10/6/2022
Today from Hiiraan Online:  _
Wararka Maanta- Khamiis, Feb 14, 2013
Kooxo hubeysan oo nin ganacsade ah ku dilay Kismaayo

Khamiis, Feberaayo 14, 2013 (HOL) —Kooxo baastoolado ku hubeysan oo aan heybtooda la aqoon ayaa xalay fiidkii xaafadda Farjanno ee magaalada Kismaayo ku dilay nin ganacsade ah oo si weyn looga yaqaano magaalada Kismaayo.

Allaha u naxariisteen ganacsadahan oo lagu magacaabi jiray Aadan Sheekh Muuse (Aadan Sandheere), ayaa la sheegay in ay toogteen kooxo hubeysan, xilli uu ka yimid masaajid ku yaal xaafadda Farjanno gaar ahaan waaxda Suuqa-yaasiin oo ahayd halka uu daganaa.

Mid kamid ah dadka ku dhaqan xaafadda uu shilku ka dhacay oo HOL u waramay isagoo codsaday in aan magaciisa la xigan ayaa sheegay in kooxaha dilka geeystay ay dhowr xabadood la dhaceen marxuumka, markii ay hubsadeen in uu dhintayna ay goobta isaga baxsadeen.

Goobta uu dilka ka dhacay ayaa durbo waxa gaaray ciidamo ka tirsan kuwa dowladda, kuwaasoo goobta ka sameeyay baaritaanno, walow aysan jirin cid ay ku qabteen howlgalladaasi.

Ilaa imika lama garanayo sababta ka danbeeysay dilka ganacsadahani, mana jiraan masuuliyiin ka tirsan maamulka Kismaayo oo faahfaahin ka bixiyay dilka iyo weliba cidda ay ku tuhmayaan in ay ka danbeeyso.

Dhacdadani ayaa kusoo beegmaysa iyadoo saraakiisha maamulka KMG ee Kismaayo ay dadaal ugu jiraan xaqiijinta ammaanka guud ee degmada Kismaayo, oo ay marar badan oo hore ka dhaceen dilal qorsheeysan oo gudaha magaalada loogu geeystay dad rayid ah.

……………
Xasan Nuur, Hiiraan Online
[email protected]
Muqdisho, Soomaaliya













Click here
2/14/2013 12:35 PM EST
Khamiis, Feberaayo 14, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) iyo wafdi uu hoggaaminayo ayaa maanta kulan kula yeeshay xarunta dalka Itoobiya ee Addis Ababa, guddoonka baarlamaanka dalkaas.

2/14/2013 11:36 AM EST
Khamiis, Feberaayo 14, 2013 (HOL) — Ardayda wax ka barta Jaamacadda Nugaal faraceeda magaalada Laascaanood ayaa safar wajiyo badan kusoo maray deegaanno ka tirsan gobolka Sool, Sanaag iyo deegaanka Cayn.

2/14/2013 11:19 AM EST
Khamiis, Feberaayo 14, 2013 (HOL) — Mas’uuliyiin ka tirsan dowladda Soomaaliya ayaa maanta ka qeyb-galay aas balaaran oo degmada Guri-ceel ee gobollka Galguduud loogu sameeyay guddoomiyihii gollaha fulinta Ahlu Sunna Waljameeca Sheekh Max’ed Yuusuf Xeefoow oo maalintii shalay Muqdisho ku geeriyooday.

2/14/2013 7:00 AM EST
Khamiis, Feberaayo 14, 2013 (HOL) — Ciidamada dowladda Soomaaliya iyo kuwa AMISOM ayaa saakay la wareegay deegaanno hor leh oo ka tirsan gobolka Shabeellada Hoose, iyadoo saraakiisha dowladdu ay sheegeen inay la kulmeen iska-caabino aan xoog badnayn.

2/14/2013 6:59 AM EST
Khamiis, Feberaayo 14, 2013 (HOL) — Madaxweynaha Somaliland, Axmed Maxamed Maxamuud (Siilaanyo), ayaa safar shaqo kaga maqnaa dalka dibiiisa, ayaa maanta dalka dib ugu soo laabtay, kana hadlay kulamaddii uu la yeeshay dawladda Ingiriiska.

2/14/2013 1:08 AM EST
Khamiis, Feberaayo 14, 2013 (HOL) — Kooxo hubeysan oo Koonfur Afrikaan ah ayaa ku dilay shalay gallinkii dambe duleedka magaalada Cape Town ee dalka Koonfur Afrika ganacsade Soomaaliyeed oo lagu magacaabi jiray, Xuseen Cali Jimcaale.

2/14/2013 12:30 AM EST
Khamiis, Feberaayo 14, 2013 (HOL) — Xildhibaan Sheekh Nuur Cali Aadan oo ka mid ah mudanayaasha baarlamaanka Soomaaliya ayaa xanuun kusoo booday awgiis ugu geeriyooday xalay isbiaal ku yaalla magaalada Muqdisho.

2/14/2013 12:27 AM EST
Khamiis, Feberaayo 14, 2013 (HOL) —Al-shabaab ayaa ka hadashay geeridii ku timid guddoomiyihii golaha fulinta ee ururka Ahlusunna Waljamaaca, Sheekh Maxamed Yuusuf Xeefoow, iyagoo sheegay inuu ka mid ahaa dadka dhibaatada ku hayay shacabka muslimka ah ee Soomaaliyeed.