3/28/2024
Today from Hiiraan Online:  _
Wararka Maanta- Axad, Feb 24, 2013
Guddoomiyaha Baarlamaanka Somalia oo kusoo laabtay Muqdisho kana war-bixiyay safarradiisii Itoobiya iyo Kenya (SAWIRRO)


Axad, Feberaayo 24, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan Jawaari iyo wafdi uu hoggaaminayay oo toddobaad ka badan safarro ugu maqnaa dalalka Itoobiya iyo Kenya.

Prof. Jawaari ayaa sheegay in safarkii uu ku tagay dalka Itoobiya uu ahaa mid si wanaagsan kusoo dhammaaday, isagoo sheegay inay casuumaad ka heleen guddoomiyaha baarlamaanka Kenya ayna booqadeen magaalada Jigjiga ee deegaanka Soomaalida Itoobiya.

“Muddo toddobaad ah ayaan booqasho ku gaarnay dalka Itoobiya, innagoo marti-qaad ka helay guddoomiyaha baarlamanka dalkaa, intii aan halkaas ku sugnayn waxaan is-dhaafsanay fikrado ku saabsan sidii labada baarlamaan ay u wada-shaqeyn lahaayeen,” ayuu Prof. Jawaari ku sheegay shir jaraa’id oo uu saxaafadda ugu qabtay qolka martida ee garoonka diyaadaha ee Adan Cadde.

Guddoomiyaha oo hadalkiisa sii wata ayaa sheegay inay sidoo kale booqasho ku tageen jaamacadda Addis Ababa oo ay wax ka bartaan xildhibaanno ka tirsan baarlamaanka Soomaaliya, halkaasna ay kula kulmeen mas’uuliyiin, arday iyo dadweyn kale, isagoo sheegay inay is-dhaafsadeen fikrado dhinaca waxbarsahada ah.

“Kulankaas waxaan ku faaqidnay sidii loo hourmarin lahaa amniga gobolka aan ku nool nahay, siyaabaha loo horumarin karo dib u heshiisiinta dalalka gobolka ku yaalla oo dhan iyo sidii qurbo-joogta Soomaalida ay uga qayb qaadan lahaayeen dib u dhiska dalka,” ayuu yiri Prof. Jawaari.

Dhank kale, wuxuu sheegay inay booqdeen magaalada Jigjiga ee xarunta ismaamulka Soomaalida Itoobiya, isagoo sheegay inuu la kulmay xubnaha maamulka gobolka iyo ardayda wax-ka-barta jaamacadda Jigjiga oo lagu bixiyo duruusteeda afka Soomaaliga.

“Booqashadeenna Jigjiga waxay ahayd si aan u aragno sida uu u shaqeeyo habka federaalka iyo goboleysiga, runtiina horumar ayay sameeyeen gaar ahaan dhinacyada dhaqaalaha iyo ganacsiga, waxayna ahayd mid aan aad ula dhacnay,” ayuu guddoomiyuhu shirkiisa jaraa’id ku sheegay.

Ugu dambeyn, wuxuus sheegay in arday badan oo Soomaaliyeed ay wax ka bartaan jaamacadda Jigjiga, isagoo in dhalliniyarada waxbtay ee gobolkaas ay wax ka badan ka bedeleen horumarinta kaabayaasha dhaqaalaha deegaankaas ay Soomaalidu deggen tahay.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/24/2013 1:01 PM EST
Axad, Feberaayo 24, 2013 (HOL) — Xarunta waxbarashada hablaha ee Maamo Zamzam oo wax lagu baro hablo ku dhow 40 kuwaasoo la siiyo waxbarsho bilaash ah ayaa qayb laga siiyay dugsiga hoose dhexe ee darwiish ee magaalada Buuhoodle.

2/24/2013 12:41 PM EST
Axad, Feberaayo 24, 2013 (HOL) — Munaasabad lagu xusayay sannad-guuradii aasaaska ciidanka Asluubta Soomaaliyeed ayaa maanta lagu qabtay magaalada Muqdisho, taasoo ay ka qaybgaleen wasiirro iyo xildhibaannno ka tirsan baarlamaanka Soomaaliya.

2/24/2013 8:13 AM EST
Axad, Feberaayo 24, 2013 (HOL) —Xaaladda magaalada Kismaayo ee xarunta gobolka jubada hoose ayaa maanta dagan kadib dagaal xooggan oo shalay gudaha magaalada ku dhexmaray ciidamo beeleedyo kawada tirsan maamulka KMG ee magaaladaasi.

2/24/2013 7:27 AM EST
Axad, Feberaayo 24, 2013 (HOL) — Haweeney rayid ah ayaa ku dhimatay is-rasaaseyn maanta ku dhexmartay ciidammo kawada tirsan dowladda gudaha suuqa weyn ee Barkaaraha, iyadoo aanay jirin wax khasaare ah oo soo kala gaaray ciidamadii dagaalamay.

2/24/2013 7:02 AM EST
Axad, February 24, 2013(HOL) - Xaflad lagu maamuusayay maalin kadib markii ay dawlada Kenya gacanta ka galisay Soomaaliya warqadda lahaanshaha ee dhismihii hore ee safaaradda Soomaaliya ayaa lagu qabtay isla dhismahaas.

2/24/2013 6:54 AM EST
Axad, Feberaayo 24, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa kulan kula qaatay wakiilka Midowga Yurub ee Soomaaliya, Michal Caravan, safiirka dalka Ingiriiska ee Soomaaliya, Mark Boucher iyo wakiil ka socda safaaradda Faransiiska ee Kenya.

2/24/2013 3:29 AM EST
Axad, Feberaayo 24, 2013 (HOL) —Xarakada Al-shabaab ayaa ka hadashay dagaalkii shalay gudaha magaalada Kismaayo ku dhexmaray ciidamo beeleedyo ka kala tirsan dowaldda Soomaaliya iyo ururka Raaskaambooni.

2/24/2013 3:04 AM EST
Axad, Feberaayo 24, 2013 (HOL) —Xukuumadda Federaalka Soomaaliya ayaa sheegtay in aysan waxba kala socon shirka la doonayo in maamul loogu sameeyo gobollada Jubooyinka, kaasoo mudooyinkii ugu danbeeyay ay socotay qabanqaabadiisa.