5/15/2021
Today from Hiiraan Online:  _
Wararka Maanta- Khamiis, Dec 5 , 2013
Ergayga Midowga Yurub u qaabilsan Somalia oo taageeray habkii loo maray Kalsooni kala noqoshadii Ra’iisul Wasaare Saacid



Khamiis, December 05, 2013 (HOL) — Ururka Midowga Yurub ayaa ka hadlay go’aankii dhawaan ay xildhibaannada barlamaanka Soomaaliya kalsoonida kala noqdeen xukuumaddii uu hogaaminayay raysul-wasaare Saacid ka dib hab cod tirrin ah oo gudoonka sare ee barlamaanka Soomaliya uu sameeyay.

Ergayga gaarka ah ee Midowga Yurub u qaabilsan arimaha Somalia, Michele Cervone D’Urso ayaa go;aankaasi ku tilmaamay mid qayb ka ah hirgalinta dastuurka Somaliya, isagoo xusay in Midowga Yurub ay u hambalyaynayaan mudanayaasha barlamaanka.

“Midowga Yurub waa uu soo dhaweynayaa sida hogaanka dowladda hadda jirta ay u ixtiraameen hirgalinka dastuurka,“ ayuu ku yiri Michele Cervone D’Urso oo  hadal kooban ku soo qoray boggiisa Twitterka maalmo ka dib marki la riday xukuumadda ra’iisul wasaare Saacid .

Waxaa kaloo masuulkan uu sheegay in shaqo aan la dhayal san karin uu qabtay raysul-wasaaraha xilka ka dagaya, isagoo xusay in sanadkii uu xafiiska joogay uu hormar ballaaran ku sameeyay hayado badan oo dowladda muhiim u ah.

Sidoo kale Michele ayaa inta raaciyay in Midowga Yurub uu taageero dheeri ah siin doono dowladda Soomaaliya, isla markaana loo baahan yahay in madaxda dowladda ay ka dhabeeyaan ballan-qaadyadii ay sameeyeen markii la soo dooranayay.

Masuulkan ma  uusan soo hadal qaadin khilaafka la sheegay in uu horay u dhexmaray madaxweynaha iyo rasal wasaaraha ,kaasi oo la sheegay inuu ka dhashay isku-shaandhayn lagu sameyn lahaa golaha wasiiradda.

Ugu danbayn, hadalka ka soo yeeray Midwoga Yurub ayaa ku soo beegmaya xilli  hay’adda Transparency International ay sheegtay in Somalia ay kaalinta koowaad kaga jirto wadamada dunida ugu musuq-maasuqa badan,iyadoo  kaalmaha hore ay kula jiraan wadamada Afgaanistan iyo Waqooyiga Kuuriya inkastoo markii danbe ay dowladdu beenisay.

Faysal Mohamed Hassan
[email protected]












Click here
12/5/2013 5:45 PM EST
Khamiis, 05 December 2013(HOL)—Madaxweynihii ugu horreeyay ee madow ah ee madax ka noqda Dalka Koofur Afrika, isla markaana si weyn caan ugu caan ahaa la-dagaallanka midab-takoorka Nelson Mandela ayaa caawa ku geeriyooday magaalada Johannesburg.

12/5/2013 12:26 PM EST
Khamiis, December 05, 2013 (HOL) — Ugu yaraan 105-qof ayaa lagu dilay dagaallo culus oo maanta ka qarxay magaalada Bangui ee xarunta Jamhuuriyadda Afrikada dhexe, iyadoo lasoo sheegayo in dagaalladan ay u dhexeeyaan kooxo hubeysan oo muslimiin ah iyo kooxo kiristan ah.

12/5/2013 11:03 AM EST
Khamiis, December 05, 2013 (HOL) — Ergeyga gaarka ah ee xog-hayaha guud ee QM u qaabilsan Soomaaliya Nicholas Kay ayaa ka hadlay qaraxii is-miidaaminta ahaa ee maanta magaalada Boosaaso ka dhacay.

12/5/2013 10:50 AM EST
Khamiis, December 05, 2013 (HOL) — Guddoomiyihii hore ee baarlamaankii KMG ahaa ee Soomaaliya, ahna xildhibaan ka tirsan baarlamaanka, Sheekh Aadan Maxamed Nuur (Sheekh Aadan Madoobe) ayaa maanta gaaray magaalada Baydhabo ee xarunta gobolka Bay isagoo sheegay in dhawaan ay magaaladaas tegi doonaan guddoomiyaha baarlamaanka iyo xildhibaanno wehlinaya.

12/5/2013 10:35 AM EST
Khamiis, December 05, 2013 (HOL) — Ra’iisul wasaare ku xigeenka ahna wasiiradda arrimaha dibadda dowladdii kalsoonida lagala laabtay ee Somalia, Fowziyo Yuusuf Xaaji Aadan oo ka qaybgaleysa shirka ammaanka iyo nabada Afrika oo ka dhacaya dalka Faransiiska ayaa maanta kulan gaar ah la yeelatay guddoomiyaha Bankiga Bred, Mr Steve Gentili iyadoo ay kawada-hadleen sidii arrimaha dhaqaalaha Soomaaliya ay u noqon lahaayeen kuwo horumar sameeya.

12/5/2013 9:43 AM EST
Khamiis, 05 December 2013(HOL): Waxaa shalay, waraaqihiisa dublimaasiyadeed u gudbiyey Safiirka Soomaliya u fadhiya wadanka Britain Danjire Cabdullaahi Maxamed Cali “Sanbaloolshe”.

12/5/2013 9:36 AM EST
Khamiis, December 05, 2013 (HOL) — Munaasabad lagu daah furayay olole 16 maalmood soconaya oo looga hadlayo ka hortagga xad-gudubyada lagula kaco haweenka Soomaaliya oo ay soo qabanqaabisay agaasinka haweenka ee wasaaradda horumarinta iyo adeegga bulshada Soomaaliyeed ayaa ka furma maanta magaalada Muqdisho.

12/5/2013 9:19 AM EST
Khamiis, December 05, 2013 (HOL) — Maamulka gobolka Hiiraan ayaa ku dhawaaqay in dib loo furay wadada hormarta saldhiga booliiska magaalada Beledweyne oo xirneyd tan iyo wixii ka danbeeyay weerarkii Ismiidaaminta ahaa ee lagu qaaday saldhiga 19-bishii November ee ina dhaaftay.

12/5/2013 7:33 AM EST
Khamiis, December 05, 2013 (HOL) — Madaxweynaha dowladda Soomaaliya, Xasan Sh. Maxamuud ayaa si adag u dhaleeceeyay qaraxii Ismiidaaminta ahaa ee maanta ka dhacay magaalada Boosaaso ee xarunta gobolka Bari, isagoo tacsi u diray dhammaan muwaadiniintii ku geeriyootay qaraxaas.

12/5/2013 7:29 AM EST
Talaado, December 03, 2013 (HOL)— Madaxweynaha Puntland C/raxmaan Maxamed Maxamuud Faroole oo goor dhow warbaahinta la hadlay, ayaa cambaareeyey qaraxii khasaaraha badan geystey ee maanta barqadii magaalada Boosaaso ka dhacay.

12/5/2013 6:56 AM EST
Khamiis, December 05, 2013 (HOL) — Taliyaha cusub ee ciidamada badda Soomaaliya, Maadeey Nuuroow Sheekh Ufuroow oo xilkan uu dhawaan u magacabay madaxweynaha Soomaaliya ayaa maanta sheegay inaysan difaaci doonin kalluumeysata iyo doomaha ay wataan oo aan sharciyeysnayn aysanna ka warhayn ciidamada badda Soomaaliya.

12/5/2013 6:34 AM EST
Khamiis, December 05, 2013 (HOL) — Dowladda Soomaaliya ayaa markii ugu horreysay ka qaybgalaysa shirka Amniga & Nabadda ee qaaradda Afrika oo loogu magacdaray Elysee Summit for Peace & Security in Africa oo maanta si hor-dhac ahaan ah uga furmay magaalada Paris ee dalka Faransiiska.

12/5/2013 6:29 AM EST
Khamiis, December 05, 2013 (HOL) — Faah faahin dheeri ah ayaa kasoo baxaysa qarax maanta barqadii lala beegsaday kolonyo gaadiid ah oo ay wateen ciidamo ka tirsan kuwa badda ee Puntland, xilli ay marayeen meel u dhow xarunta weyn ee Shirkadda Amal oo ku taal bartamaha magaalada Boosaaso.

12/5/2013 6:05 AM EST
Khamiis, December 05, 2013 (HOL) — Ra’iisul wasaarihii Somalia ee maalmo ka hor uu baarlamaanku kala laabtay kalsoonida, Cabdi Faarax ayaa maanta sheegay inuu aqbalay go’aankii kalsooni kala laabashada xukuumadiisa uuna la shaqeyn doono xukuumadda cusub ee lasoo dhisayo.

12/5/2013 5:44 AM EST
Khamiis, December 05, 2013 (HOL) — Dood-cilmiyeed looga hadlayay ka hortagga marin habaabinta dhallinyarada Soomaaliyeed ayaa maanta lagu qabtay magaalada Muqdisho, iyadoo dooddan ay ka qayb-galeen odayaasha dhaqanka, waxgarad, culummaa'uddiin iyo dhallinyaro.

12/5/2013 5:08 AM EST
Khamiis, December 05, 2013(HOL) :- Xilli mudooyinkii u danbeeyay ay magaalada Kismaayo ka dhacayeen falal liddi ku ah ammaanka, ayaa wareegto kasoo baxday xafiiska madaxweeynaha maamulka Jubba Sheekh Axmed Max'ed Islaam (Axmed Madoobe) ayaa lagu amray guutada 94-aad ee ciidamada maamulka in maanta wixii ka danbeeyay ay masuul ka yihiin amniga magaalada Kismaayo.

12/5/2013 4:19 AM EST
Khamiis, December 05, 2013 (HOL) — Qarax aad u xooggan ayaa maanta abbaare 11:00AM ka dhacay bartamaha magaalada Boosaaso ee xarunta gobolka Bari. Qaraxa oo ahaa miino dhulka lagu aasay waxaa lala beegsaday kolonyo ay wateen askar ka tirsan ciidamada badda ee Puntland.

12/5/2013 1:18 AM EST
Khamiis, December 05, 2013 (HOL) — Munaasabad casho sharaf ah oo uu xalay guddoomiyaha baarlamaanku u sameeyay xildhibaannada golaha shacabka ayaa waxaa ka qaygalay madaxweynaha Soomaaliya, Xasan Sh. Maxamuud iyo xubno kale oo dowladda ka tirsan.