5/15/2021
Today from Hiiraan Online:  _
Wararka Maanta- Isniin, Dec 7 , 2013
Murashax C/weli Gaas oo Boosaaso lagu soo dhoweeyey (SAWIRRO)



Sabti, December 07, 2013 (HOL) — C/weli Maxamed Cali Gaas oo ah musharrax u taagan xilka madaxweynenimo ee Puntland, ayaa maanta si weyn loogu soo dhoweeyey magaalada Boosaaso ee xarunta gobolka Bari.

Boqollaal dadweyne ah oo ruxayey calammo, caleemo qoyan iyo weliba boorar ay ku qoran yihiin ereyo soo dhoweyn ah, ayaa Musharrax Gaas kaga hortegey meel shan kiilo mitir magaalada Boosaaso koonfurta kaga beegan, waxaana intaas kaddib loosoo galbiyey hoteelka loogu tala galay inuu dego, halkaas oo warbaahinta iyo dadkii soo dhoweeyeyba uu kula hadlay.

Guddoomiyaha Golaha Guurtida ee Gobolka Bari, Nabadoon C/qaadir Axmed Ibraahim Xarago, oo kamid ahaa waxgaradkii ka qayb qaatay soo dhoweynta Musharraxa, ayaa hadalka furay, wuxuuna sheegay in dhammaan qaybaha bulshada ee magaalada Boosaaso ay C/weli gacamo furan kusoo dhoweynayaan.

HALKAN KA DAAWO SAWIRRO BADAN:


Musharrax Gaas oo intaas kaddib hadalka qaatay, ayaa u mahadceliyey dadweynihi boqollaalka gaarayey ee soo dhoweeyey, wuxuuna sheegay in qaabka loo soo dhoweeyey uu caddaynayo, sida ay bulshada magaalada Boosaaso ku dhaqani is-beddelka ugu heellan yihiin.

"Reer Boosaaso waad hadasheen maanta, farriintiinii waad dhiibateen, aad iyo aad baad u mahadsan tihiin...Puntland iyo Boosaaso waxay u baahan yihin is-beddel hadda ah, mid berito ah maahan..." Musharrax Gaas ayaa yiri.

Isagoo sharraxayey is-beddelka ay xilligan Puntland u baahan tahay, wuxuu yiri: " Puntland waxay u baahan tahay is-beddel siyaasadeed iyo mid dhaqaale, si ay dunida ula jaanqaado, ulana tartanto maamullada kale ee dalka ka jira."

Musharrax C/weli Maxamed Cali Gaas oo horay usoo noqday ra'iisul wasaaraha Soomaaliya, xilligii uu dalku ku jirey marxaladda kumeel gaarka ah, wuxuu qayb ka yahay in ka badan 20 musharrax oo shaaciyey in ay u tartami doonaan xilka madaxweynenimada ee maamulka Puntland, marka la gaaro doorashada madaxtinimada ee dhici doonta 8-da bisha January ee sanadka soo socda ee 2014.

 Maxamed Salaad Xaaji Dirir, Hiiraan Online
[email protected]
Puntland, Soomaaliya












Click here
12/7/2013 2:42 PM EST
Sabti, December 07, 2013 (HOL) — Magaalada Jigjiga ee magaalo-madaxda ismaamulka Soomaalida Itoobiya ayaa waxaa ka socda diyaar-gowga loogu jiro xuskii siddeedaad ee qowmiyadaha dalka Itoobiya ayaa waxaa u suuro-gashay Hiiraan Online (HOL) inay idiin soo gudbiso sawirrada diyaar-garowga xuskaas.

12/7/2013 1:35 PM EST
Sabti, December 07, 2013 (HOL) — Shirkii looga hadlayay ammaanka iyo dhaqaalaha Qaaradda Afrika oo labadii casho ee lasoo dhaafay ka socday magaalada Paris ee xarunta dalka Faransiiska ayaa lasoo gaba-gabeeyay caawa, iyadoo la isku raacay in Afrika laga caawiyo sidii ay uga bixi lahayd dhaqaale xumada iyo amni-darrada haysata.

12/7/2013 12:57 PM EST
Sabti, December 07, 2013 (HOL) — Khataraha ka jira dalka Liibya waxay u ekeysiiyeen dalkaas sidii Somalia oo kale, sidaa waxaa yiri madaxweynaha dalka Nayjar, Mahamadou Issoufou oo la hadlayay warfidiyeenka isagoo kusii jeeda magaalada Paris ee xarunta dalka Faransiiska oo uu ka socdo shir ammaanka Qaaradda Afrika looga hadalyo.

12/7/2013 12:33 PM EST
Sabti, December 07, 2013 (HOL) — Booliiska rabshadaha ka hor-tagga ee dalka Kenya ayaa shalay oo Jimco ahayd 20-qof oo muslimiin ah ku xiray magaalo xeebeedda dalkaas ee Mombasa, kaddib markii ay hareereeyeen masjidka Sakina oo ku yaalla xaafadda Majengo. Waxaana ku jiray afar qof oo maxkamad ay amartay in lasoo xiro sida uu sheegay taliyaha booliiska ee Makupa.

12/7/2013 12:07 PM EST
Sabti, December 07, 2013 (HOL) — Garaad Saleebaan Garaad Max'ed Garaad Maxamuud oo ay weheliyaan odayaal iyo waxgaradka deegaanka Sarmaanyo oo degmada Taleex kaga beegan dhinaca waqooyi 80-km ayaa ku baaqay in nabad iyo wadahadal lagu dhameeyo khilaafkii sababay dagaalladii ka dhacay degmada Taleex ee gobolka Sool.

12/7/2013 9:37 AM EST
Sabti, December 07, 2013 (HOL) — Taliyaha ciidamada ilaalada waddooyinka ee gobolka Banaadir, Jen. Cali Xirsi Barre (Cali Gaab) ayaa shaaciyay in sannadkan ay Muqdisho iyo degmooyinka ku dhow-dhow ka dhaceen illaa 12,00 oo shilal gaadiid ah, kuwaasoo ay ku naf-waayeen 80-qof.

12/7/2013 9:21 AM EST
Sabti, December 07, 2013 (HOL) — Iyadoo lagu waday in maxkadda gobolka Banaadir ay maanta dhageysato dacwad loo haysto milkiilaha Radio Shabelle, C/maalik Yuusuf, wariye Maxamed Bashiir iyo gabar wariye ah oo sheegtay in la kufsaday ayaa dib loo dhigay.

12/7/2013 8:34 AM EST
Sabti, December 07, 2013 (HOL) — Shirar kala duwan ayaa maanta Baydhabo ka dhacay maanta kaddib markii uu magaaladaas gaaray guddoomiyihii hore ee baarlamaankii KMG ahaa ee Somalia, Shariif Xasan Sh. Aadan oo ka mid ah xildhibaan ka tirsan baarlamaanka hadda jira iyo wafdi u badan xildhibaanno oo uu hoggaaminayay.

12/7/2013 7:35 AM EST
Sabti, December 07, 2013 (HOL) — Waxaa laga dayrinayaa xaaladda caafimaad ee qaar kamid ah dadkii ku dhaawacmay qaraxii is-miidaaminta ahaa ee saddex maalmood kahor ka dhacay magaalada Boosaaso ee xarunta gobolka Bari.

12/7/2013 7:00 AM EST
Sabti, December 07, 2013 (HOL) — Wafdi uu horkacayo wasiirka war-faafinta, boostada, isgaarsiinta iyo gaadiidka Soomaaliya, C/llaahi Ciilmooge Xirsi oo ay ka mid yihiin, wasiirka ganacsiga iyo warshadaha, Maxamed Axmed Xasan, xildhibaanno, odayaal-dhaqameed iyo xubno ka socday ururrada bulshada rayidka ah ayaa xalay gaaray magaalada Jigjiga oo ah xarunta ismaamulka Soomaalida Itoobiya.

12/7/2013 6:37 AM EST
Sabti, December 07, 2013 (HOL) — Wasiiradda arrimaha dibadda Soomaaliya, Fowsiyo Yuusuf Xaaji Aadan oo ka qaybgalaysa shirka looga hadlayo amniga iyo nabadgalyada qaaradda Afrika ee ka socda Paris ayaa sheegtay in Nelson Mandela uu astaan u ahaa midnimada iyo dib u heshiisiinta dalka Koonfur Afrika.

12/7/2013 6:16 AM EST
Sabti, December 07, 2013 (HOL) — Nin ay si aad ah u doon-doonayeen cidamada la dagaalanka argagaxisada ee Kenya ayaa lagu dilay maanta magaalada Mombasa ee dalka Kenya, iyadoo ciidamadu ay ku toogteen bas gudihiis.

12/7/2013 5:44 AM EST
Sabti, December 07, 2013 (HOL) — Xildhibaan Maxamed Warsame Faysal oo shalay lagu dilay qarax ka dhacay afaafka hore ee madaxtooyada Somalia oo maanta lagu aasay gudaha isbitaalka Madiina ee magaalada Muqdisho, iyadoo aaskiisana ay ka qayb-galeen ra’iisul wasaaraha xilka ka dagaya ee Somalia, Cabdi Faarax Shirdoon (Saacid), xildhibaanno uu ka mid ahaa guddoomiye ku xigeenka baarlamaanka iyo wasiirro ka tirsan xukuumadda.

12/7/2013 5:30 AM EST
Sabti, December 07, 2013 (HOL) — Wafdi uu hoggaaminayo guddoomiyihii hore ee baarlamaanka Soomaaliya, Shariif Xasan Sheekh Aadan ayaa maanta gaaray magaalada Baydhabo ee xarunta gobolka Bay, halkaasoo si weyn loogu soo dhaweeyay.

12/7/2013 2:08 AM EST
Sabti, December 07, 2013 (HOL) — Ugu yaraan laba ruux ayay dhaawacyo kasoo gaareen saddex madfac oo xalay ku dhacay xaafadda Xamar-jadiid ee degmada Wadhiigley, iyadoo aan la ogeyn halka ay madaafiicdaas ka yimaadeen.

12/7/2013 2:08 AM EST
Sabti, December 07, 2013 (HOL) — Madaxweyne ku xigeenka maamulka Khaatumo, Maxamed Jaamac Yuusuf (Indha-sheel) ayaa wacad ku maray inaanu marna baaqan doonin shirkii Khaatumo, kaddib mar shalay boqolaal qof kula hadlayay degmada Buuhoodle.

12/7/2013 1:42 AM EST
Sabti, December 07, 2013 (HOL) — Ciidammo Itoobiyaan ah oo hor leh ayaa soo gaaray deegaanka Ceelbarde ee gobolka Bakool halkaasoo ay dowladdu ka taliso, iyadoo aan la ogeyn ujeeddada ciidamadan, sidoo kale ciidamada dowladda Soomaaliya iyo kuwa Itoobiya ayaa howlgallo ka sameeyay waddo isku xirta deegaanka Awdiinle iyo degmada Qasax-dheere oo Al-shabaab u xirnayd.

12/7/2013 1:08 AM EST
Sabti, December 07, 2013 (HOL) — Wareegto kasoo baxday xafiiska hoggaamiyaha guud ee maamulka KMG ee Jubba, Sheekh Axmed Maxamed Islaam (Axmed Madoobe) ayaa maanta lagu magacaabay siddeed wasiir iyo madaxweyne ku xigeenka labaad ee maamulka Jubba.