10/6/2022
Today from Hiiraan Online:  _
Wararka Maanta- Arbaco, Feb 13, 2013
Guddoomiyaha Baarlamaanka Somalia iyo Wafdi uu hoggaaminayo oo Maanta u Ambabaxay dalka Itoobiya


Arbaco, Feberaayo 13, 2013 (HOL) — Guddoomiyaha baarlamaanka Somalia iyo wafdi uu hoggaaminayo ayaa maanta u dhoofay magaalada Addis Ababa ee xarunta dalka Itoobiya, iyadoo safarkan uu noqonayo kii ugu horreeyay oo uu dalka kaga ambabaxo.

Prof. Maxamed Sheekh Cismaan jawaari oo la hadlay saxaafadda intii uusan ka dhoofin Muqdisho ayaa warbaahinta u sheegay inay casuumaad ka heleen dhiggooda dalka Itoobiya, ayna kawada hadli doonaan xiriirka labada dal iyo sidii uu iskaashi u dhexmari lahaa.

“Waxaan casuumad ka helnay guddoomiyaha baarlamanaka dalka Itoobiya, wuxuuna ku saleysan yahay sidi labada baarlamaan ay u wadaagi lahaayeen khibradahooda,”  ayuu yiri Prof. Jawaari oo suxufiyiinta kula hadlay garoonka diyaaradaha Muqdisho.

Xubnaha safarkan ku wehlinayay guddoomiyaha baarlamaanka ayaa waxaa ka mid ah guddoomiyeyaasha guddi-hoosaadyada baarlamaanka iyo xubno kale oo baarlamaanka ka tirsan.

“Qodobbada aan kawada hadli doonno waxaa ka mid ah sidii wadashaqeyn joogot ah ay u dhexmari lahayd labada baarlamaan iyo arrimo kale oo khuseeya labada dal,” ayuu Prof. Jawaari hadalkiisa ku daray.

Wafdigan ayaa waxaa garoonka diyaaradaha kusii sagootiyay xubno ka tirsan baarlamaanka Soomaaliya iyo dowladda, iyadoo aan la sheegin inta maalmood ee uu qaadanayo safarkan.

Madaxweynaha Soomaaliya, Xasan Sheekh Maxamuud ayaa dalka Itoobiya ku tahay laba safar tan iyo markii la doortay, iyadoo safarkanna uu noqonayo midkii labaad oo mas’uul sare oo dowladda Soomaaliya ka tirsan uu ku tago dalkaas oo ciidammo ka joogaan gudaha Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/13/2013 11:31 AM EST
Arbaco, Feberaayo 13, 2013 (HOL) — Madaxweynaha Somaliland, Axmed Maxamed Maxamuud (Siilaanyo), ayaa sheegay in aanay shirka Arrimaha Soomaaliya lagaga hadlayo ee bisha May ka dhici doona magaalada London ka qaybgali doonin haddii ay u arkaan in karaamadda iyo qaranimadda Somaliland wax u dhimayso.

2/13/2013 11:26 AM EST
Arbaco, Feberaayo 13, 2013 (HOL) — Ugu yaraan laba qof ayaa ku dhintay laba kalena way ku dhaawcmeen qarax ka dhacay gellinkii dambe ee maanta Isgoyska Black Sea ee degmada Hodan, iyadoo sidoo kale kooxo hubeyasn ay maqribnimadii caawa toogasho ku dileen askari ka tirsan kuwa dowladda oo ku sugnaa suuqa Bakaaraha.

2/13/2013 9:27 AM EST
Arbaco, Feberaayo 13, 2013 (HOL) — Magaalada Berlin ee dalka Jarmalka ayaa lagu soo gabagabeeyay shirweyne caalami ah oo looga hadlayay dhoofinta Mooska iyo miraha kale kaasoo socdey 06 illaa 09 bishaan feberaayo, arrimo ku saabsana shirkaas iyo heshiisyo ay soo gashay ayay mas’uuliyiinta shirkadda Fruitsome kaga warbixiyeen xaruntooda Muqdisho ee Soomaaliya.

2/13/2013 7:54 AM EST
Arbaco, Feberaayo 13, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ay albaabbadu u xiran yihiin la yeeshay ergayga Midowga Afrika ee arrimaha Soomaaliya, danjire Maxamed Saalax Annaadiif oo ay wehliyeen xubno ka socday ururka Midowga Afrika.

2/13/2013 7:04 AM EST
Arbaco, Feberaayo 13, 2013 (HOL) — Guddoomiyaha Ururka Ahusunna Waljamaaca, Sheekh Maxamed Yuusuf Xeefoow ayaa ku geeriyooday isbitaal ay maamusho AMISOM oo ku yaalla Muqdisho, kaddib markii xanuun xalay kusoo booday awgiis loo keenay Muqdisho.

2/13/2013 6:30 AM EST
Arbaco, Feberaayo 13, 2013 (HOL) — Qunsuliyadda Guud ee Soomaaliya ay ku leedahay wadanka Australia ayaa habeenimadii xalay kulan isugu yeertay dhammaan aqoonyahanada iyo waxgaradka Soomaaliyeed ee ku nool waddankaas.

2/13/2013 6:27 AM EST
Arbaco, Feberaayo 13, 2013 (HOL) — Dagaal culus oo la isku adeegsaday hubka noocyadiisa kala duwan ayaa ciidamada Somaliland iyo kuwa maamulka Khaatumo ku dhexmaray deegaanka Laf-weyn oo ka tirsan deegaanka Xuddun kana xigta dhinaca galbeed qiyaastii 20-km.

2/13/2013 5:26 AM EST
Arbaco, February 13, 2013(HOL) - Shan qof ayaa dhimatay afar kalena waxaa kasoo gaaray dhaawacyo kadib markii gaari nooca rakaabka qaado uu ku rogmaday duleedka magaalada Dooloow ee gobolka Gedo.

2/13/2013 3:15 AM EST
Arbaco, February 13, 2013(HOL) - Waxaa shalay gelinkii danbe gudaha magaalada Kismaayo lagu dilay gudoomiyihii maxkamadda ciidamada qalabka sida ee degamada Kismaayo G/sare Max’ed Cismaan Cali (Keyb-haye), kadib markii ay haleeshay rasaas ay isweeydaarsanayeen laba askari oo katirsan ciidamada dowladda.

2/13/2013 1:53 AM EST
Arbaco, February 13, 2013(HOL): Magaalada Baydhabo ee xarunta u ah Gobolka Bay ayaa xalay waxaa ka dhacay dagaal geystay khasaare dhimasho iyo dhaawac isugu jira, kaasi oo dhexmaray Xoogagga Al-Shabaab iyo Ciidamada Dowladda iyo kuwa kale ee gacanta siinaya.