10/6/2022
Today from Hiiraan Online:  _
Wararka Maanta- Khamiis, Feb 14, 2013
Madaxweynaha Somaliland oo sheegay inay Ingiriiska kawada hadleen sidii ay uga noqon lahaayeen amni-darradii ay Somaliland ku sheegeen


Khamiis, Feberaayo 14, 2013 (HOL) — Madaxweynaha Somaliland, Axmed Maxamed Maxamuud (Siilaanyo), ayaa safar shaqo kaga maqnaa dalka dibiiisa, ayaa maanta dalka dib ugu soo laabtay, kana hadlay kulamaddii uu la yeeshay dawladda Ingiriiska.

“Waxa farxad ii ah aniga iyo weftigaba  inaan dalkii dib ugu soo nabad noqonno, arrimaha noogu culays weynaana waxay ahayd dalka ingiriiska oo aanu halkaasi ku aragnay wasiirka arrimaha dibadda Ingiriiska, waxaanan ka wada hadalnay wax wada qabsigii u dhexeeyey Somaliland iyo Ingiriiska, ee xaga dhaqaalaha, xaga nabadgalyada iyo xaga siyaadaba intaba ka wada hadalnay”ayuu yidhi madaxweynaha oo ka hadlayey kulankii uu la sheegay madaxdda dawladda Ingiriiska, waxaanu intaas ku daray “Woxogaygii na soo kala dhexgalayna (Ingiriiska) ee mugdiga galisay xaga nabadgalyadana waanu ka wada hadalnay in cidii hawlahaasi qaabilsan ee nabadgalyada loo wada diro oo dib loo eego oo la darso ayaanu isla meel dhignay”ayuu yidhi.

Madaxweynaha waxa kale oo uu sheegay in safaaradda Maraykanka ee Kenya la kulmeen kana soo wada hadleen arrimo badan, waxa kale oo uu sheegay inuu la kulmay jaaliyadda Somaliland ee Ingiriska oo uu sheegay inuu uga xog waramay dalka, waxaanu tilmaamay inuu safarkani ahaa mid guul ku soo dhamaaday.

Waxa kale, oo uu sheegay in nabadgalyada dalka loo baahan yahay in shacab iyo dawladba la wada ilaashado si caalamka loo tuso amnigeena iyo wanaageenna.

Madaxweynaha waxa kale oo uu ka hadlay shirka London lagu qabanayo ee Somaalida oo uu sheegay in aanu wali hayn ajandihiisa, balse  marka shirkaas loo keeno ajandihiis ay tallo qaran laga yeelan  doono oo laga wada hadli doono inaynu ka qaybgalno iyo in kale.

Madaxweynaha waxa madaarka Hargeysa ku soo dhoweeyey madaxweyne ku xigeenka Md:Cabdiraxmaan Ismaaciil Saylici, wasiiro iyo dadweyne kale oo ka qaybgalay soo dhoweyntiisa, waxaanu halkaasi salaan kaga qaatay cutubyo ka tirsan ciidanka.










Barkhad-Ladiif  M. Cumar, Hiiraan Online
[email protected]
Hargeysa, Somaliland













Click here
2/14/2013 12:35 PM EST
Khamiis, Feberaayo 14, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi uu hoggaaminayo ayaa maanta kulan kula yeeshay xarunta dalka Itoobiya ee Addis Ababa, guddoonka baarlamaanka dalkaas.

2/14/2013 11:36 AM EST
Khamiis, Feberaayo 14, 2013 (HOL) — Ardayda wax ka barta Jaamacadda Nugaal faraceeda magaalada Laascaanood ayaa safar wajiyo badan kusoo maray deegaanno ka tirsan gobolka Sool, Sanaag iyo deegaanka Cayn.

2/14/2013 11:19 AM EST
Khamiis, Feberaayo 14, 2013 (HOL) — Mas’uuliyiin ka tirsan dowladda Soomaaliya ayaa maanta ka qeyb-galay aas balaaran oo degmada Guri-ceel ee gobollka Galguduud loogu sameeyay guddoomiyihii gollaha fulinta Ahlu Sunna Waljameeca Sheekh Max’ed Yuusuf Xeefoow oo maalintii shalay Muqdisho ku geeriyooday.

2/14/2013 7:00 AM EST
Khamiis, Feberaayo 14, 2013 (HOL) — Ciidamada dowladda Soomaaliya iyo kuwa AMISOM ayaa saakay la wareegay deegaanno hor leh oo ka tirsan gobolka Shabeellada Hoose, iyadoo saraakiisha dowladdu ay sheegeen inay la kulmeen iska-caabino aan xoog badnayn.

2/14/2013 2:45 AM EST
Khamiis, Feberaayo 14, 2013 (HOL) —Kooxo baastoolado ku hubeysan oo aan heybtooda la aqoon ayaa xalay fiidkii xaafadda Farjanno ee magaalada Kismaayo ku dilay nin ganacsade ah oo si weyn looga yaqaano magaalada Kismaayo.

2/14/2013 1:08 AM EST
Khamiis, Feberaayo 14, 2013 (HOL) — Kooxo hubeysan oo Koonfur Afrikaan ah ayaa ku dilay shalay gallinkii dambe duleedka magaalada Cape Town ee dalka Koonfur Afrika ganacsade Soomaaliyeed oo lagu magacaabi jiray, Xuseen Cali Jimcaale.

2/14/2013 12:30 AM EST
Khamiis, Feberaayo 14, 2013 (HOL) — Xildhibaan Sheekh Nuur Cali Aadan oo ka mid ah mudanayaasha baarlamaanka Soomaaliya ayaa xanuun kusoo booday awgiis ugu geeriyooday xalay isbiaal ku yaalla magaalada Muqdisho.

2/14/2013 12:27 AM EST
Khamiis, Feberaayo 14, 2013 (HOL) —Al-shabaab ayaa ka hadashay geeridii ku timid guddoomiyihii golaha fulinta ee ururka Ahlusunna Waljamaaca, Sheekh Maxamed Yuusuf Xeefoow, iyagoo sheegay inuu ka mid ahaa dadka dhibaatada ku hayay shacabka muslimka ah ee Soomaaliyeed.