5/15/2021
Today from Hiiraan Online:  _
Wararka Maanta- Axad, Dec 8 , 2013
Wasiirka Maaliyadda iyo Qorshaynta Somalia oo ka Warbixiya Shirar uu uga soo Qayb-galay dalalka Belgium iyo France (SAWIRRO)



Axad, December 08, 2013 (HOL) —Wasiirka maaliyadda Soomaaliya, Maxamuud Xasan Suleymaan iyo wafdi uu hoggaaminayo ayaa maanta Muqdisho dib ugu soo laabtay, kaddib shirar caalami ah oo arrimaha Soomaaliya looga hadlay oo uu uga soo qaybgalay dalalka Biljamka iyo Faransiiska.

Suleymaan iyo wafdigiisa ayaa waxaa garoonka diyaaradaha ee Muqdisho ku soo dhaweeyay xubno ka tirsan xukuumadda, wuxuuna shir jaraa’id oo uu u qaybtay qaybaha warbaahinta uu kaga warbixiyay shirarkii uu kasoo qayb-galay iyo waxyaabihii uga soo qabsoomay.

Wasiirka ayaa sheegay in shirka hore oo ka dhacay magaalada Brussels ee dalka Biljamka ay  iskugu yimaadeen dalalka Midowga Yurub oo xiriir kala dhexeeyo, iyagoo ka wadahadlay sidii Somalia gacan looga siin lahaa wax ka qabashada arrimaha amniga, siyaasadda iyo dhaqaalaha dalka.

“Waxaan kasoo laabtay shir aan uga soo qayb-galay magaalada Brussels ee dalka Belgium iyo shir kale oo ka dhacay magaalada Paris ee xarunta dalka Faransiiska, shirka hore ee Brussels ka dhacay wuxuu dhexmaray ururrada Midowga Yurub, Midowga Afrika, iyo Jasiiradaha loo yaqaan Indian Ocean, ujeedkiisuna wuxuu ahaa sidi ay ururradan iskaashi u yeelan lahaayeen,” ayuu wasiirka maaliyadda ku yiri shirkiisa jaraa’id.

Sidoo kale, wasiirku wuxuu xusay muhiimadda shirkaas uu ahaa sidii dalalku ay iskaashi buuxa uga yeelan lahaayeen wax-soo-saarka gaar ahaan dhinaca beeraha iyo sugidda amniga; isagoo intaas ku daray in dhaqaalaha dalakaas iyo midka Soomaaliya ay isku xiran yihiin.

“Muhiimadda shirku waxay ahayd sidii loo tayeyn lahaa wax-soo-saarka dhinaca beeraha, waad la socotaan Somalia xiliyada ay dhacaan abaaraha waxaa yaraada wax-soo-saarka dhinaca beeraha; taasoo ku xiran nolosha kumannaan qof oo Soomaaliyeed,” ayuu wasiirku mar kale yiri.

Dhanka kale, wasiirka ayaa sheegay in magaalada Paris ee dalka Faransiiska uu kula soo kulmay qaar ka mid ah dalalka daneeya arrimaha Soomaaliya kuwaasoo uu sheegay inuu kala soo hadlay dib u soo celinta dhaqaalaha dalka.

Wasiirka ayaa xusay in dhawaan ay billaabeen maamulka maaliyadda kaas oo ah mashruuc dheer oo soconaya muddo sannado ah ujeedkiisuna yahay tayeyna maamulka maaliyadda Soomaaliya.

“Qorshaha wasaaradda maaliyada ee sannadaha soo socda ay hiigsanayso waxaa ka mid ah dib u habeynta maamulka maaliyada Soomaaliya oo aan billownay sannadka socda, wuxuuna soconayaa muddo saddex sanadood ah, ujeedkiisuna waa kor u qaadidda maamulka maaliyadda si uu ula jaan-qaado sida ay calaamku wax u maamushaan, waxaana dalka dib u dhaca ku riday dagaaladii uu soo maray, sidoo kale hadda waxaan diyaarinay miisaaniyaddii sannadka 2014-ka oo iyadu ah tii uu dalku ku shaqayn lahaa sannadka soo socda - arrintaasi intaanan tagin baan mariyay xukuumadda dhawaanna waxaan la hor-geyn doonaa golaha baarlamaanka,” ayuu wasiirku hadalkiisa ku daray.

Ugu dambeynm wasiirka ayaa isla maanta kula shiray garoonka diyaaradaha Muqdisho madaxa hay’adda xiriirka caalamiga ah ee dalka Japan, Mr Hideo Eguchi, waxayna isla soo qaadeen sidii loo kobcin lahaa xiriirka ka dhexeeya labada waddan iyo sidii Japan ay qayb weyn uga qaadan lahayd dib u dhiska dalka; iyagoona labada masuul ay isla jeex-jeexey sidii dowladda Japan ay u kordhin lahayd kaalmooyinka ay siinayso Somalia uu noqon lahaayeen kuwo toos loo siiyo dowladda Soomaaliya.


Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/8/2013 2:34 PM EST
Axad, December 08, 2013 (HOL) — Iyadoo madaxweynaha Soomaaliya, Xasan Sheekh oo billaabay wadatashiyo ku saabsan ra’iisul wasaaraha cusub ee soo magacaabayo ayaa waxay xidhibaanno iyo xubno bulshada rayidka ah ka tirsan oo la kulmay ay sheegeen inay siiyeen talooyin ku aaddan sifooyinka laga doonayo inuu yeesho ra’iisul wasaaraha cusub ee uu soo magacaabayo.

12/8/2013 1:04 PM EST
Axad, December 08, 2013 (HOL) — Waxaa maanta magaalada Jig-jiga ee Is-maamulka Soomaalida Itoobiya lagu soo gaba-gabeeyay xuskii sideedaad ee maalinta qowmiyadaha dalka Itoobiya oo ku beegnayd 29-ka bisha Hiidhaar ee sannadka 2006-da taariikhda Itoobiya, taasoo ahayd mid si heer qaran ah loosoo agaasimay, ayna kasoo qaybgaleen wufuud heer caalami ah.

12/8/2013 12:42 PM EST
Axad, December 08, 2013 (HOL) — Allaha u naxariistee waxaa magaalada Gaalkacyo ee gobolka Mudug maanta ku geeriyooday wariye Cali Maxamed Cali (Suldaan) oo ka mid ahaa wariyaasha waqtiga dheer kusooo jiray warbaahinta Soomaalida.

12/8/2013 11:39 AM EST
Axad, December 08, 2013 (HOL) — Kulan qado ahaa oo maanta magaalada Muqdisho ay ku yeesheen imaamka, ugaaska, duubab-dhaqameedyo, nabad-doonno, siyaasiyiinta iyo haweenka beesha Mudullood ayaa laga soo saaray war-murtiyeed, kaddib kulan ay muddo labaatan maalmood ah beesha uga socday Muqdisho.

12/8/2013 11:15 AM EST
Axad, December 08, 2013 (HOL) — Dadweynaha magaalada Hargeysa ayaa maanta ay ku dhacday Jaad la’aan ka dib markii dawladda Itoobiya xiray Xadkii u dhexeeyey Somaliland iyo Itoobiya munaasibadda maalinta qoomiyadaha Itoobiya Awgeed.

12/8/2013 11:11 AM EST
Axad, December 08, 2013 (HOL) — Magaalada Boosaaso ee xarunta gobolka Bari, waxaa maanta si weyn loogu soo dhoweeyey Cali Cabdi Awaare oo ah musharrax u taagan xilka madaxweynenimo ee Puntland.

12/8/2013 10:16 AM EST
Axad, December 08, 2013 (HOL) — Guddoomiyaha baarlamaanka Soomaaliya, Maxamed Sheekh Cusmaan Jawaari xildhibaannada baarlamaanka maanta ku boorriyay inay gudo-galaan sameynta nidaamka axsaabta siyaasadeed ee dalka, taasoo uu sheegay inay qayb ka tahay tiirarka lagama maarmaanka u dalka.

12/8/2013 10:15 AM EST
Axad, December 08, 2013 (HOL) — Iyadoo dhawr maalmood oo qura laga joogo xilligii uu Madaxweynaha Puntland soo magacaabay Guddiga Xallinta Khilaafaadka iyo Ansixinta Xildhibaanada Baarlamaanka -guddigaas oo inta badan musharraxiinta u tartamaya madaxtinimada Puntland ay qaadaceen- ayaa waxaa maanta guddi kale oo kaas lamid ah ku dhawaaqay qaar kamid ah musharraxiinta, gaar ahaan kuwa magaalada Boosaaso ku sugan.

12/8/2013 9:51 AM EST
Axad, December 08, 2013 (HOL) — Mid ka mid ah askarta ciidamada Jabuuti ee qaybta ka ah howglalka Midowga Afrika ee AMISOM oo ku sugan magaalada Beledweyne ayaa u geeriyooday qarax ka dhashay soo saarista ama burburinta walxaha qarxa oo ay ka mid tahay miinada dhulka lagu aaso.

12/8/2013 6:49 AM EST
Axad, December 08, 2013 (HOL) — Duqa magaalada Hargeysa, C/raxmaan Maxamuud Caydiid (Soltelco), ayaa ka warbixiyey bishan December ee sanadkan waxyaalaha u qorshaysan inay qabtaan ee ka ay ka mid yihiin qurxinta iyo hagaajinta Bilicda magaaladda Hargeysa.

12/8/2013 6:33 AM EST
Axad, December 08, 2013 (HOL) — Magaalada Baydhabo ayaa waxaa lagu dilay mid ka mid ah ilaalada taliyaha nabad-sugidda degmada Buur-haka ee gobolka Bay, Col. Cali Garruun, sidoo kale waxaa xalay magaalada ka dhacay iska-horimaad xooggan.

12/8/2013 6:03 AM EST
Axad, December 08, 2013 (HOL) — Mashruuc lugu horumarinayo deegmooyin ka tirsan Puntland ayaa la sheegay in sannadka soo socda ay ku bixi doonto lacag dhan 12-Milyan oo doollar.

12/8/2013 5:54 AM EST
Axad, December 08, 2013 (HOL) — Waxaa hoolka shirarka ee Jaamacadda University of Minnesota ee magaaladda Minneapolis ka dhacday xalay xaflad casho sharaf aheyd oo ay soo qaban qaabiyeen Meertada Aqooneed ee Keydinta Suugaanta iyo Naadiga Hal-abuurka Soomaaliyeed ee Somali Speaking Pen, taas oo lagu nooleynayay Suugaanta iyo Afka, isla markaana lagu sharfayay Macaallin Siciid Saalax.

12/8/2013 5:41 AM EST
Axad, December 08, 2013 (HOL) — Wasiirka arrimaha gudaha iyo ammaanka Qaranka dowladda Soomaaliya, C/kariin Xuseen Guuleed iyo xubno odayaal ah ayaa kawada hadlay maanta sidii lagu sii dayn lahaa Sh. Xasan Daahir Aweys oo muddo shan bilood ah u xiran dowalda Soomaaliya.

12/8/2013 1:17 AM EST
Axad, December 08, 2013 (HOL) — Xaflad casho sharaf ah oo ay ka qayb-galeen in ka badan 5,000 oo qof oo ka mid ah wufuudda ka qayb-galaya xuska maalinta qowmiyadaha Itoobiya ee maanta ka furmaya magaalada Jigjiga ee xarunta ismaamulka Soomaalida Itoobiya ayaa xalay lagu qabtay magaaladaas.

12/8/2013 1:10 AM EST
Axad, December 08, 2013 (HOL) — Madaxweynaha Somaliland, Axmed Maxamed Maxamuud Siilaanyo, ayaa shalay gaadhay magaaladda Jigjiga ee dawlad deegaanka Soomaalidda Itoobiya oo ay ka socoto dabaaldega maalinta qoomiyadaha Itoobiya.