10/6/2022
Today from Hiiraan Online:  _
Wararka Maanta- Arbaco, Feb 13, 2013
Shirkadda Dhoofinta Mooska ee FRUITSOME oo Heshiisyo Caalami ah la gashay Shirkadaha DOLE iyo DEL MONTE (SAWIRRO)


Arbaco, Feberaayo 13, 2013 (HOL) —  Magaalada Berlin ee dalka Jarmalka ayaa lagu soo gabagabeeyay shirweyne caalami ah oo looga hadlayay dhoofinta Mooska iyo miraha kale kaasoo socdey 06 illaa 09 bishaan feberaayo, arrimo ku saabsana shirkaas iyo heshiisyo ay soo gashay ayay mas’uuliyiinta shirkadda Fruitsome kaga warbixiyeen xaruntooda Muqdisho ee Soomaaliya.

Guddoomiyaha shirkadda, Cusmaan Xayle ayaa sheeagy inay ku guulaysatay shirkaddu inay ka qayb-gasho shirkeedii ugu horreeyay ee ka dhaca dalka Jarmalka, isagoona xusy in tani ay tahay guul ballaaran oo u soo hooyatay beeraleyda Mooska Soomaaliyeed oo xilligan ay u furmayaan albaabbadu ka ganacsiga Mooska, kaddib muddo dheer oo dalkan uusan ka dhoofin Moos.

Intaas kaddib madaxa maaliyadda ee shirkadda Fruitsome, Sheekh Xuseen Cismaan Waasuge ayaa wuxuu saxaafadda u akhriyay war-saxaafadeed ay shirkaddu soo saartay, kaasoo lagu sharraxay habkii ay shirkaas uga qayb-galeen.

“Shirkadda Fruitsome waxay ka qayb-gashay carwo caalami ah oo lagu qabtay magaalada Berlin ee dalka Jarmalka, taasoo ay kasoo qayb-galeen shirkado caalami ah kuwaasoo ka ganacsada noocyada kala duwan ee khudaarta sida Mooska ama Muuska, runtiina shirkaddeena si diirran ayaa loosoo dhaweeyay,” ayuu yiri Sheekh Xuseen.

Mas’uulkan oo hadalkiisa sii wata ayaa intaa raaciyay in shirkadda Fruitsome la jeclaysatay inay shacabka Soomaaliyeed u soo bandhigto waxaayaabihii ay halkaa kusoo bandhigtay; isagoona hoosta ka xarriiqay in shirakddu ay heshiisyo gacsi lasoo saxiixatay shirkado caalami ah oo ay ka mid yihiin: Dole iyo Del Monte,

Dhanka kale, madaxa maaliyadda ee shirkadda Fruitsome Sheekh Xuseen ayaa sheegay in shirkadahan dhamaantood ay dhoofiyaan Mooska isla markaana ay haystaan suuq-geyn ballaaran.

Ugu dambeyn, Sheekh Xuseen wuxuu in shirkaddoodu ay Mooska u dhoofin doonto dalalka Bariga Dhexe iyo kuwo kale oo caalami ah. Iyadoo Shirkaddu ay noqonayso tii labaad dalka ka hana-qaadda tan iyo markii ay meesha ka baxday wakaaladdii Mooska Soomaaliyeed; iyadoo xilliyadii burburkana ay soo baxeen shirkado kale oo Mooska dhoofiya kuwaasoo aakhirkii burburay.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/13/2013 11:31 AM EST
Arbaco, Feberaayo 13, 2013 (HOL) — Madaxweynaha Somaliland, Axmed Maxamed Maxamuud (Siilaanyo), ayaa sheegay in aanay shirka Arrimaha Soomaaliya lagaga hadlayo ee bisha May ka dhici doona magaalada London ka qaybgali doonin haddii ay u arkaan in karaamadda iyo qaranimadda Somaliland wax u dhimayso.

2/13/2013 11:26 AM EST
Arbaco, Feberaayo 13, 2013 (HOL) — Ugu yaraan laba qof ayaa ku dhintay laba kalena way ku dhaawcmeen qarax ka dhacay gellinkii dambe ee maanta Isgoyska Black Sea ee degmada Hodan, iyadoo sidoo kale kooxo hubeyasn ay maqribnimadii caawa toogasho ku dileen askari ka tirsan kuwa dowladda oo ku sugnaa suuqa Bakaaraha.

2/13/2013 9:35 AM EST
Arbaco, Feberaayo 13, 2013 (HOL) — Guddoomiyaha baarlamaanka Somalia iyo wafdi uu hoggaaminayo ayaa maanta u dhoofay magaalada Addis Ababa ee xarunta dalka Itoobiya, iyadoo safarkan uu noqonayo kii ugu horreeyay oo uu dalka kaga ambabaxo.

2/13/2013 7:54 AM EST
Arbaco, Feberaayo 13, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ay albaabbadu u xiran yihiin la yeeshay ergayga Midowga Afrika ee arrimaha Soomaaliya, danjire Maxamed Saalax Annaadiif oo ay wehliyeen xubno ka socday ururka Midowga Afrika.

2/13/2013 7:04 AM EST
Arbaco, Feberaayo 13, 2013 (HOL) — Guddoomiyaha Ururka Ahusunna Waljamaaca, Sheekh Maxamed Yuusuf Xeefoow ayaa ku geeriyooday isbitaal ay maamusho AMISOM oo ku yaalla Muqdisho, kaddib markii xanuun xalay kusoo booday awgiis loo keenay Muqdisho.

2/13/2013 6:30 AM EST
Arbaco, Feberaayo 13, 2013 (HOL) — Qunsuliyadda Guud ee Soomaaliya ay ku leedahay wadanka Australia ayaa habeenimadii xalay kulan isugu yeertay dhammaan aqoonyahanada iyo waxgaradka Soomaaliyeed ee ku nool waddankaas.

2/13/2013 6:27 AM EST
Arbaco, Feberaayo 13, 2013 (HOL) — Dagaal culus oo la isku adeegsaday hubka noocyadiisa kala duwan ayaa ciidamada Somaliland iyo kuwa maamulka Khaatumo ku dhexmaray deegaanka Laf-weyn oo ka tirsan deegaanka Xuddun kana xigta dhinaca galbeed qiyaastii 20-km.

2/13/2013 5:26 AM EST
Arbaco, February 13, 2013(HOL) - Shan qof ayaa dhimatay afar kalena waxaa kasoo gaaray dhaawacyo kadib markii gaari nooca rakaabka qaado uu ku rogmaday duleedka magaalada Dooloow ee gobolka Gedo.

2/13/2013 3:15 AM EST
Arbaco, February 13, 2013(HOL) - Waxaa shalay gelinkii danbe gudaha magaalada Kismaayo lagu dilay gudoomiyihii maxkamadda ciidamada qalabka sida ee degamada Kismaayo G/sare Max’ed Cismaan Cali (Keyb-haye), kadib markii ay haleeshay rasaas ay isweeydaarsanayeen laba askari oo katirsan ciidamada dowladda.

2/13/2013 1:53 AM EST
Arbaco, February 13, 2013(HOL): Magaalada Baydhabo ee xarunta u ah Gobolka Bay ayaa xalay waxaa ka dhacay dagaal geystay khasaare dhimasho iyo dhaawac isugu jira, kaasi oo dhexmaray Xoogagga Al-Shabaab iyo Ciidamada Dowladda iyo kuwa kale ee gacanta siinaya.