5/15/2021
Today from Hiiraan Online:  _
Wararka Maanta- Jimco, Dec 6 , 2013
DUQA MUQDISHO: “Waxaan ku guuleysannay horumarinta adeegyada guud ee Bulshada iyo dib u soo celinta Bilicdii Muqdisho”



Jicmo, December 06, 2013 (HOL) — Guddoomiyaha gobolka Banadir ahna duqa Muqdisho, Maxamuud Axmed Nuur Tarsan ayaa sheegay in maamulka uu madaxda u yahay uu ku guuleystay horumarinta adeegyada bulshada ee Gobolka Banaadir.

Mudane Tarsan oo la hadlya warbaahinta ayaa ka warbixiyay horumarka uu maamulkiisu uu ku guuleystay soo celinta adeegyadii bulshada, dhismaha xarumaha maamulada degmooyinka, dugsiyo, nalalka qorraxda ku shaqeeya iyo dib u dhiska waddooyinka.

“Howlahan oo dhan waa kuwo ku yimid aragtida aragtida iyo dadaallada uu sameeyay maamulka gobolka Banaadir, waxaana jecel nahay inaan halkaas kasii wadno si Muqdisho ay ula mid noqoto caasimadaha caalamka,” ayuu yiri Tarsan.

Sidoo kale, guddoomiyaha gobolka Banaadir ayaa sheegay in haatan uu ku socdo dhisme waddooyin dhowr ah oo ay ku jirto midda isku xirta xarunta madaxtooyada iyo isgoyska KM-4, horayna loo dhisay jidka taga garoonka diyaaradaha ee Muqdisho.

“Qorshayaasheenna waxaa ka mid ah sidii dib loogu soo celin lahaa bilicdii Muqdisho, waxaana dhawaan la billaabayaa dhismaha jardiinooyinkii ama beerihii nasashada dadweynaha ee Muqdisho, kuwaasoo qayb ka ah dib u soo celinta bilicda caasimadda,” ayuu Tarsan hadalkiisa ku daray.

Ugu dambeyn, guddoomiyaha gobolka Banaadir ayaa sheegay in sannadka oo keliya uu maamulku ku guuleystay waxyaabo la taaban karo, isagoo rajo wanaagsan ka muuhiyay in sannadkan soo socda ay Muqdisho gaari doonto horumarro dhinacyo badan leh.

Hadalka guddoomiyaha gobolka Banaadir ayaa imaanaya iyadoo howlo badan oo dib u dhis ah uu ka socdo Muqdisho, waxaana wareegto uu soo saaray dhawaan Tarsan uu ku sheegay in lala wareegi doono guryaha ku yaalla bartamaha Muqdisho ee burbursan haddii dadkii lahaa ay dhisan waayaan.

Waddooyinka magaalada Muqdisho qaarkood ayaa waxaa laga hirgeliyay nalal ku shaqeeya cad-ceedda, kuwaasoo shacabku ay soo dhaweeyeen, inkastoo mararka qaarkood baallayaashaas lala eegto qaraxyo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/6/2013 1:58 PM EST
Jicmo, December 06, 2013 (HOL) — Nelson Rolihlala Mandela wuxuu 18-kii bishii July sannadkii 1918-kii ku dhashay tuulo yar oo ku dhow magaalada Umtata ee gobolka Eastern-cape ee dalka Konfur Afrika, wuxuuna kasoo jeedaa qoys qowmiyad ah oo lagu magacaabo Xhosa.

12/6/2013 11:58 AM EST
Jicmo, December 06, 2013 (HOL) — Guddoomiyaha golaha wakiiladda Somaliland, Cabdiraxmaan Maxamed Cabdilaahi Cirro, ayaa Booqasho ku tagay caasimadda Dawlad Deegaanka Somalida Ethiopia ee Jig-jiga ka dib markii uu martiqaad rasmi ah ka helay gudoomiyaha baarlamaanka Dalka Ethiopia oo ku martiqaaday ka qaybgalka xuska maalinta qoomiyadaha Ethiopia oo sannadkan loo asteeyey in lagu qabto magaalada Jigjiga ee dawlad deegaanka Soomalida Ethiopia.

12/6/2013 11:46 AM EST
Jicmo, December 06, 2013 (HOL) — Xilli ay muddo koobani ka harsan tahay waqtiga ay dhici doonto doorashada madaxtinimada ee Puntland, ayaa waxaa si weyn dhammaan gobollada looga dareemayaa ololaha ay wadaan musharraxiinta u taagan xilka madaxweynenimada.

12/6/2013 8:35 AM EST
Jicmo, December 06, 2013 (HOL) — Kooxo hubeysan ayaa toogasho ku dilay goor dhow macallimad u dhalatay dalka Uganda oo lagu magacaabo Laylo oo wax ka dhigaysay Jaamacadda Soomaaliya oo ka mid ah jamaacadaha ku yaalla Muqdisho.

12/6/2013 7:23 AM EST
Jicmo, December 06, 2013 (HOL) — Madaxweynaha Soomaaliya, Xasan Sh. Maxamuud iyo madaxweynayaasha maamullada Somaliland iyo Puntland, Axmed Maxamed Maxamuud Siilaanyo iyo C/raxmaan Maxamed Faroole ayaa si isku mid ah uga hadlay geeridii madaxweynihii hore ee Koonfur Afrika Nelson Mandela.

12/6/2013 7:11 AM EST
Jicmo, December 06, 2013 (HOL) — Dalka Koonfur Africa ayaa waayay shaqsi agtooda aad ugu weyn ,kaasi oo u soo dagaallamay xoriyadda wadankaasi, isla markaana ah hogaamiyihii ugu horeeyay oo madow ah oo madaxweyne ka noqda Koonfur Africa ka dib muddo 27-sano ah oo uu xabsi ku jiray.

12/6/2013 6:47 AM EST
Jicmo, December 06, 2013 (HOL) — Xildhibaan magaciisa lagu sheegay Maxamed Warsame Maxamed (Faysal) oo ka mid ahaa xildhibaannada baarlamanaka Soomaaliya ayaa ku dhintay qarax goor dhow ka dhacay illinka hore ee xarunta madaxtooyada Soomaaliya.

12/6/2013 5:38 AM EST
Jicmo, December 06, 2013 (HOL) — Madaxweynaha Puntland C/raxmaan Maxamed Maxamuud oo maanta -xilli uu ka dhoofayey garoonka diyaaradaha ee magaalada Garoowe- warbaahinta la hadlay, ayaa sheegay in la aqoonsaday qofkii fuliyey qaraxii is-miidaaminta ahaa ee shalay ka dhacay magaalada Boosaaso ee xarunta gobolka Bari.

12/6/2013 1:57 AM EST
Jicmo, December 06, 2013 (HOL) — Xubno ka tirsan dowladda Soomaaliya ayaa gaaray degmada Jowhar ee xarunta gobolka Shabeellada dhexe si ay u dhexdhexaadiyaan beelo walaalo ah oo ay dagaallo ku dhexmareen bariga degmada Jowhar.