7/23/2019
Today from Hiiraan Online:  _
Wararka Maanta- Jimco, Jan 18, 2013
Dowladda Soomaaliya oo Sheegtay in barakacayaasha ku dhaqan Muqdisho la dejin doono meel ka baxsan magaalada


Jimco, January 18, 2013 (HOL) -Xukuumadda Soomaaliya ayaa sheegtay ina y wado qorshe ay ku dooneyso sidii barakacayaasha ku dhaqan Muqdisho looga rari lahaa xerooyinka ay imika ku jiraan islamarkaasina loo dajin lahaa goobo ka baxsan magaalada.

Wasiirka arimaha gudaha iyo amniga qaranka Mudane C/kariin Xuseen Guuleed oo warbaahinta la hadlaay ayaa sheegay in xukuumadda Soomaaliya ay wado qorshe ay ku dooneyso in dadka barakacaasha ah ee ku dhaqan Muqdisho loo raro goobo ka baxsan magaalada islamarkaasina ka wanaagsan halka ay imika ku jiraan.

Masuulkani ayaa sheegay in dadkani laga rarayo xerooyinka ay ka daganyihiin magaalada Muqdisho la dajin doono goobo ka baxsan magaalada islamarkaasina ay halkaasi ku heli doonaan adeegyo aysan imika heysan oo ay kamid yihiin ammaan, caafimaad, waxbarasho iyo weliba biyo nadiif ah.

Wasiirka ayaa sheegay in xerooyinka barakacayaasha ee magaalada Muqdisho ay yihiin kuwo aan u wanaagsanay nadaafadda, bilicda iyo weliba amniga magaalada Muqdisho, wuxuuna sheegay in dadka barakacaasha ahi la dajin doono goobo ka wanaagsan halka ay imika ku noolyihiin.

Masuulkani ayaa sheegay in daadgureynta barakacayaasha iyo dib udejintoodaba ay la kaashan doonaan hay’adaha arimahaasi ku shaqada leh, wuxuuna xusay in howlahaasi ay dhawaan .

Magaalada Muqdisho ayaa waxa  ku yaal xerooyin aad u tiro badan oo ay ku noolyihiin dad barakacayaal ah, kuwaasoo ku hanti beelay abaarihii sanadii 2011 ku dhuftay dalka Soomaaliya.

Xasan Nuur, Hiiraan Online
[email protected]
Muqdisho, Soomaalia










Click here
1/18/2013 12:10 PM EST
Jimco, January 18, 2013 (HOL) - Ergeyga gaarka ah ee xoghayaha guud ee Qaramada Midoobay u qaabilsan arrimaha Soomaaliya Dr. Augustine P. Mahiga ayaa si kulul u cambaareeyay dilka wariye Cabdi Hareed Cismaan Aadan kaasoo ay kooxo hubeysan ku dileen magaalada Muqdisho ee caasimadda dalka Soomaaliya.

1/18/2013 12:04 PM EST
Jimco, Jannaayo 18, 2013 (HOL) — Madaxweynaha Soomaaliya iyo wafdi uu hoggaaminayo oo dhawaanahan booqasho ku joogay dalka Mareykanka ayaa gaaray maanta oo Jimco ah magaalada Minneapolis ee gobolka Minnesota maalin kaddib markii dowladda Mareykanka ay si rasmi ah u aqoonsatay dowladda Soomaaliya kaddib labaatan sano oo colaado ah.

1/18/2013 9:07 AM EST
Jimco, Jannaayo 18, 2013 (HOL)- Ardayda jaamacadda Hargeysa gaar ahaana kuuliyadda cilmiga deegaanka, ayaa xalay soo agaasimay xaflad lagaga hadlayey qaabka ugu haboon ee loo dhimi karo qashinka iyo sida looga faa’iidaysan karo,kuwaas oo ku qabsaday hoolka jaamacadaasi.

1/18/2013 9:00 AM EST
Jimco, January 18, 2013(HOL): Madaxweynaha Soomaaliya Xasan Shiikh Maxamuud oo maalmahan ku mashquulsanaa kulamo uu la leeyahay madaxda sare ee dalka Mareykanka iyo deeq-bixiyayaal caalami ah ayaa waxaa uu xalay la hadlay Jaaliyadda Soomaaliyeed ee ku dhaqan magaalada Washington, iyadoo ay xusid mudan tahay in ay munaasabadda ka qeybgaleen dad Soomaali ah oo ka kala tegay gobollada dalka Mareykanka iyo dalka Canada.

1/18/2013 2:36 AM EST
Jimco, January 18, 2013 (HOL) -Taliyaha ciidamada nabadsugidda Soomaaliya ayaa ka warbixiyay howlgallo maalmihii ugu danbeeyay ciidamada booliska iyo kuwa nabadsugidda ay ka wadeen degmooyinka kala duwan ee gobolka Banaadir.

1/18/2013 2:09 AM EST
Jimco, January 18, 2013 (HOL) - Kooxo hubeysan oo aan la heybtooda la aqoon ayaa saaka weeraray wariye Cabdi Xareed Cismaan Aadan oo u shaqeyn jiray idaacadda Shabelle xilli uu ku sugnaa suuqa weyn ee degmada Wadajir.

1/18/2013 1:58 AM EST
Jimco, January 18, 2013 (HOL) - Ra’isul wasaaraha xukuumadda federaalka Soomaaliya Mudane Cabdi Faarax Shirdoon (Saacid) ayaa xalay kulan casho sharaf ah oo looga hadlayay sidii loo adkeyn lahaa ammaanka dalka isugu yeeray saraakiisha ciidamada kala duwan ee dowladda Soomaaliya.