5/15/2021
Today from Hiiraan Online:  _
Wararka Maanta- Sabti, Dec 7 , 2013
Taliyaha Ciidanka ilaalada Waddooyinka Muqdisho oo ka warbixiyay shilalkii Sannadkan Dhacay iyo Tirada Dadkii ku dhintay



Sabti, December 07, 2013 (HOL) — Taliyaha ciidamada ilaalada waddooyinka ee gobolka Banaadir, Jen. Cali Xirsi Barre (Cali Gaab) ayaa shaaciyay in sannadkan ay Muqdisho iyo degmooyinka ku dhow-dhow ka dhaceen illaa 12,00 oo shilal gaadiid ah, kuwaasoo ay ku naf-waayeen 80-qof.

Jen. Cali Gaab oo wareysi gaar ah siiyay idaacadda Bar-kulan ayaa sheegay in dhibaatooyin badan ay kala kulmaan howlahooda, kuwaasoo uu sheegay inay ka mid yihiin darawallada oo dhicii ay doonaan wadada ka mara iyo kuwa xamuulka oo mararka qaarkood bartanka waddooyinka waaweyn ku rogmada.

“Dhibaatooyin badan ayaan kala kulannaa howlaha aan ku jirno, waxaa qaarkood ka mid ah in gaadiidka dalka la keenayo ay yihiin kuwii aan loogu talogelin in jidadka Soomaaliya loo isticmaalo iyo dawallada gaadiidka oo waddooyinka ka mara dhinicii ay doonaan,” ayuu yiri Jen. Barre, isagoo intaa raaciyay inay wasaaradda gaadiidka ku wargelinayaan inay wax ka qabto gaadiidka aan dalkan loogu talo-gelin ee dekedda kasoo dagaya.

Wasiirka warfaafhinta iyo gaadiidka Soomaaliya, Cabdullaahi Ciilmooge oo HOL arrintan uga warramay goor sii horreysay ayaa sheegay in wixii ka dambbeeya 31-ka December ee sannadkan 2013 aanay kasoo degi doonin dekedda Muqdisho gaadiidka laga wado dhinaca midig, lana hubin doono xilligaas kaddib gaadiidka soo dagaya inuu yahay mid waafaqsan shuruucda waddooyinka Soomaaliya.

Sidoo kale, taliyaha oo wax laga weydiiyay nalalka samaafaraha oo mararka qaarkood ay si qaldan u bixiyaan farriimmo, taasna ay keento inay shilal dhacaan ayaa kaga jawaabay in howshaas xallinteeda lagu jiro ayna dhici karto in markaas ay cillado dhinca dabka ah ku yimaadaan nalalka.

“Nalalkan waxay ku shaqeeyaan cad-ceedda, waxaana dhici karta inay si aan sax ahayn u bixiyaan amar, taasi way keeni kartaa dhibaato, waxaase lagu jiraa hagaajintooda,” ayuu ku gaabsaday taliyaha.

Mar la weydiiyay shilalka dhacay iyo khasaaraha ka dhashay ayuu sheegay in sannadka ay dhaceen illaa 12,00 oo shil, kuwaasoo ay ku naftooda ku waayeen 80-qof, isagoo xusay in dhimashada dadka ay mararka qaarkood keento meelo qaldan oo gaadiidka dadweynaha ay shacabka ku dajiyaan.

Gaadiidka dadweynaha ee loo yaqaan caasiga (Mini-bas) oo ka shaqeeya Muqdisho ayuu sheegay inay dhibaato xooggan ku qabaan, isagoo xusay in wadayaasha gaadiidkaas ay kaga socdaan halkii ay waddooyinka kasoo gaaraan; khaladaadka ugu badanna ay kala kulmaan gaadiidka dadweynaha.

Su’aal ahayd xiriirka ka dhexeeya iyaga iyo ciidamada booliiska AMISOM ayuu sheegay inay ugu yimaadaan oo keliya sheeko, balse aysan jirin wax-qabad kale oo ay kusoo kordhiyaan howlahooda.

“Raggaas sheeko ayay noogu yimaadaan, maalin walba ayay noo yimaadaan mana jirto wax intaas ka badan oo ay nagu caawiyaan. Waayo waxaa jirtay inay horay noogu ballanqaadeen gaadiid loo isticmaalo howlaha aan qabanno ee ilaalinta waddooyinka balse weli nama aysan soo gaarsiin,” ayuu mar kale yiri Jen. Cali Gaab.

Dhanka kale, wuxuu ka hadlay goobaha magaalada Muqdisho ee ay ka howl-galaan isagoo sheegay inay ka howlgalaan 32-barood oo magaalada oo dhan wuxuuna intaas ku daray in labadii sano ee howsha ay wadeen ay toddoba ruux ka dhinteen, sannadkan oo keliyana ay ka dhinteen afar ruux ayna ka dhaawacmeen laba kale, kuwaasoo uu sheegay in qaarkood ay weerareen xubno Al-shabaab ka tirsan, kuwo kalena ay kaga dhinteen qaraxyadii ka dhacay Muqdisho.

Ugu dambeyn, waxaa wax laga weydiiyay sida u xalliyaan shilalka dhacay iyo inay jirto cadaalad-darro mararka qaarkood dhacda, isagoo xusay inay joogaan injineerro howshaas ku shuqul leh, howshuna ay tahay mid xisaab ku saleysan oo aan sinna lagu qiyaani karin.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/7/2013 2:42 PM EST
Sabti, December 07, 2013 (HOL) — Magaalada Jigjiga ee magaalo-madaxda ismaamulka Soomaalida Itoobiya ayaa waxaa ka socda diyaar-gowga loogu jiro xuskii siddeedaad ee qowmiyadaha dalka Itoobiya ayaa waxaa u suuro-gashay Hiiraan Online (HOL) inay idiin soo gudbiso sawirrada diyaar-garowga xuskaas.

12/7/2013 1:35 PM EST
Sabti, December 07, 2013 (HOL) — Shirkii looga hadlayay ammaanka iyo dhaqaalaha Qaaradda Afrika oo labadii casho ee lasoo dhaafay ka socday magaalada Paris ee xarunta dalka Faransiiska ayaa lasoo gaba-gabeeyay caawa, iyadoo la isku raacay in Afrika laga caawiyo sidii ay uga bixi lahayd dhaqaale xumada iyo amni-darrada haysata.

12/7/2013 12:57 PM EST
Sabti, December 07, 2013 (HOL) — Khataraha ka jira dalka Liibya waxay u ekeysiiyeen dalkaas sidii Somalia oo kale, sidaa waxaa yiri madaxweynaha dalka Nayjar, Mahamadou Issoufou oo la hadlayay warfidiyeenka isagoo kusii jeeda magaalada Paris ee xarunta dalka Faransiiska oo uu ka socdo shir ammaanka Qaaradda Afrika looga hadalyo.

12/7/2013 12:33 PM EST
Sabti, December 07, 2013 (HOL) — Booliiska rabshadaha ka hor-tagga ee dalka Kenya ayaa shalay oo Jimco ahayd 20-qof oo muslimiin ah ku xiray magaalo xeebeedda dalkaas ee Mombasa, kaddib markii ay hareereeyeen masjidka Sakina oo ku yaalla xaafadda Majengo. Waxaana ku jiray afar qof oo maxkamad ay amartay in lasoo xiro sida uu sheegay taliyaha booliiska ee Makupa.

12/7/2013 12:07 PM EST
Sabti, December 07, 2013 (HOL) — Garaad Saleebaan Garaad Max'ed Garaad Maxamuud oo ay weheliyaan odayaal iyo waxgaradka deegaanka Sarmaanyo oo degmada Taleex kaga beegan dhinaca waqooyi 80-km ayaa ku baaqay in nabad iyo wadahadal lagu dhameeyo khilaafkii sababay dagaalladii ka dhacay degmada Taleex ee gobolka Sool.

12/7/2013 9:21 AM EST
Sabti, December 07, 2013 (HOL) — Iyadoo lagu waday in maxkadda gobolka Banaadir ay maanta dhageysato dacwad loo haysto milkiilaha Radio Shabelle, C/maalik Yuusuf, wariye Maxamed Bashiir iyo gabar wariye ah oo sheegtay in la kufsaday ayaa dib loo dhigay.

12/7/2013 8:34 AM EST
Sabti, December 07, 2013 (HOL) — Shirar kala duwan ayaa maanta Baydhabo ka dhacay maanta kaddib markii uu magaaladaas gaaray guddoomiyihii hore ee baarlamaankii KMG ahaa ee Somalia, Shariif Xasan Sh. Aadan oo ka mid ah xildhibaan ka tirsan baarlamaanka hadda jira iyo wafdi u badan xildhibaanno oo uu hoggaaminayay.

12/7/2013 7:35 AM EST
Sabti, December 07, 2013 (HOL) — Waxaa laga dayrinayaa xaaladda caafimaad ee qaar kamid ah dadkii ku dhaawacmay qaraxii is-miidaaminta ahaa ee saddex maalmood kahor ka dhacay magaalada Boosaaso ee xarunta gobolka Bari.

12/7/2013 7:00 AM EST
Sabti, December 07, 2013 (HOL) — Wafdi uu horkacayo wasiirka war-faafinta, boostada, isgaarsiinta iyo gaadiidka Soomaaliya, C/llaahi Ciilmooge Xirsi oo ay ka mid yihiin, wasiirka ganacsiga iyo warshadaha, Maxamed Axmed Xasan, xildhibaanno, odayaal-dhaqameed iyo xubno ka socday ururrada bulshada rayidka ah ayaa xalay gaaray magaalada Jigjiga oo ah xarunta ismaamulka Soomaalida Itoobiya.

12/7/2013 6:37 AM EST
Sabti, December 07, 2013 (HOL) — Wasiiradda arrimaha dibadda Soomaaliya, Fowsiyo Yuusuf Xaaji Aadan oo ka qaybgalaysa shirka looga hadlayo amniga iyo nabadgalyada qaaradda Afrika ee ka socda Paris ayaa sheegtay in Nelson Mandela uu astaan u ahaa midnimada iyo dib u heshiisiinta dalka Koonfur Afrika.

12/7/2013 6:30 AM EST
Sabti, December 07, 2013 (HOL) — C/weli Maxamed Cali Gaas oo ah musharrax u taagan xilka madaxweynenimo ee Puntland, ayaa maanta si weyn loogu soo dhoweeyey magaalada Boosaaso ee xarunta gobolka Bari.

12/7/2013 6:16 AM EST
Sabti, December 07, 2013 (HOL) — Nin ay si aad ah u doon-doonayeen cidamada la dagaalanka argagaxisada ee Kenya ayaa lagu dilay maanta magaalada Mombasa ee dalka Kenya, iyadoo ciidamadu ay ku toogteen bas gudihiis.

12/7/2013 5:44 AM EST
Sabti, December 07, 2013 (HOL) — Xildhibaan Maxamed Warsame Faysal oo shalay lagu dilay qarax ka dhacay afaafka hore ee madaxtooyada Somalia oo maanta lagu aasay gudaha isbitaalka Madiina ee magaalada Muqdisho, iyadoo aaskiisana ay ka qayb-galeen ra’iisul wasaaraha xilka ka dagaya ee Somalia, Cabdi Faarax Shirdoon (Saacid), xildhibaanno uu ka mid ahaa guddoomiye ku xigeenka baarlamaanka iyo wasiirro ka tirsan xukuumadda.

12/7/2013 5:30 AM EST
Sabti, December 07, 2013 (HOL) — Wafdi uu hoggaaminayo guddoomiyihii hore ee baarlamaanka Soomaaliya, Shariif Xasan Sheekh Aadan ayaa maanta gaaray magaalada Baydhabo ee xarunta gobolka Bay, halkaasoo si weyn loogu soo dhaweeyay.

12/7/2013 2:08 AM EST
Sabti, December 07, 2013 (HOL) — Ugu yaraan laba ruux ayay dhaawacyo kasoo gaareen saddex madfac oo xalay ku dhacay xaafadda Xamar-jadiid ee degmada Wadhiigley, iyadoo aan la ogeyn halka ay madaafiicdaas ka yimaadeen.

12/7/2013 2:08 AM EST
Sabti, December 07, 2013 (HOL) — Madaxweyne ku xigeenka maamulka Khaatumo, Maxamed Jaamac Yuusuf (Indha-sheel) ayaa wacad ku maray inaanu marna baaqan doonin shirkii Khaatumo, kaddib mar shalay boqolaal qof kula hadlayay degmada Buuhoodle.

12/7/2013 1:42 AM EST
Sabti, December 07, 2013 (HOL) — Ciidammo Itoobiyaan ah oo hor leh ayaa soo gaaray deegaanka Ceelbarde ee gobolka Bakool halkaasoo ay dowladdu ka taliso, iyadoo aan la ogeyn ujeeddada ciidamadan, sidoo kale ciidamada dowladda Soomaaliya iyo kuwa Itoobiya ayaa howlgallo ka sameeyay waddo isku xirta deegaanka Awdiinle iyo degmada Qasax-dheere oo Al-shabaab u xirnayd.

12/7/2013 1:08 AM EST
Sabti, December 07, 2013 (HOL) — Wareegto kasoo baxday xafiiska hoggaamiyaha guud ee maamulka KMG ee Jubba, Sheekh Axmed Maxamed Islaam (Axmed Madoobe) ayaa maanta lagu magacaabay siddeed wasiir iyo madaxweyne ku xigeenka labaad ee maamulka Jubba.