5/15/2021
Today from Hiiraan Online:  _
Wararka Maanta- Axad, Dec 8 , 2013
War-murtiyeed laga soo saartay shir dib u heshiisiin ahaa oo beel ka mid ah beelaha Soomaaliyeed uga socday Muqdisho (SAWIRRO)



Axad, December 08, 2013 (HOL) — Kulan qado ahaa oo maanta magaalada Muqdisho ay ku yeesheen imaamka, ugaaska, duubab-dhaqameedyo, nabad-doonno, siyaasiyiinta iyo haweenka beesha Mudullood ayaa laga soo saaray war-murtiyeed, kaddib kulan ay muddo labaatan maalmood ah beesha uga socday Muqdisho.

Kulankan ayaa lagu muujiyay midnimada iyo isku-duubnida beesha, iyadoo ka heshiiyay khilaafyo xaga dhaqanka ah oo u dhaxeeyay, waxaana kulanka khudbado iyo duco ka jeediyay imaamka guud ee Beesha, Ugaaska iyo sidoo kale duubabka dhaqanka.

Imaam Maxamed Yuusuf Cali oo muddooyinkan dalka dibaddiisa safar ugu maqnaa ayaa sheegay in beesha ay kala maqnaayeen, balse kulankoodan uu dhaliyay is-faham.

"Baryo ayaa la kala maqnaa, isku imaatinkan wuxuu muujinayaa midnimada beesha mudullood, wixii jiray ee khilaafaad yar-yar ahaana heshiisyo ayaa laga gaaray," ayuu yiri Imaam Maxamed Yuusuf.

Ugaas Maxamuud Cali Ugaas Cabdulle ayaa hadal uu kulanka ka jeediyay ku sheegay in kulanka dib u heshiisiinta beesha uu soo socday tan iyo 20-kii November illaa 8-da Bisha, kaasoo lagu xaliyay buu yiri khilaafaadyo xagga dhaqanka ahaa oo ay beesha kala tabanaysay.

Sidoo kale, ugaaska ayaa kulanka ka akhriyay war-murtiyeed dhowr qodob ka koobnaa oo laga soo saaray shirarkii u socday xubnaha beesha, isagoo xusay in shirarka ay u socdeen illaa 170 ergo oo ka kala socday beelaha oo dhan.

HALKAN KA DAAWO SAWIRRO BADAN:

"Waxaa maanta lagu soo gaba-gabeeyay magaalada Muqdishu kulan dib-u-heshiisiin ahaa oo muddo u socday beesha. Shirkan gabagabada ah waxaa kasoo qaybgalay ergooyin ka kooban 170 oo ka socday beelaha oo dhan, kana koobnaa oday-dhaqameedyo, culummo, haween iyo aqoonyahanno, waxaa kasoo baxay qodobbo badan," ayuu yiri Ugaas Maxamuud.

Ugaaska oo hadalkiisa sii wata ayaa sheegay in wixii hadda ka dambeeya ay beeshu si guud uga tashanayso sidii deegaannada ay degto looga hir-gelin lahaa maamul goboleed, waxaana uu tilmaamay in guddi farsamo loo saari doono arrintaas.

Waxaa iyagana kulanka ka hadlay duubabka dhaqanka beelaha, kuwaasoo soo dhaweeyay dib u heshiisiinta iyo isku duubnida beesha, waxaana ay ku baaqeen in la ilaaliyo midnimada beesha.

Xubnihii ka hadlay kulanka oo isugu jiray ugaasyo, waxgaradka iyo haween ayaa waxay si kal iyo laab u soo dhaweeyeen war-murtiyeedka shirka laga soo saaray.

Ugu dambeyn, war-murtiyeedka shirka laga soo saaray oo ka koobnaa illaa siddeed qodob, ayaa wuxuu u qornaa sidan:

1. Muddadii shirku socday waxaa lagu heshiisiyay colaado beesha u dhexeeyay.

2. Beesha mudullood waxay ugu baaqeysaa beelaha kale oo ay dariska yihiin in lagu wada noolaado si nabad, is-faham, walaanimo iyo derisnimo ay ku jirto.

3. Beeshu waxay diyaar u tahay in khilaaf kasta ay ku dhameyso wadahadal iyo nabad.

4. Beeshu waxay diyaar u tahay inay gogol nabadeed u fidiso beelaha wax kala tabanaya.

5. Waxay beeshu sidaas si la mid ah diyaar u tahay haddii gogol loo dhigo inay ka qayb-qaadato.

6. Beeshu waxay soo xulaneysaa guddi u xilsaaran xallinta khilaafaadyada soo dhex-gala beesha iyo in nabad iyo dib-u-heshiinsiin lala gaarto beelaha kale oo ay colaaddu horay u dhex-martay.

7. Beesha mudullood waxay beelaha kale ee Soomaliyeed ugu baaqeysaa inay mowqifkan mid la mid ah qaataan.

8. Beeshu waxay ugu baaqaysaa dhammaan shacabka Soomaaliyeed in laga qayb-qaato adkeynta nabadda, isla markaana la isku soo dhaweeyo dadka Soomaaliyeed ee colaaduhu kala qaybiyeen.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/8/2013 2:34 PM EST
Axad, December 08, 2013 (HOL) — Iyadoo madaxweynaha Soomaaliya, Xasan Sheekh oo billaabay wadatashiyo ku saabsan ra’iisul wasaaraha cusub ee soo magacaabayo ayaa waxay xidhibaanno iyo xubno bulshada rayidka ah ka tirsan oo la kulmay ay sheegeen inay siiyeen talooyin ku aaddan sifooyinka laga doonayo inuu yeesho ra’iisul wasaaraha cusub ee uu soo magacaabayo.

12/8/2013 1:54 PM EST
Axad, December 08, 2013 (HOL) —Wasiirka maaliyadda Soomaaliya, Maxamuud Xasan Suleymaan iyo wafdi uu hoggaaminayo ayaa maanta Muqdisho dib ugu soo laabtay, kaddib shirar caalami ah oo arrimaha Soomaaliya looga hadlay oo uu uga soo qaybgalay dalalka Biljamka iyo Faransiiska.

12/8/2013 1:04 PM EST
Axad, December 08, 2013 (HOL) — Waxaa maanta magaalada Jig-jiga ee Is-maamulka Soomaalida Itoobiya lagu soo gaba-gabeeyay xuskii sideedaad ee maalinta qowmiyadaha dalka Itoobiya oo ku beegnayd 29-ka bisha Hiidhaar ee sannadka 2006-da taariikhda Itoobiya, taasoo ahayd mid si heer qaran ah loosoo agaasimay, ayna kasoo qaybgaleen wufuud heer caalami ah.

12/8/2013 12:42 PM EST
Axad, December 08, 2013 (HOL) — Allaha u naxariistee waxaa magaalada Gaalkacyo ee gobolka Mudug maanta ku geeriyooday wariye Cali Maxamed Cali (Suldaan) oo ka mid ahaa wariyaasha waqtiga dheer kusooo jiray warbaahinta Soomaalida.

12/8/2013 11:15 AM EST
Axad, December 08, 2013 (HOL) — Dadweynaha magaalada Hargeysa ayaa maanta ay ku dhacday Jaad la’aan ka dib markii dawladda Itoobiya xiray Xadkii u dhexeeyey Somaliland iyo Itoobiya munaasibadda maalinta qoomiyadaha Itoobiya Awgeed.

12/8/2013 11:11 AM EST
Axad, December 08, 2013 (HOL) — Magaalada Boosaaso ee xarunta gobolka Bari, waxaa maanta si weyn loogu soo dhoweeyey Cali Cabdi Awaare oo ah musharrax u taagan xilka madaxweynenimo ee Puntland.

12/8/2013 10:16 AM EST
Axad, December 08, 2013 (HOL) — Guddoomiyaha baarlamaanka Soomaaliya, Maxamed Sheekh Cusmaan Jawaari xildhibaannada baarlamaanka maanta ku boorriyay inay gudo-galaan sameynta nidaamka axsaabta siyaasadeed ee dalka, taasoo uu sheegay inay qayb ka tahay tiirarka lagama maarmaanka u dalka.

12/8/2013 10:15 AM EST
Axad, December 08, 2013 (HOL) — Iyadoo dhawr maalmood oo qura laga joogo xilligii uu Madaxweynaha Puntland soo magacaabay Guddiga Xallinta Khilaafaadka iyo Ansixinta Xildhibaanada Baarlamaanka -guddigaas oo inta badan musharraxiinta u tartamaya madaxtinimada Puntland ay qaadaceen- ayaa waxaa maanta guddi kale oo kaas lamid ah ku dhawaaqay qaar kamid ah musharraxiinta, gaar ahaan kuwa magaalada Boosaaso ku sugan.

12/8/2013 9:51 AM EST
Axad, December 08, 2013 (HOL) — Mid ka mid ah askarta ciidamada Jabuuti ee qaybta ka ah howglalka Midowga Afrika ee AMISOM oo ku sugan magaalada Beledweyne ayaa u geeriyooday qarax ka dhashay soo saarista ama burburinta walxaha qarxa oo ay ka mid tahay miinada dhulka lagu aaso.

12/8/2013 6:49 AM EST
Axad, December 08, 2013 (HOL) — Duqa magaalada Hargeysa, C/raxmaan Maxamuud Caydiid (Soltelco), ayaa ka warbixiyey bishan December ee sanadkan waxyaalaha u qorshaysan inay qabtaan ee ka ay ka mid yihiin qurxinta iyo hagaajinta Bilicda magaaladda Hargeysa.

12/8/2013 6:33 AM EST
Axad, December 08, 2013 (HOL) — Magaalada Baydhabo ayaa waxaa lagu dilay mid ka mid ah ilaalada taliyaha nabad-sugidda degmada Buur-haka ee gobolka Bay, Col. Cali Garruun, sidoo kale waxaa xalay magaalada ka dhacay iska-horimaad xooggan.

12/8/2013 6:03 AM EST
Axad, December 08, 2013 (HOL) — Mashruuc lugu horumarinayo deegmooyin ka tirsan Puntland ayaa la sheegay in sannadka soo socda ay ku bixi doonto lacag dhan 12-Milyan oo doollar.

12/8/2013 5:54 AM EST
Axad, December 08, 2013 (HOL) — Waxaa hoolka shirarka ee Jaamacadda University of Minnesota ee magaaladda Minneapolis ka dhacday xalay xaflad casho sharaf aheyd oo ay soo qaban qaabiyeen Meertada Aqooneed ee Keydinta Suugaanta iyo Naadiga Hal-abuurka Soomaaliyeed ee Somali Speaking Pen, taas oo lagu nooleynayay Suugaanta iyo Afka, isla markaana lagu sharfayay Macaallin Siciid Saalax.

12/8/2013 5:41 AM EST
Axad, December 08, 2013 (HOL) — Wasiirka arrimaha gudaha iyo ammaanka Qaranka dowladda Soomaaliya, C/kariin Xuseen Guuleed iyo xubno odayaal ah ayaa kawada hadlay maanta sidii lagu sii dayn lahaa Sh. Xasan Daahir Aweys oo muddo shan bilood ah u xiran dowalda Soomaaliya.

12/8/2013 1:17 AM EST
Axad, December 08, 2013 (HOL) — Xaflad casho sharaf ah oo ay ka qayb-galeen in ka badan 5,000 oo qof oo ka mid ah wufuudda ka qayb-galaya xuska maalinta qowmiyadaha Itoobiya ee maanta ka furmaya magaalada Jigjiga ee xarunta ismaamulka Soomaalida Itoobiya ayaa xalay lagu qabtay magaaladaas.

12/8/2013 1:10 AM EST
Axad, December 08, 2013 (HOL) — Madaxweynaha Somaliland, Axmed Maxamed Maxamuud Siilaanyo, ayaa shalay gaadhay magaaladda Jigjiga ee dawlad deegaanka Soomaalidda Itoobiya oo ay ka socoto dabaaldega maalinta qoomiyadaha Itoobiya.