10/6/2022
Today from Hiiraan Online:  _
Wararka Maanta- Khamiis, Feb 14, 2013
Ardayda Wax-ka-barta Jaamacadda Nugaal Faraceeda Laascaanood oo Safarro ku maray Gobollada Sool iyo Sanaag (SAWIRRO)


Khamiis, Feberaayo 14, 2013 (HOL) — Ardayda wax ka barta Jaamacadda Nugaal faraceeda magaalada Laascaanood ayaa safar wajiyo badan kusoo maray deegaanno ka tirsan gobolka Sool, Sanaag iyo deegaanka Cayn.

Ardaydan oo safarkooda kusoo afjaray magaalada Taleex oo ay ku yaallaan dhismayaal taariikhi ah ayaa waxay soo gaareen magaalada Laascaanood iyagoo macluumaad badan kawada kumannaan kiiloo-mitir oo ay soo mareen.

Guddoomiyaha ururka ardayda jaamacadda Nugaal, Aamina Saleebaan Maxamuud oo safarkaas ka warrantay ayaa sheegtay inay deegaannadii ay mareen ay ku yaalaan dugsiyada sare iyo kuwo kale oo jidkooda noqday.

Aamina waxay sheegtay in muhiimaddooda safarkan ay ka bilaabeen Laas-caanood ayna ku mareen deegaanada kala ah: Boocame, Widhwidh, Yagoori, Buuhoodle, Xuddun, Kulaal, Fiq-fuliye, Ceerigaabo iyo Jiidale, iyadoo xustay in halkaas ay kaga qaybgaleen tartan aqooneed sanadkiiba mar jaamacaddu qabto, kaasoo kor loogu qaadayo aqoonta ardayda dugsiyada sare iyo sidoo kale is-dhexgalka bulshada.

"Dhibaatooyinka ugu badan ee deegaanadaas ka jira dhinaca waxbarashada ayaa waxaa ugu badan macalimiinta oo aan helin wax aqoon ah iyo mushaar," ayay tiri Aamina Saleebaan, iyadoo intaas ku dartay inay soo arkeen arday geed-hoostii wax ku baranaysa oo dadkoodu awoodi waayeen inay dhistaan dugsiyo.

Kharashka ku baxay safarkooda ayay Aamimo sheegtay inuu ahaa mid ay iska ururiyeen ardayda jaamacadda oo aysan jirin meel kale oo dhaqaale uu kasoo galay ama cid taakuleysay.

Safarkan oo qaab sawirkiisu ahaa sidii dalxiis ujeeddooyin muhiim ah hoosta kaga lamaan yihiin ayaa ardaydu waxay si xiiso badan uga sheekyeeneen dhulkii ay soo mareen, sida dhulka bilicda leh ee buurta Daallo ee gobolka Sanaag, magaalada Taleex iyo deegaanno badan oo ay kusoo arkeen waxyaabo ka yaabiyay.

Safarkani wuxuu u muuqdaa mid xiiso badan u lahaa kuwa soconayay iyo kuwa loo tagaayay intaba; isla markaana xusuus maguurto ah ku reebaayay waayeelkii soo gaaray waqtiyadii dowladdii Soomaaliya ay u sameyn jirtay barnaamijyada dal-barasho iyo dalxiis sida igu maqaalo ah, ama raad qoraal aan ku soo gaaray.



Saynab Cabdi Warsame, Hiiraan Online
[email protected]
Laascaanood, Gobolka Sool













Click here
2/14/2013 12:35 PM EST
Khamiis, Feberaayo 14, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi uu hoggaaminayo ayaa maanta kulan kula yeeshay xarunta dalka Itoobiya ee Addis Ababa, guddoonka baarlamaanka dalkaas.

2/14/2013 11:19 AM EST
Khamiis, Feberaayo 14, 2013 (HOL) — Mas’uuliyiin ka tirsan dowladda Soomaaliya ayaa maanta ka qeyb-galay aas balaaran oo degmada Guri-ceel ee gobollka Galguduud loogu sameeyay guddoomiyihii gollaha fulinta Ahlu Sunna Waljameeca Sheekh Max’ed Yuusuf Xeefoow oo maalintii shalay Muqdisho ku geeriyooday.

2/14/2013 7:00 AM EST
Khamiis, Feberaayo 14, 2013 (HOL) — Ciidamada dowladda Soomaaliya iyo kuwa AMISOM ayaa saakay la wareegay deegaanno hor leh oo ka tirsan gobolka Shabeellada Hoose, iyadoo saraakiisha dowladdu ay sheegeen inay la kulmeen iska-caabino aan xoog badnayn.

2/14/2013 6:59 AM EST
Khamiis, Feberaayo 14, 2013 (HOL) — Madaxweynaha Somaliland, Axmed Maxamed Maxamuud (Siilaanyo), ayaa safar shaqo kaga maqnaa dalka dibiiisa, ayaa maanta dalka dib ugu soo laabtay, kana hadlay kulamaddii uu la yeeshay dawladda Ingiriiska.

2/14/2013 2:45 AM EST
Khamiis, Feberaayo 14, 2013 (HOL) —Kooxo baastoolado ku hubeysan oo aan heybtooda la aqoon ayaa xalay fiidkii xaafadda Farjanno ee magaalada Kismaayo ku dilay nin ganacsade ah oo si weyn looga yaqaano magaalada Kismaayo.

2/14/2013 1:08 AM EST
Khamiis, Feberaayo 14, 2013 (HOL) — Kooxo hubeysan oo Koonfur Afrikaan ah ayaa ku dilay shalay gallinkii dambe duleedka magaalada Cape Town ee dalka Koonfur Afrika ganacsade Soomaaliyeed oo lagu magacaabi jiray, Xuseen Cali Jimcaale.

2/14/2013 12:30 AM EST
Khamiis, Feberaayo 14, 2013 (HOL) — Xildhibaan Sheekh Nuur Cali Aadan oo ka mid ah mudanayaasha baarlamaanka Soomaaliya ayaa xanuun kusoo booday awgiis ugu geeriyooday xalay isbiaal ku yaalla magaalada Muqdisho.

2/14/2013 12:27 AM EST
Khamiis, Feberaayo 14, 2013 (HOL) —Al-shabaab ayaa ka hadashay geeridii ku timid guddoomiyihii golaha fulinta ee ururka Ahlusunna Waljamaaca, Sheekh Maxamed Yuusuf Xeefoow, iyagoo sheegay inuu ka mid ahaa dadka dhibaatada ku hayay shacabka muslimka ah ee Soomaaliyeed.