aqoonsatay dowladnimada Soomaaliya muddo laga joogo 22-sano.

1/21/2013 3:16 AM EST
Isniin, Jannaayo 21, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo dhawaanahan safar ku joogay dalka Mareykanka ayaa xalay gaaray magaalada Riyaadh ee dalka Saudi Arabia, halkaasoo madaxweynuhu uu uga qaybgeli doono shir looga hadlayo dhaqaalaha dalalka Carabta.

1/21/2013 2:42 AM EST
Isniin, Jannaayo 21, 2013 (HOL) — Madaxweynaha Puntland, Cabdiraxmaan Maxamed (Faroole) iyo wefdi uu horkacayo oo maalntii 5aad booqasho ku jooga dalka Jabuuti ayaa la kulmay madaxweynaha dalkaas Ismaaciil Cumar Geelle iyo mas’uuliyiin kale oo ka tirsan madaxda Jabuuti.

1/21/2013 2:42 AM EST
Isniin, Jannaayo 21, 2013 (HOL) — Qaar ka mid ah haweenka kasoo jeeda gobollada Awdal, Selel iyo Gabiley ee ku noool magaalada Ottowa ee dalka Kanada ayaa deeq lacageed oo gaaraysa $2,260 doollar soo gaarsiiyay dadkii ku waxyeeloobay bannanbaxyadii ka kala dhacay degmooyinka Saylac, Boorama Iyo Lughaya.

1/20/2013 11:56 PM EST
Isniin, Jannaayo 21, 2013 (HOL) — Maamulka Puntland ayaa si weyn u soo dhaweeyay aqoonsigii ay dowladda Mareykanku siisay dowladda Soomaaliya, iyagoo ku tilmaamay aqoonsigan mid horay u sii riixi kara xiriirka ka dhexeeya Soomaaliya iyo Mareykanka.

1/20/2013 11:55 PM EST
Isniin, Jannaayo 21, 2013 (HOL) — Wasiirka arrimaha gudaha Somaliland, Maxamed Nuur Carraale (Duur) ayaa ictiraafay uu Mareykanku siiyay dowladda Soomaaliya ku tilmaamay dharbaaxo indhaha looga riday Somaliland, waxaanu Mareykanka ugu baaqay inuu qiimeeyo Somaliland iyo maamul-goboleedyada kale oo nabad kusoo dabbaalay deegaannadooda intii ay Koonfurta Soomaaliya qasnayd.