10/6/2022
Today from Hiiraan Online:  _
Wararka Maanta- Talaado, Feb 12, 2013
Qoysaskii ku noolaa xerada Lama-galaay ee magaalada Baladweyne oo bilaabay in ay isaga guuraan

Talaado, Feberaayo, 12, 2013 (HOL)  -- Qoysaskii ku nool 22-kii sano ee la soo dhaafay xeradii hore ee ciidamada xoogga dalka Soomaaliyeed Lam-galaay ee magaalada Baladweyne, ayaa hadda bilaabay in ay isaga guuraan halkaa kadib markii ay sidaa amar ku siiyeen saraakiisha ciiidamada dowladda iyo AMISOM.

Xerada Lama-galaay oo wixii ka danbeeyay bur burkii dowladdii dhexe ee dalka deegan u noqotay ku dhawaad 600 oo qoys ayeey sheegeen saraakiisha ciidamada dowladda Soomaaliya iyo kuwa Jabuuti ee howlgalka midowgga Africa AMISOM in saldhig rasmi ah looga dhigayo ciidamada dowladda ee maamulka gobollka Hiiraan oo hadda uu tababar uga socdo qeyb ka mid ah xerada.

Sadaxdii cisho ee u danbeysay ayaa la arkayay qoysas durbaba bilaabay in ay isaga baxaa xerada kuwasoo qaarkood ku mashuulsan fur furista guryihiin uga dhisnaa gudaha xerada madaama la siiyay waqti kooban oo ay halkaa ku baneen karaan.

Wafdigii uu horkacayay ra’iisal wasaaraha xukuumada Soomaaliya Cabdi Faarax Shirdoon Saacid ee dhawaan booqday magaalada Baladweyne ayaa boqolaal dadweyne ah kula hadllay garoon lagu cayaaro kubada cagta oo ku dhax yaala gudaha xerada Lama-galaay.

Col Cismaan Dubad taliyaha ciidamada Jabuuti ee howlgalka midowgga Africa AMISOM ayaa horay u sheegay in dib u dhiska ciidamada qeyb ka tahay in la helo marka hore xeriyihii militariga ee saldhiga u noqon lahaa ciidamada, isaga oo ku booriyay qoysaska in ay u hogaasamaan amarka lagu siiyay in ay baneeyaan xerada.

‘’Suurtagal ma’aha in dad shacab ah iyo ciidamo meel wada daganaadaan, sidaa daraadeed waxaan fareynaa qoysaska ku nool xerada Lama-galaan in ay ku baneeyaan waqtigii loo qabtay,’’ sidaa waxaa sheegay taliyaha ciidamada Jabuuti Col Cismaan Dubad.

Bilihii ugu danbeeyayba waxaa magaalada Baladweyne ee xarunta gobollka Hiiraan ka socday dib u dhis lagu sameynayo ciidamada maamulka gobollka ee dowladda Soomaaliya oo tababaro kala duwan ay siinayaan saraakiisha ciidamada Jabuuti.

C/raxmaan Diini, Hiiraan Online
[email protected]
Baladweyne, Soomaaliya.













Click here
2/12/2013 11:41 AM EST
Talaado, Feberaayo 12, 2013 (HOL) — Guddiyada joogtada ah ee baarlamaanka Soomaaliya ayaa kulan ay maanta oo Talaado ah ku yeesheen xarunta golaha shacabka ee Muqdisho ayaa waxay ku ansixiyeen qorshe howleedka baarlamaanka uu ku shaqeynayo sanadkan 2013 iyo arrimmo kale.

2/12/2013 11:11 AM EST
Talaado, Feberaayo 12, 2013 (HOL) — Ciidamadda Amaanka ee magaaladda Hargeysa, ayaa xabsiga u taxaabay boqor Raabi Yuusuf Cabdilaahi oo ka mid ah salaadiinta Somaliland, kaas oo ka soo laabtay magaaladda Muqdisho ee Soomaaliya.

2/12/2013 9:57 AM EST
Talaado, February 12, 2013 (HOL) - Waxaa qarax lala eegtay ciidammo Itoobiyaan ah oo ku sugan Magaalada Baydhabo iyo wafdi ka socday taliska xoogga dalka Soomaaliyeed kuwaasi oo uu hoggaaminayay taliyaha ciidanka xoogga dalka Soomaaliyeed Jen. Cabdulqaadir Shiikh Cali Diini oo ku sugnaa Afar Irdoodka magaalada Baydhabo.

2/12/2013 9:18 AM EST
Talaado, Feberaayo, 12, 2013 (HOL) – Warar dheeraad ah ayaa ka soo baxaya khasaaraha uu sababay qarax loo adeegsaday Bam kuwa gacanta laga tuuro ah oo lagu weeraray goob maqaaxi ah oo ku taala agagaarka suuqa xoola xaafadda Howl-wadaag ee magaalada Baladweyne.

2/12/2013 7:20 AM EST
Talaado, Feberaayo 12, 2013 (HOL) —Ra’isul wasaaraha dowladda Federaalka Soomaaliya Mudane Cabdi Faarax Shirdoon (Saacid) ayaa maanta xafiiskiisa kulan kula qaatay wafdigii Xildhibaanada ka koobnaa ee ka socday dalka Brundi islamarkaasina mudooyinkii u danbeeyay ku sugnaa magaalada Muqdisho ee caasimadda dalka Soomaaliya.

2/12/2013 6:09 AM EST
Talaado, Feberaayo 12, 2013 (HOL) —Kooxo hubeysan ayaa lagu soo waramayaa in ay gudaha magaalada Mandera ee gobolka waqooyi bari Kenya ay ku dileen sarkaal katirsan ciidamada Kenya, iyadoona kooxahaasi ay sidoo kale qaateen hubkii uu sitay askarigaasi.

2/12/2013 5:40 AM EST
Talaado, Feberaayo 12, 2013 (HOL) —Dagaalyahanno ka tirsan Al-shabaab iyo dad xoolaley ah ayaa lagu soo waramayaa in ay ku dagaalameen deegaanka Cabdi-dhoore oo qiyaastii 20-km dhanka galbeed kaga beegan magaalada Kismaayo ee xarunta gobolka Jubada hoose.

2/12/2013 1:01 AM EST
Talaado, Feberaayo 12, 2013 (HOL) — Howgallo lagu qabqabtay 217 qof ayay ciidamada dowladda xalay ka sameeyeen afar degmo oo ku yaalla magaalada Muqdisho, kuwaasoo ay ka mid yihiin, Xamar-jajab iyo Xamar-weyne.

2/12/2013 1:00 AM EST
Talaado, Feberaayo 12, 2013 (HOL) — Taliyaha gaaska labaad ee ciidamda dowladda Soomaaliya, Jen. C/llaahi Cali Cageyayaa sheegay in la toogan doono askarigii la arko isagoo isbaaro dhiganaya jidka isku xira Muqdisho iyo Afgooye, kaddib markii dhowrkii casho ee lasoo dhaafay ay jidkaas kusoo badanyeen isbaarooyinka loo dhigayo gaadiidka.