5/15/2021
Today from Hiiraan Online:  _
Wararka Maanta- Jimco, Dec 6 , 2013
Kooxo hubeysan oo Muqdisho ku dilay Macallimad u dhalatay Dalka Uganda oo wax ka dhigaysay Jaamacadda Soomaaliya


Jicmo, December 06, 2013 (HOL) — Kooxo hubeysan ayaa toogasho ku dilay goor dhow macallimad u dhalatay dalka Uganda oo lagu magacaabo Laylo oo  wax ka dhigaysay Jaamacadda Soomaaliya oo ka mid ah jamaacadaha ku yaalla Muqdisho.

Macallimadan ayay kooxaha hubeysan kala dageen gaari ay saarnayd kaddib markii ay kasoo baxday jaamacadda oo ay xiisado ku lahayd, waxayna ku toogteen isla goobta, iyadoo aan la garaynayn sababta loo dilay iyo cidda ka dambeysa dilkeeda.

Goobjoogayaal ku sugan agagaarka Isgoyska Baar Ubax ee degmada Howl-wadaag oo ah halka uu dilku ka dhacay ayaa sheegay in kooxaha hubeysa oo watay bastoolado ay toogteen macallimada iyagoo uusan jirin wax wadahadal ah oo dhexmaray.

Maydka macallimada ayaa waxaa goobta ka qaaday gaarigii ay la socotay ee lagala dagay, iyadoo falkan uu noqonayo kii ugu horreeyay oo noociisa ah oo ka dhaca Muqdisho, mana jirto koox sheegatay inay ka dambeyso.

Dableyda dilka geystay ayaa goobta ka baxsaday, iyadoo wararka qaarkood ay sheegayaan inay ka tirsan yihiin Al-shabaab, balse ma jiro hadal kasoo baxay Al-shabaab oo xaqiijinaya inay dilkaas iyagu ka dambeeyeen.

Waddanka Uganda oo ay macallimadan u dhalatay ayaa waxay kumannaan askari kaga sugan yihiin magaalada Muqdisho ee xarunta Somalia, kuwaas oo qayb ka ah howlgalka Midowga Afrika ee AMISOM, kana taageera dowladda Soomaaliya dagaallada ay kula jirto Al-shabaab.

Dilkan ayaa imaanaya iyadoo bil ka hor ay kooxo hubeysan ku toogteen meel ku dhow dhisme ay jaamacadda Soomaaliya ku leedahay isgoyska KM-4 ee magaalada Muqdisho haweeney u dhalatay Sweden iyo wiil Somali ah oo la sheegay inuu turbaan u ahaa, kaddib markii ay cashar ka bixiyeen jaamacadda.

Macallimadan ayaa waxay dalka ku sugnayd muddo laba sano ka badan, iyadoo bare ka ahayd jaamacadda Soomaaliya, iyadoo maamulka guud ee jaamacadda Soomaaliya ay ka gaabsadeen inay ka hadlaan dilka macallimadan.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/6/2013 1:58 PM EST
Jicmo, December 06, 2013 (HOL) — Nelson Rolihlala Mandela wuxuu 18-kii bishii July sannadkii 1918-kii ku dhashay tuulo yar oo ku dhow magaalada Umtata ee gobolka Eastern-cape ee dalka Konfur Afrika, wuxuuna kasoo jeedaa qoys qowmiyad ah oo lagu magacaabo Xhosa.

12/6/2013 11:58 AM EST
Jicmo, December 06, 2013 (HOL) — Guddoomiyaha golaha wakiiladda Somaliland, Cabdiraxmaan Maxamed Cabdilaahi Cirro, ayaa Booqasho ku tagay caasimadda Dawlad Deegaanka Somalida Ethiopia ee Jig-jiga ka dib markii uu martiqaad rasmi ah ka helay gudoomiyaha baarlamaanka Dalka Ethiopia oo ku martiqaaday ka qaybgalka xuska maalinta qoomiyadaha Ethiopia oo sannadkan loo asteeyey in lagu qabto magaalada Jigjiga ee dawlad deegaanka Soomalida Ethiopia.

12/6/2013 11:46 AM EST
Jicmo, December 06, 2013 (HOL) — Xilli ay muddo koobani ka harsan tahay waqtiga ay dhici doonto doorashada madaxtinimada ee Puntland, ayaa waxaa si weyn dhammaan gobollada looga dareemayaa ololaha ay wadaan musharraxiinta u taagan xilka madaxweynenimada.

12/6/2013 7:23 AM EST
Jicmo, December 06, 2013 (HOL) — Madaxweynaha Soomaaliya, Xasan Sh. Maxamuud iyo madaxweynayaasha maamullada Somaliland iyo Puntland, Axmed Maxamed Maxamuud Siilaanyo iyo C/raxmaan Maxamed Faroole ayaa si isku mid ah uga hadlay geeridii madaxweynihii hore ee Koonfur Afrika Nelson Mandela.

12/6/2013 7:11 AM EST
Jicmo, December 06, 2013 (HOL) — Dalka Koonfur Africa ayaa waayay shaqsi agtooda aad ugu weyn ,kaasi oo u soo dagaallamay xoriyadda wadankaasi, isla markaana ah hogaamiyihii ugu horeeyay oo madow ah oo madaxweyne ka noqda Koonfur Africa ka dib muddo 27-sano ah oo uu xabsi ku jiray.

12/6/2013 6:47 AM EST
Jicmo, December 06, 2013 (HOL) — Xildhibaan magaciisa lagu sheegay Maxamed Warsame Maxamed (Faysal) oo ka mid ahaa xildhibaannada baarlamanaka Soomaaliya ayaa ku dhintay qarax goor dhow ka dhacay illinka hore ee xarunta madaxtooyada Soomaaliya.

12/6/2013 5:38 AM EST
Jicmo, December 06, 2013 (HOL) — Madaxweynaha Puntland C/raxmaan Maxamed Maxamuud oo maanta -xilli uu ka dhoofayey garoonka diyaaradaha ee magaalada Garoowe- warbaahinta la hadlay, ayaa sheegay in la aqoonsaday qofkii fuliyey qaraxii is-miidaaminta ahaa ee shalay ka dhacay magaalada Boosaaso ee xarunta gobolka Bari.

12/6/2013 1:58 AM EST
Jicmo, December 06, 2013 (HOL) — Guddoomiyaha gobolka Banadir ahna duqa Muqdisho, Maxamuud Axmed Nuur Tarsan ayaa sheegay in maamulka uu madaxda u yahay uu ku guuleystay horumarinta adeegyada bulshada ee Gobolka Banaadir.

12/6/2013 1:57 AM EST
Jicmo, December 06, 2013 (HOL) — Xubno ka tirsan dowladda Soomaaliya ayaa gaaray degmada Jowhar ee xarunta gobolka Shabeellada dhexe si ay u dhexdhexaadiyaan beelo walaalo ah oo ay dagaallo ku dhexmareen bariga degmada Jowhar.