5/15/2021
Today from Hiiraan Online:  _
Wararka Maanta- Jimco, Dec 6 , 2013
Guddoomiyaha Golaha Wakiiladda Somaliland oo booqasho ku tagay jig-jiga oo uu kaga qaybgalayo Xuska Qoomiyadaha (SAWIRRO)



Jicmo, December 06, 2013 (HOL) — Guddoomiyaha golaha wakiiladda Somaliland, Cabdiraxmaan Maxamed Cabdilaahi Cirro, ayaa Booqasho ku tagay caasimadda Dawlad Deegaanka Somalida Ethiopia ee Jig-jiga ka dib markii uu martiqaad rasmi ah ka helay gudoomiyaha baarlamaanka Dalka Ethiopia oo ku martiqaaday ka qaybgalka xuska maalinta qoomiyadaha Ethiopia oo sannadkan loo asteeyey in lagu qabto magaalada Jigjiga ee dawlad deegaanka Soomalida Ethiopia.

Guddoomiyaha golaha wakiilada ayaa waxa magaalada xuduudka ah ee wajaale kaga hor yimid wafti isugu jira Heer Fadaraal iyo heer deegaan ee dawladda Ethiopia,kuwaas oo u kaxeeyey  magaaladda Jigjiga o ay ka socoto xafladda qoomiyadaha Itoobiya.

Guddoomiyaha ayaa magaalo xuduudeedka u dhaxaysa Ethiopia iyo Somaliland waxa ku soo dhoweeyey Madaxweyne ku xigeenka Dawlad Deegaanka Somalida Ethiopia, Wasiirka Beeraha Dawlad Deegaanka Somalida Ethiopia iyo  xildhibaan ka socda baarlamaanka Fadaraalka Ethiopia sida ay warbaahinta u sheegeen masuuliyiinta ka socda weftiga gudoomiyaha Golaha Wakiiladda, kuwaas oo uga mahad celiyey soo dhoweynta loo sameeyey.

Guddoomiyaha golaha wakiilada ayaa magaalo madaxda Dawlad Deegaanka Somalida Ethiopia kaga qaybgalidoona maalinta qoomiyadaha dalka Ethiopia isaga oo ku sugnaan doona muddo saddex cisho ah.

Sidoo kale, waxa isagana hore xuskan loogu casuumay gudoomiyaha xisbiga KULMIYE Muuse Biixi Cabdi oo ay casuumeen xisbiga taladda haya ee Itoobiya.

Si kastaba ha ahaatee, xuska qoomiyadaha Itoobiya ayaa sanad kasta waxa lagu qabtay shanta Kilil ee ka jira Itoobiya, iyadoo qoomiyad waliba qabato xuska dabaaldega maalinta qoomiyadaha,  haseyeeshee waa sanadkii ugu horeeyey ee dawlad deegaanka Soomaalida Itoobiya lagu qabto, waxaana inta badan goobta lagu xusayo loo dhisaa dhismayaal iyo mashaariic faro badan oo loo hirgaliyo,  kuwaas oo deegaankaasi xuskan  lagu qabtay faa’iido badan ka hello, sidoo kale waxa deegaanka lagu qabanayo ka soo galla dhaqaale badan, maadaama oo la iskugu imanayo dhamaan madaxda iyo shirkadaha ka jira Itoobiya, isla markaana ay soo booqanayaan shucuubta Itoobiya ka jira ee kala duwan.

Barkhad-ladiif M. Cumar, Hiiraan Online
[email protected]
Hargeysa, Somaliland












Click here
12/6/2013 1:58 PM EST
Jicmo, December 06, 2013 (HOL) — Nelson Rolihlala Mandela wuxuu 18-kii bishii July sannadkii 1918-kii ku dhashay tuulo yar oo ku dhow magaalada Umtata ee gobolka Eastern-cape ee dalka Konfur Afrika, wuxuuna kasoo jeedaa qoys qowmiyad ah oo lagu magacaabo Xhosa.

12/6/2013 11:46 AM EST
Jicmo, December 06, 2013 (HOL) — Xilli ay muddo koobani ka harsan tahay waqtiga ay dhici doonto doorashada madaxtinimada ee Puntland, ayaa waxaa si weyn dhammaan gobollada looga dareemayaa ololaha ay wadaan musharraxiinta u taagan xilka madaxweynenimada.

12/6/2013 8:35 AM EST
Jicmo, December 06, 2013 (HOL) — Kooxo hubeysan ayaa toogasho ku dilay goor dhow macallimad u dhalatay dalka Uganda oo lagu magacaabo Laylo oo wax ka dhigaysay Jaamacadda Soomaaliya oo ka mid ah jamaacadaha ku yaalla Muqdisho.

12/6/2013 7:23 AM EST
Jicmo, December 06, 2013 (HOL) — Madaxweynaha Soomaaliya, Xasan Sh. Maxamuud iyo madaxweynayaasha maamullada Somaliland iyo Puntland, Axmed Maxamed Maxamuud Siilaanyo iyo C/raxmaan Maxamed Faroole ayaa si isku mid ah uga hadlay geeridii madaxweynihii hore ee Koonfur Afrika Nelson Mandela.

12/6/2013 7:11 AM EST
Jicmo, December 06, 2013 (HOL) — Dalka Koonfur Africa ayaa waayay shaqsi agtooda aad ugu weyn ,kaasi oo u soo dagaallamay xoriyadda wadankaasi, isla markaana ah hogaamiyihii ugu horeeyay oo madow ah oo madaxweyne ka noqda Koonfur Africa ka dib muddo 27-sano ah oo uu xabsi ku jiray.

12/6/2013 6:47 AM EST
Jicmo, December 06, 2013 (HOL) — Xildhibaan magaciisa lagu sheegay Maxamed Warsame Maxamed (Faysal) oo ka mid ahaa xildhibaannada baarlamanaka Soomaaliya ayaa ku dhintay qarax goor dhow ka dhacay illinka hore ee xarunta madaxtooyada Soomaaliya.

12/6/2013 5:38 AM EST
Jicmo, December 06, 2013 (HOL) — Madaxweynaha Puntland C/raxmaan Maxamed Maxamuud oo maanta -xilli uu ka dhoofayey garoonka diyaaradaha ee magaalada Garoowe- warbaahinta la hadlay, ayaa sheegay in la aqoonsaday qofkii fuliyey qaraxii is-miidaaminta ahaa ee shalay ka dhacay magaalada Boosaaso ee xarunta gobolka Bari.

12/6/2013 1:58 AM EST
Jicmo, December 06, 2013 (HOL) — Guddoomiyaha gobolka Banadir ahna duqa Muqdisho, Maxamuud Axmed Nuur Tarsan ayaa sheegay in maamulka uu madaxda u yahay uu ku guuleystay horumarinta adeegyada bulshada ee Gobolka Banaadir.

12/6/2013 1:57 AM EST
Jicmo, December 06, 2013 (HOL) — Xubno ka tirsan dowladda Soomaaliya ayaa gaaray degmada Jowhar ee xarunta gobolka Shabeellada dhexe si ay u dhexdhexaadiyaan beelo walaalo ah oo ay dagaallo ku dhexmareen bariga degmada Jowhar.