3/28/2024
Today from Hiiraan Online:  _
Wararka Maanta- Axad, Feb 24, 2013
Xarun si bilaash ah wax loogu baro hablaha oo laga furay Iskuulka Darwiish ee Magaalada Buhoodle (SAWIRRO)


Axad, Feberaayo 24, 2013 (HOL) — Xarunta waxbarashada hablaha ee Maamo Zamzam oo wax lagu baro hablo ku dhow 40 kuwaasoo la siiyo waxbarsho bilaash ah ayaa qayb laga siiyay dugsiga hoose dhexe ee darwiish ee magaalada Buuhoodle.

Haweeney lagu magacabao, Zamzam Cali Caateeye oo ka mida Qurba-joogta kasoo jeeda magaalada Buuhoodle ayaa waxay go’aansatay afar bilood ka hor inay waxbarsho bilaash ah siiso hablahan dadkoodu awoodda dhaqaale u waayeen inay waxbaraan.

Faadumo C/llaahi Xaaji Nuur oo ka mid ah macallimiinta gacanta ku haya goobtan waxbarashada ayaa waxay warbaahinta oo booqatay maanta u sheegtay inay hablahan yihiin kuwo ku qanacsan inay waxbartaan.

Macallimaddu waxay intaa ku dartay in badanaa qiyaasta hablaha ka caajisa waxbarashada ay yar yihiin illaa ay ka gaarayaan waxbarashada sare, iyadoo ka faaloonaysa hablahana waxa ay tidhi: “Muddadii yarayd ee aan gacanta ku haynay waan ku qanacsannahay iyaguna waa qanacsan yihiin waxaana filaynaa inay mustaqbal yeeshaan.”

Si kastaba ha ahaatee waxbarashadda hablaha ayaa inta badan noqota mid aanay waaliddiintu ku dadaalin khaasatan waqtiga burburka, wallow ay jiraan daraasado la sameeyey sannadihii aan lasoo dhaafnay inay kor u soo kacayso hablaha waxbarashada la keenayo taasoo kusii dhawaanaysa hadda 40% waxbarshada hoose, halka waxbarshada dugsiga sare ay hoos u dhac ku yimaado oo ay gaaraan 25%, halkii ay sannadihii sagaashameeyadii ay ahaayeen qiyaaso la sameeyey oo isku dhowdhowaa 20%, taasoo la maleynayo in 10-ka sano ee soo socda ay gaari doonaan 55%.


Saynab Cabdi Warsame, Hiiraan Online
[email protected]
Laascaanood, Gobolka Sool













Click here
2/24/2013 12:41 PM EST
Axad, Feberaayo 24, 2013 (HOL) — Munaasabad lagu xusayay sannad-guuradii aasaaska ciidanka Asluubta Soomaaliyeed ayaa maanta lagu qabtay magaalada Muqdisho, taasoo ay ka qaybgaleen wasiirro iyo xildhibaannno ka tirsan baarlamaanka Soomaaliya.

2/24/2013 8:13 AM EST
Axad, Feberaayo 24, 2013 (HOL) —Xaaladda magaalada Kismaayo ee xarunta gobolka jubada hoose ayaa maanta dagan kadib dagaal xooggan oo shalay gudaha magaalada ku dhexmaray ciidamo beeleedyo kawada tirsan maamulka KMG ee magaaladaasi.

2/24/2013 7:27 AM EST
Axad, Feberaayo 24, 2013 (HOL) — Haweeney rayid ah ayaa ku dhimatay is-rasaaseyn maanta ku dhexmartay ciidammo kawada tirsan dowladda gudaha suuqa weyn ee Barkaaraha, iyadoo aanay jirin wax khasaare ah oo soo kala gaaray ciidamadii dagaalamay.

2/24/2013 7:15 AM EST
Axad, Feberaayo 24, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan Jawaari iyo wafdi uu hoggaaminayay oo toddobaad ka badan safarro ugu maqnaa dalalka Itoobiya iyo Kenya.

2/24/2013 7:02 AM EST
Axad, February 24, 2013(HOL) - Xaflad lagu maamuusayay maalin kadib markii ay dawlada Kenya gacanta ka galisay Soomaaliya warqadda lahaanshaha ee dhismihii hore ee safaaradda Soomaaliya ayaa lagu qabtay isla dhismahaas.

2/24/2013 6:54 AM EST
Axad, Feberaayo 24, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa kulan kula qaatay wakiilka Midowga Yurub ee Soomaaliya, Michal Caravan, safiirka dalka Ingiriiska ee Soomaaliya, Mark Boucher iyo wakiil ka socda safaaradda Faransiiska ee Kenya.

2/24/2013 3:29 AM EST
Axad, Feberaayo 24, 2013 (HOL) —Xarakada Al-shabaab ayaa ka hadashay dagaalkii shalay gudaha magaalada Kismaayo ku dhexmaray ciidamo beeleedyo ka kala tirsan dowaldda Soomaaliya iyo ururka Raaskaambooni.

2/24/2013 3:04 AM EST
Axad, Feberaayo 24, 2013 (HOL) —Xukuumadda Federaalka Soomaaliya ayaa sheegtay in aysan waxba kala socon shirka la doonayo in maamul loogu sameeyo gobollada Jubooyinka, kaasoo mudooyinkii ugu danbeeyay ay socotay qabanqaabadiisa.