5/15/2021
Today from Hiiraan Online:  _
Wararka Maanta- Jimco, Dec 6 , 2013
Qofkii isku Qarxiyey Magaalada Boosaaso oo la Aqoonsaday



Jicmo, December 06, 2013 (HOL) — Madaxweynaha Puntland C/raxmaan Maxamed Maxamuud oo maanta  -xilli uu ka dhoofayey garoonka diyaaradaha ee magaalada Garoowe- warbaahinta la hadlay, ayaa sheegay in la aqoonsaday qofkii fuliyey qaraxii is-miidaaminta ahaa ee shalay ka dhacay magaalada Boosaaso ee xarunta gobolka Bari.

Madaxweynaha ayaa sheegay in ninka weerarkaas fuliyey lagu magacaabi jirey Axmed Ibraahim Axmed Aadan, islamarkaana uu kasoo jeedo gobolka Shabeellada Dhexe, isagoo taas ka hadlaya waxuu Madaxweynaha Puntland yiri: "waanu haynaa xogta ninkii qaraxa sameeyey, waa la daba galay magaciisa waxaa la yiraahdaa Axmed Ibraahim Axmed Aadam, waa reer Shabeelle, Shabeellaha Dhexe ayuu ku dhashay..."

Madaxweynaha ayaa sidoo kale sheegay in falkaas loo soo qabtay shan nin oo kale, shanta qof ee la qabtay ayuu tilmaamay in dhamaantood ay kasoo jeedaan gobollada koonfurta  "shan kalena waa la qabtay, intuba waa reer koonfureed, waa inta ka shisheysa gobollada dhexe" Faroole ayaa yiri.

Dhinaca kale, isagoo ka hadlayey safarkiisa iyo halka uu ku wajahan yahay, wuxuu sheegay in socdaalkiisu uu ku jiheysan yahay dalka Itoobiya, halkaas oo isaga iyo wefdigiisu ay kaga qayb geli doonaan xuska qowmiyadaha Itoobiya, madaxda dalkaasna ay kulammo kula soo qaadan doonaan.

Qaraxii is-miidaaminta ahaa ee shalay magaalada Boosaaso ka dhacay oo lala beegsday ciidamo ka tirasn kuwa badda ee Puntland, waxaa ku dhintay 8 qof  waxaana ku dhaawacmay 37 kale oo u badan shacab.

Maxamed Salaad Xaaji Dirir, Hiiraan Online
[email protected]
Puntland, Soomaaliya












Click here
12/6/2013 1:58 PM EST
Jicmo, December 06, 2013 (HOL) — Nelson Rolihlala Mandela wuxuu 18-kii bishii July sannadkii 1918-kii ku dhashay tuulo yar oo ku dhow magaalada Umtata ee gobolka Eastern-cape ee dalka Konfur Afrika, wuxuuna kasoo jeedaa qoys qowmiyad ah oo lagu magacaabo Xhosa.

12/6/2013 11:58 AM EST
Jicmo, December 06, 2013 (HOL) — Guddoomiyaha golaha wakiiladda Somaliland, Cabdiraxmaan Maxamed Cabdilaahi Cirro, ayaa Booqasho ku tagay caasimadda Dawlad Deegaanka Somalida Ethiopia ee Jig-jiga ka dib markii uu martiqaad rasmi ah ka helay gudoomiyaha baarlamaanka Dalka Ethiopia oo ku martiqaaday ka qaybgalka xuska maalinta qoomiyadaha Ethiopia oo sannadkan loo asteeyey in lagu qabto magaalada Jigjiga ee dawlad deegaanka Soomalida Ethiopia.

12/6/2013 11:46 AM EST
Jicmo, December 06, 2013 (HOL) — Xilli ay muddo koobani ka harsan tahay waqtiga ay dhici doonto doorashada madaxtinimada ee Puntland, ayaa waxaa si weyn dhammaan gobollada looga dareemayaa ololaha ay wadaan musharraxiinta u taagan xilka madaxweynenimada.

12/6/2013 8:35 AM EST
Jicmo, December 06, 2013 (HOL) — Kooxo hubeysan ayaa toogasho ku dilay goor dhow macallimad u dhalatay dalka Uganda oo lagu magacaabo Laylo oo wax ka dhigaysay Jaamacadda Soomaaliya oo ka mid ah jamaacadaha ku yaalla Muqdisho.

12/6/2013 7:23 AM EST
Jicmo, December 06, 2013 (HOL) — Madaxweynaha Soomaaliya, Xasan Sh. Maxamuud iyo madaxweynayaasha maamullada Somaliland iyo Puntland, Axmed Maxamed Maxamuud Siilaanyo iyo C/raxmaan Maxamed Faroole ayaa si isku mid ah uga hadlay geeridii madaxweynihii hore ee Koonfur Afrika Nelson Mandela.

12/6/2013 7:11 AM EST
Jicmo, December 06, 2013 (HOL) — Dalka Koonfur Africa ayaa waayay shaqsi agtooda aad ugu weyn ,kaasi oo u soo dagaallamay xoriyadda wadankaasi, isla markaana ah hogaamiyihii ugu horeeyay oo madow ah oo madaxweyne ka noqda Koonfur Africa ka dib muddo 27-sano ah oo uu xabsi ku jiray.

12/6/2013 6:47 AM EST
Jicmo, December 06, 2013 (HOL) — Xildhibaan magaciisa lagu sheegay Maxamed Warsame Maxamed (Faysal) oo ka mid ahaa xildhibaannada baarlamanaka Soomaaliya ayaa ku dhintay qarax goor dhow ka dhacay illinka hore ee xarunta madaxtooyada Soomaaliya.

12/6/2013 1:58 AM EST
Jicmo, December 06, 2013 (HOL) — Guddoomiyaha gobolka Banadir ahna duqa Muqdisho, Maxamuud Axmed Nuur Tarsan ayaa sheegay in maamulka uu madaxda u yahay uu ku guuleystay horumarinta adeegyada bulshada ee Gobolka Banaadir.

12/6/2013 1:57 AM EST
Jicmo, December 06, 2013 (HOL) — Xubno ka tirsan dowladda Soomaaliya ayaa gaaray degmada Jowhar ee xarunta gobolka Shabeellada dhexe si ay u dhexdhexaadiyaan beelo walaalo ah oo ay dagaallo ku dhexmareen bariga degmada Jowhar.