10/6/2022
Today from Hiiraan Online:  _
Wararka Maanta- Arbaco, Feb 13, 2013
Dagaal Xooggan oo xalay ka dhacay Magaalada Baydhabo


Arbaco, February 13, 2013(HOL): Magaalada Baydhabo ee xarunta u ah Gobolka Bay ayaa xalay waxaa ka dhacay dagaal geystay khasaare dhimasho iyo dhaawac isugu jira, kaasi oo dhexmaray Xoogagga Al-Shabaab iyo Ciidamada Dowladda iyo kuwa kale ee gacanta siinaya.

 

Dagaalka oo socday muddo labo saacadood ah ayaa wuxuu ahaa mid culus oo la isugu adeegsaday hubka noocyadiisa kala duwan, iyadoo dagaalkuna ay ku soo qaadeen xoogagga Al-shabaab fariisimada ciidamada ee ku yaalla Baydhabo.

 

Inkastoo aan si rasmi ah loo xaqiijin karin inta ay tiradooda la egtahay haddana waxaa jira khasaare dhimasho iyo dhaawac ah oo soo gaaray dhinacyadii dagaaallamay iyo weliba dad rayid ah oo guryahooda ay ugu galeen madaafiic habow ah.

 

Dagaalkan ayaa wuxuu magaalada Baydhabo ka dhacayaa iyadoo uu jiro khilaaf xooggan oo dhinaca maamulka ah, waxaana maalmihii aynu ka soo gudubnay gudaha u soo galay ciidamo faro badan oo soo faarujiyay fariisimadii jiidda hore ee dagaalka ee ay ku sugnaayeen, taasi ayaana la rumeysan yahay in ay keentay in ay Al-shabaab soo weerarto magaalada.

 

Shalay ayay ahayd markii uu magaalada ka dhacay qarax lala beegsaday ciidamo Itoobiyaan ah, kaasi oo geystay khasaare soo gaaray Ciidaamada Itoobiya. Magaalada Baydhabo ee Gobolka Bay ayaa waxay ka mid ah magaalooyinka ay sida weyn ugu xoogganaayeen Al-shabaab, inkastoo markii awooddoodii wiiqantay ay magaalada isaga baxeen.

 

Wararkeena dambe kula soco wixii ku soo kordha wararka Magaalada Baydhabo haddii Alle idmo.

 

 

Hiiraan Online

Baydhabo













Click here
2/13/2013 11:31 AM EST
Arbaco, Feberaayo 13, 2013 (HOL) — Madaxweynaha Somaliland, Axmed Maxamed Maxamuud (Siilaanyo), ayaa sheegay in aanay shirka Arrimaha Soomaaliya lagaga hadlayo ee bisha May ka dhici doona magaalada London ka qaybgali doonin haddii ay u arkaan in karaamadda iyo qaranimadda Somaliland wax u dhimayso.

2/13/2013 11:26 AM EST
Arbaco, Feberaayo 13, 2013 (HOL) — Ugu yaraan laba qof ayaa ku dhintay laba kalena way ku dhaawcmeen qarax ka dhacay gellinkii dambe ee maanta Isgoyska Black Sea ee degmada Hodan, iyadoo sidoo kale kooxo hubeyasn ay maqribnimadii caawa toogasho ku dileen askari ka tirsan kuwa dowladda oo ku sugnaa suuqa Bakaaraha.

2/13/2013 9:35 AM EST
Arbaco, Feberaayo 13, 2013 (HOL) — Guddoomiyaha baarlamaanka Somalia iyo wafdi uu hoggaaminayo ayaa maanta u dhoofay magaalada Addis Ababa ee xarunta dalka Itoobiya, iyadoo safarkan uu noqonayo kii ugu horreeyay oo uu dalka kaga ambabaxo.

2/13/2013 9:27 AM EST
Arbaco, Feberaayo 13, 2013 (HOL) — Magaalada Berlin ee dalka Jarmalka ayaa lagu soo gabagabeeyay shirweyne caalami ah oo looga hadlayay dhoofinta Mooska iyo miraha kale kaasoo socdey 06 illaa 09 bishaan feberaayo, arrimo ku saabsana shirkaas iyo heshiisyo ay soo gashay ayay mas’uuliyiinta shirkadda Fruitsome kaga warbixiyeen xaruntooda Muqdisho ee Soomaaliya.

2/13/2013 7:54 AM EST
Arbaco, Feberaayo 13, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ay albaabbadu u xiran yihiin la yeeshay ergayga Midowga Afrika ee arrimaha Soomaaliya, danjire Maxamed Saalax Annaadiif oo ay wehliyeen xubno ka socday ururka Midowga Afrika.

2/13/2013 7:04 AM EST
Arbaco, Feberaayo 13, 2013 (HOL) — Guddoomiyaha Ururka Ahusunna Waljamaaca, Sheekh Maxamed Yuusuf Xeefoow ayaa ku geeriyooday isbitaal ay maamusho AMISOM oo ku yaalla Muqdisho, kaddib markii xanuun xalay kusoo booday awgiis loo keenay Muqdisho.

2/13/2013 6:30 AM EST
Arbaco, Feberaayo 13, 2013 (HOL) — Qunsuliyadda Guud ee Soomaaliya ay ku leedahay wadanka Australia ayaa habeenimadii xalay kulan isugu yeertay dhammaan aqoonyahanada iyo waxgaradka Soomaaliyeed ee ku nool waddankaas.

2/13/2013 6:27 AM EST
Arbaco, Feberaayo 13, 2013 (HOL) — Dagaal culus oo la isku adeegsaday hubka noocyadiisa kala duwan ayaa ciidamada Somaliland iyo kuwa maamulka Khaatumo ku dhexmaray deegaanka Laf-weyn oo ka tirsan deegaanka Xuddun kana xigta dhinaca galbeed qiyaastii 20-km.

2/13/2013 5:26 AM EST
Arbaco, February 13, 2013(HOL) - Shan qof ayaa dhimatay afar kalena waxaa kasoo gaaray dhaawacyo kadib markii gaari nooca rakaabka qaado uu ku rogmaday duleedka magaalada Dooloow ee gobolka Gedo.

2/13/2013 3:15 AM EST
Arbaco, February 13, 2013(HOL) - Waxaa shalay gelinkii danbe gudaha magaalada Kismaayo lagu dilay gudoomiyihii maxkamadda ciidamada qalabka sida ee degamada Kismaayo G/sare Max’ed Cismaan Cali (Keyb-haye), kadib markii ay haleeshay rasaas ay isweeydaarsanayeen laba askari oo katirsan ciidamada dowladda.