3/28/2024
Today from Hiiraan Online:  _
Wararka Maanta- Talaado, Jan 15, 2013
Machadka Heritage ee daraasaadka oo Xarun Cilmi-baaris iyo feker-curin ah ka furtay Muqdisho (SAWIRRO)


Talaado, Jannaayo 15, 2013 (HOL) — Machadka Heritage ayaa maanta xarun cusub oo cilmi-baaris iyo feker-curin ah ka furtay magaalada Muqdisho, iyadoo munaasabadda furitaanka ay kasoo qaybgaleen xubno ka tirsan baarlamaanka Soomaaliya, wasiirro, siyaasiyiin, aqoonyahanno iyo dadweyne kale oo lagu casuumay.

Machadkan ayaa la sheegay inuu soo saari doonaa warbixinno ku qotoma cilmi-baaris, isla markaa uu qaban doono dood-cilmiyeedyo iyo wacyi-galin.


C/raxman Caynte oo ah madaxa Machadka, horena u ahaan jiray suxufi ka tirsan taleefishinka caalamiga ah ee Al-Jazeera oo xafladda furitaanka ka hadlay ayaa yiri: “Dood is-weydaarsi la’aanta ka jirta jaan-goynta go’aammada siyaasiga ah iyo iyadoo uusan jirin cod Soomaaliyeed oo si wanaagsan u soo bandhigi kara aragti qaran ayaa qayb ka ah masiibada ku habsatay shacabkeenna.” Isagoo intaas ku daray in Machadku uu daloolkaas buuxin doona, isagoo sare u qaadi doona wacyiga shacabka ee ku beegan arrimaha ugu dhibka badan.”

Caynte ayaa intaas ku daray in Machadku uu talooyin la kala xusho siin doonaa dhinacyada go’aanka iska leh. Iyadoo Macadkan uu soo dhaweeyay madaxweynaha, Xasan Sheekh Maxamuud.


“Soomaaliya waxay u baahan tahay afkaar cusub, waxaanan rumeysan-nahay in Machadkani uu qayb ka qaadan karo hagaajinta dalkan,” ayuu yiri madaxweynaha Soomaaliya oo horay u soo saaray warbixin uu kaga hadlayo machadka.

Warsaxaafadeed uu machadku soo saaray ayaa waxaa lagu sheegay in Hadafka Machadka uu yahay mid dhiirri-galiyo dhaqan ku qotoma aqoon iyo cilmi-baaris. Si uu yoolkaas u abbaaro, Machadku wuxuu furi doonaa maktabado wax lagu akhristo, isagoo isla markaana qaban-qaabin doona carwo buugaag oo sanad walba lasoo bandhigo.”

 “Waxaan garowsannay inay waajib nagu tahay inaan hoggaaminno isbeddel xagga bulshada ah oo ku qotoma dhaqan cilmi-baaris,” ayuu yiri C/rashiid Khaliif Xaashi ku xigeenka madaxa Machadka, kana tirsanaan jiray hay’adda International Crisis Group.


C/rashiid oo  wasiir horena ahaan jiray ayaa sheegay in Machadku uu iskaashi la yeelan doono jaamacadaha dalka, isagoo xusay in iskaashigaasi uu horseedi karo qaran dhiska Soomaaliya.

Mas’uuliyiintii xafladda kasoo qayb-galay waxaa ka mid ahayd xildhibaannad, Caasha Xaaji Cilmi oo sheegtay iyadoo ku hadlaysay afka ra’iisul wasaaraha Soomaaliya ayaa tiri: “Machadkan waxaa sameeyay dad Soomaali ah oo tayo iyo hufnaan lagu yaqaanno, waxay ka sameeyeen Soomaaliya gudaheeda, waxayna u sameeyeen inay ugu adeegaan shacabka Soomaaliyeed.

Guddoomiyaha gobolka Banaadir oo isaguna munaasabadda furitaanka machadka ka hadlay ayaa sheegay inay soo dhaweynayaan, wuxuuna intaas ku daray in mas’uuliyiinta machadka looga baahan yahay inay ku dadaalaan sidii aysan howshan u noqon lahayn mid dib u laabata.







Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/15/2013 4:52 PM EST
Talaado, Janaayo 15, 2012 (HOL)- Taliska ciidamada Daraawiishta Puntland ee ku sugan aagga deegaanka Gal-Gala ayaa sheegay in ay maanta qabsadeen goob fariisin u ahayd xoogagga Al-shabaab ee uu fadhigoodu yahay buuraleyda Golis.

1/15/2013 12:50 PM EST
Talaado, Jannaayo 15, 2013 (HOL) — Ururada bulshada gobolka Shabeellada Hoose oo in muddo ah aan gobolkaas ka shaqeynayn ayaa maalmahan waxay dar-dar-galiyeen howlihii ay bulshada u hayeen waxayna soo xero-geliyeen dhallinyaro ama dagaalyahanno ka tirsanaa Al-Shabaab, kuwaasoo gaaraya 15 qof, iyadoo wajiyadooda ay ka muuqdeen duruuf aad u xoogan.

1/15/2013 12:22 PM EST
Talaado, Jannaayo 15, 2013 (HOL) — Waddada halbowlaha u ah magaalada Boorama ee gobolka Awdal oo isku xiri doonta jaamacadda Camuud iyo garoonka diyaaradaha Boorama ayaa maanta si rasmi ah loo billaabay iyadoo mashruucan uu ka mid yahay mashaarciidii uu ka tagay maayarkii hore ee degmada Boorame.

1/15/2013 12:21 PM EST
Talaado, Jannaayo 15, 2013 (HOL) —Wasiirka arrimaha gudaha Somaliland, Maxamed Nuur Caraale (Duur) ayaa maanta guda-galay xallinta khilaafyo daba-dheeraaday ka dhashay doorashadii golaha deegaanka ee degmada Saylac.

1/15/2013 9:22 AM EST
Talaado, Jannaayo 15, 2013 (HOL) — Ciidamada dowladda Soomaaliya ayaa howgallo lagu qabqbatay dad gaaraya 1,714 qof ka sameeyay maanta xaafado ka tirsan demada wadajir ee gobolka Banaadir, iyadoo saraakiishii hoggaaminayay ay sheegeen in inta badan dadkaas ay dib xorriyadooda u siiyeen.

1/15/2013 9:20 AM EST
Talaado, Jannaayo 15, 2013 (HOL) — Machadka islaamiga ah ee Khadiiga Bintu-Khuwaylid ee ku yaalla magaalada Laas-caanood ee gobolka Sool ayaa shalay u soo gabagabeeyay ardayda dhigata imtixaanaadkii la qaadi jiaray bartamaha sannadka iyadoo ay u fadhiisteen arday tiradoodu dhan tahay 1,335 arday.

1/15/2013 8:42 AM EST
Talaado, Jannaayo 15, 2013 (HOL) —Ololaha tallaalka cudurka dabeysha ayaa maanta ka bilowday xaafadaha kala duwan ee magaalada Kismaayo, iyadoona tallaalkani la siinayo caruurta ay da’dooda ka yartahay shan sano.

1/15/2013 7:48 AM EST
Talaado, Jannaayo 15, 2013 (HOL) — Afhayeenka Xarakada Al-shabaab ayaa sheegay inay iska difaaceen weerar ay kusoo qaadeen ciidamada Faransiiska isagoo sheegay inay ka adkaadeen, isagoo sheegay inay horay u sheegeen in gaaladu ay isku soo bahaysteen inay la dagaalamaan xaqa.

1/15/2013 7:45 AM EST
Talaado, Jannaayo 15, 2013 (HOL) — Kulan ballaaran oo looga hadlayay qorshe-howleedka haya’dda wadahadalka bulshada ee CCD ee sannadkan 2013 iyo waxqabadka sanadkii hore ayaa maanta lagu qabtay Muqdisho, gaar ahaan xarunta hay’adda.

1/15/2013 7:44 AM EST
Talaado, Jannaayo 15, 2013 (HOL) — Shirkadda isgaarsiinta Nationlink ayaa waxay ka raalli-gelinaysaa macaamiisheeda sharafta, gaar ahaan cilladii farsamo ee ku timid GSM-ka shirkadda qaybta Koonfurta iyo Bartamaha Soomaaliya.

1/15/2013 7:16 AM EST
Talaado, Jannaayo, 15, 2013 (HOL) -- Iyadoo ay isa soo tarayaan baaqyada caalamiga ah ee loo jeedinayo dowladda Soomaaliya ee looga dalbanayo in sida ugu dhaqsiyaha badan ay u sii deeyso wariye C/casiis Cabdinuur Ibraahim Koronto iyo dad rayid ah oo la xiran, ayeey ururka isku-xirka suxufiyiinta Hiiraan oo loo soo gaabiyo HIJONET waxa ay cambaareyn dusha uga tuurayaan xariga wariyaha, iyaga oo dhinacooda dalbanaya in dib xuriyadiisa loo siiyo.

1/15/2013 4:03 AM EST
Talaado, Jannaayo 15, 2013 (HOL) —Maxkamadda ciidamada qalabka sida ee dowladda federaalka Soomaaliya ayaa xukunno ku riday dad ku eedeysnaa danbiyo kala duwan oo isugu jira dhac iyo kufsi.

1/15/2013 3:02 AM EST
Talaado, Jannaayo 15, 2013 (HOL) —Ciidamada dowladda Soomaaliya ayaa maanta howlgallo ballaaran ka bilaabay degmada Wadajir ee gobolka Banaadir, iyadoona howlgalladaasi ay ciiidamadu ku qabqabteen dad u badan dhalinyaro, kuwaasoo looga shakisanyahay in ay xiriir la leeyihiin Al-shabaab.

1/15/2013 2:28 AM EST
Talaado, Jannaayo 15, 2013 (HOL) —Iska-horimaad ayaa xalay duleedka magaalada Kismaayo ku dhexmaray ciidamada dowladda Soomaaliya, kuwa Raaskaambooni iyo Militariga Kenya oo iskaashanaya iyo xoogag katirsan dhaqdhaqaaqa Al-shabaab.