5/14/2021
Today from Hiiraan Online:  _
Wararka Maanta- Axad, Dec 8 , 2013
Madaxweynaha Soomaaliya oo la siiyay Talooyin ku aaddan Sifooyinka laga doonayo inuu yeesho Ra’iisul Wasaaraha Cusub



Axad, December 08, 2013 (HOL) — Iyadoo madaxweynaha Soomaaliya, Xasan Sheekh oo billaabay wadatashiyo ku saabsan ra’iisul wasaaraha cusub ee soo magacaabayo ayaa waxay xidhibaanno iyo xubno bulshada rayidka ah ka tirsan oo la kulmay ay sheegeen inay siiyeen talooyin ku aaddan sifooyinka laga doonayo inuu yeesho ra’iisul wasaaraha cusub ee uu soo magacaabayo.

Xildhibaan Yaasiin Cabdi Seed oo ka mid ah xildhibaannada baarlamaanka oo la hadlayay VOA-da laanteeda afka Soomaaliga ayaa sheegay inay kulan la yeesheen madaxweyaha ayna siiyeen talooyin dhowr ah oo laga doonayo inuu yeesho ra’iisul wasaaraha cusub ee dalka.

“Madaxweynaha waan la kulannay waxaana siinnay talooyin dhowr ah oo ay ka mid yihiin: in ra’iisul wasaaraha cusub uu yahay qof la socda siyaasadda dalka, sida deegaannada, dhaqanka iyo maamullada dalka ka jira. Waa inuu noqdaa qof la socda siyaasadda gobolka geeska Afrika iyo danaha dalalka aan dariska nahay nagala dhexeeya iyo inuu yahay ruux la socda danaha siyaasadeed ee dalalka Carabta iyo kuwa reer galbeedku ay ay ka leeyihin dalkan,” ayuu yiri Xildhibaan Seed.

Sidoo kale, xildhibaanku wuxuu sheegay inay madaxweynaha u sheegeen in laga doonayo ra’iisul wasaaraha cusub ee uu soo magacaabayo inuu yahay qof aragti dheer, isla markaana ka shaqeeya sidii dalka doorasho xor ah uu ku gaari lahaa sannadka 2016-ka.

Cabdi Maxamed Nuur oo ahaa wasiir-u-dowlihii lacagta ee dowladdii Carta oo ka mid ahaa xubno ka tirsan bulshada rayidka ah oo iyaguna madaxweynaha la kulmay ayaa u sheegay VOA-da in madaxweynaha ay ku boorriyeen inuu soo magacaabo nin aan hanti doon ahayn.

“Waxaan madaxweynaha kula talinnay in ra’iisul wasaaraha cuusb ee uu soo magacabaayo uu noqdo qof dhibaatadii uu dalkan soo maray ka saara oo isla markaana gaarsiiya horumar mustaqbal wanaagsan leh,” ayuu yiri Nuur oo intaas ku daray in madaxda ay u bateen kuwo dhaqaale doon ah, taasna loo baahan yahay in laga feejignaado.

Madaxweynaha Soomaaliya, Xasan Sheekh oo warbaahinta la hadlay markii ay xildhibaannada baarlamaanka si aqlabiyad ah kalsoonida ugala laabteen xukuumadda ra’iisul wasaare Saacid ayaa sheegay inuu wadatashiyo badan la yeelanayo qaybaha blushada ka hor inta uusan soo magacaabin ra’iisul wasaarihii bedeli lahaa Saacid.

Xildhibaannada baarlamaanka Somalia ayaa cod aqlabiyad ah ku diiday inay xukuumadda ra'iisul waasare Saacid siiyaan kalsooni ay kusii shaqeyso, iyadoo madaxweynaha looga fadhiyo inuu muddo 30-maalmood gudahood ah uu kusoo magacaabo ra’iisul wasaaraha cusub, sida uu qabo dastuurka dalka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/8/2013 1:54 PM EST
Axad, December 08, 2013 (HOL) —Wasiirka maaliyadda Soomaaliya, Maxamuud Xasan Suleymaan iyo wafdi uu hoggaaminayo ayaa maanta Muqdisho dib ugu soo laabtay, kaddib shirar caalami ah oo arrimaha Soomaaliya looga hadlay oo uu uga soo qaybgalay dalalka Biljamka iyo Faransiiska.

12/8/2013 1:04 PM EST
Axad, December 08, 2013 (HOL) — Waxaa maanta magaalada Jig-jiga ee Is-maamulka Soomaalida Itoobiya lagu soo gaba-gabeeyay xuskii sideedaad ee maalinta qowmiyadaha dalka Itoobiya oo ku beegnayd 29-ka bisha Hiidhaar ee sannadka 2006-da taariikhda Itoobiya, taasoo ahayd mid si heer qaran ah loosoo agaasimay, ayna kasoo qaybgaleen wufuud heer caalami ah.

12/8/2013 12:42 PM EST
Axad, December 08, 2013 (HOL) — Allaha u naxariistee waxaa magaalada Gaalkacyo ee gobolka Mudug maanta ku geeriyooday wariye Cali Maxamed Cali (Suldaan) oo ka mid ahaa wariyaasha waqtiga dheer kusooo jiray warbaahinta Soomaalida.

12/8/2013 11:39 AM EST
Axad, December 08, 2013 (HOL) — Kulan qado ahaa oo maanta magaalada Muqdisho ay ku yeesheen imaamka, ugaaska, duubab-dhaqameedyo, nabad-doonno, siyaasiyiinta iyo haweenka beesha Mudullood ayaa laga soo saaray war-murtiyeed, kaddib kulan ay muddo labaatan maalmood ah beesha uga socday Muqdisho.

12/8/2013 11:15 AM EST
Axad, December 08, 2013 (HOL) — Dadweynaha magaalada Hargeysa ayaa maanta ay ku dhacday Jaad la’aan ka dib markii dawladda Itoobiya xiray Xadkii u dhexeeyey Somaliland iyo Itoobiya munaasibadda maalinta qoomiyadaha Itoobiya Awgeed.

12/8/2013 11:11 AM EST
Axad, December 08, 2013 (HOL) — Magaalada Boosaaso ee xarunta gobolka Bari, waxaa maanta si weyn loogu soo dhoweeyey Cali Cabdi Awaare oo ah musharrax u taagan xilka madaxweynenimo ee Puntland.

12/8/2013 10:16 AM EST
Axad, December 08, 2013 (HOL) — Guddoomiyaha baarlamaanka Soomaaliya, Maxamed Sheekh Cusmaan Jawaari xildhibaannada baarlamaanka maanta ku boorriyay inay gudo-galaan sameynta nidaamka axsaabta siyaasadeed ee dalka, taasoo uu sheegay inay qayb ka tahay tiirarka lagama maarmaanka u dalka.

12/8/2013 10:15 AM EST
Axad, December 08, 2013 (HOL) — Iyadoo dhawr maalmood oo qura laga joogo xilligii uu Madaxweynaha Puntland soo magacaabay Guddiga Xallinta Khilaafaadka iyo Ansixinta Xildhibaanada Baarlamaanka -guddigaas oo inta badan musharraxiinta u tartamaya madaxtinimada Puntland ay qaadaceen- ayaa waxaa maanta guddi kale oo kaas lamid ah ku dhawaaqay qaar kamid ah musharraxiinta, gaar ahaan kuwa magaalada Boosaaso ku sugan.

12/8/2013 9:51 AM EST
Axad, December 08, 2013 (HOL) — Mid ka mid ah askarta ciidamada Jabuuti ee qaybta ka ah howglalka Midowga Afrika ee AMISOM oo ku sugan magaalada Beledweyne ayaa u geeriyooday qarax ka dhashay soo saarista ama burburinta walxaha qarxa oo ay ka mid tahay miinada dhulka lagu aaso.

12/8/2013 6:49 AM EST
Axad, December 08, 2013 (HOL) — Duqa magaalada Hargeysa, C/raxmaan Maxamuud Caydiid (Soltelco), ayaa ka warbixiyey bishan December ee sanadkan waxyaalaha u qorshaysan inay qabtaan ee ka ay ka mid yihiin qurxinta iyo hagaajinta Bilicda magaaladda Hargeysa.

12/8/2013 6:33 AM EST
Axad, December 08, 2013 (HOL) — Magaalada Baydhabo ayaa waxaa lagu dilay mid ka mid ah ilaalada taliyaha nabad-sugidda degmada Buur-haka ee gobolka Bay, Col. Cali Garruun, sidoo kale waxaa xalay magaalada ka dhacay iska-horimaad xooggan.

12/8/2013 6:03 AM EST
Axad, December 08, 2013 (HOL) — Mashruuc lugu horumarinayo deegmooyin ka tirsan Puntland ayaa la sheegay in sannadka soo socda ay ku bixi doonto lacag dhan 12-Milyan oo doollar.

12/8/2013 5:54 AM EST
Axad, December 08, 2013 (HOL) — Waxaa hoolka shirarka ee Jaamacadda University of Minnesota ee magaaladda Minneapolis ka dhacday xalay xaflad casho sharaf aheyd oo ay soo qaban qaabiyeen Meertada Aqooneed ee Keydinta Suugaanta iyo Naadiga Hal-abuurka Soomaaliyeed ee Somali Speaking Pen, taas oo lagu nooleynayay Suugaanta iyo Afka, isla markaana lagu sharfayay Macaallin Siciid Saalax.

12/8/2013 5:41 AM EST
Axad, December 08, 2013 (HOL) — Wasiirka arrimaha gudaha iyo ammaanka Qaranka dowladda Soomaaliya, C/kariin Xuseen Guuleed iyo xubno odayaal ah ayaa kawada hadlay maanta sidii lagu sii dayn lahaa Sh. Xasan Daahir Aweys oo muddo shan bilood ah u xiran dowalda Soomaaliya.

12/8/2013 1:17 AM EST
Axad, December 08, 2013 (HOL) — Xaflad casho sharaf ah oo ay ka qayb-galeen in ka badan 5,000 oo qof oo ka mid ah wufuudda ka qayb-galaya xuska maalinta qowmiyadaha Itoobiya ee maanta ka furmaya magaalada Jigjiga ee xarunta ismaamulka Soomaalida Itoobiya ayaa xalay lagu qabtay magaaladaas.

12/8/2013 1:10 AM EST
Axad, December 08, 2013 (HOL) — Madaxweynaha Somaliland, Axmed Maxamed Maxamuud Siilaanyo, ayaa shalay gaadhay magaaladda Jigjiga ee dawlad deegaanka Soomaalidda Itoobiya oo ay ka socoto dabaaldega maalinta qoomiyadaha Itoobiya.