5/15/2021
Today from Hiiraan Online:  _
Wararka Maanta- Arbaco, Dec 4 , 2013
Xulka Kubadda Cagta Soomaaliya oo ka haray koobka Bartamaha iyo Bariga Africa ka dib guul-daradii ay kala kulmeen Zambia


Arbaco, December 04, 2013 (HOL) —Xulka kubadda cagta Soomaaliya ayaa galabta gabi ahaanba isaga haray koobka bartamaha iyo bariga Africa oo sanadkan ka soconaya wadanka Kenya,waxaana ciyaartoyda Soomaaliya ay ku guul-daraysteen in Group B ay dhibco ka heleen,iyadoo ciyaaro adag horey ula soo yeeshay xulalka kala ah Tanzania iyo Burundi.

 

Ciyaarta galabta oo ka dhacaysay garoonka Nyanyo National Stadium ayaa ku bilaabatay si xamaasad leh ,waxaana la arki karayay sida ciyoortayda Sooomaaliya ay u doonayeen in ugu yaraan ay bar-baro ka helaan kulankan balse taasi ma dhicin weerarka oo Zambia oo adkaa dartiis.

 

Waqti badan kuma qaadan xulka kubadda cagta Zambia  in ay helaan goolka koowaad daqiiqadii labaad  ,waxaana u saxiixay  Mwape,iyadoo goolka labaad xuka Zambia uu yimid qaybtii hore ee ciyaarta ,waxaana goolkas isna dhaliyay Mbewe,iyadoo qaybtii hore lagu kala nastay 2-0 oo Zambia ay ciyaarta ku hogaaminaysay.

 

Qaybtii labaad markii la isku soo laabtay ciyaaryahannada Soomaaliya ayaa muujiyay dadaal badan balse ma suurtagalin in ay wax gool ah ka dhaliyaan goolyaha Zambia ,waxaana xiliyada qaar adkayd in labada dhinac ay si siman kubadda u wada qaybsadaan.

 

Mwape ayaana dhaliyay goolkiisii labaad ka dib qalad uu sameeyay goolhayaha Soomaaliya ,iyadoo la arkayay sida ay xulka Soomaaliya ugu adagtahay in ay iska soo gudaan seddex gool oo lagala hormaray.

 

Goolkii afaraad ee xulka Zambia ayaa yimid daqiiqadii 70-aad ,waxaana kubad uu soo tuuray goolhayaha Soomaaliya dhexda u galay Mbwe ,kaasi oo si indha-qabad lahayd u dhamaystiray isla markaana ku hubsaday shabaqa Soomaaliya .

 

Zambia ayaa ku dhameystay hogaanka Group B iyagoo leh 7 dhibcood oo ay la wadaagaan Tanzania kuwaasoo kaalinta labaad ku dhameystay madaama ay farqiga goolasha ka yar yihiin Zambia ka dib markii ay 1-0 kaga badiyeen isla maanta Burundi.

 

Xulka kubadda cagta Soomaaliya ayaa seddexdii kulan ee ay ciyaareen ka helin wax dhibco ah ,balse soo bandhigay ciyaaro wanaagsan ,taasi oo ka dhigan in isbadal ballaaran uu ka muuqdo kubadda xulka Soomaaliya.

 

Faysal Mohamed Hassan

[email protected]












Click here
12/4/2013 12:16 PM EST
Arbaco, December 04, 2013 (HOL) — Madaxweynaha Soomaaliya, Xasan Sh. Maxamuud ayaa maanta ka qayb-galay kulankan lagu soo gaba-gabeynayay xarunta AMISOM ee Muqdisho, kaasoo looga hadlayay doorka haweenku ay ku leeyihiin ka hortagga tacadiyada ka dhanka ah haweenka iyo kaalinta ay ku leeyihiin horumarka dalka, iyadoo xiritaanka kulankan ay goob-joog ka ahaayeen, wasiirka horumarinta adeegga bulshadda, Maryan Qaasim, dajire Nicholas Kay, danjirayaasha dalalka Talyaaniga, Sweden u jooga Soomaaliya iyo mas’uuliyiin kale.

12/4/2013 11:37 AM EST
Arbaco, December 04, 2013 (HOL) — Madaxweynaha Puntland, C/raxmaan Maxamed Maxamuud (Faroole) ayaa markii ugu horreysay ka jawaab celiyay diidmo ay kala horyimaadeen guddi uu magacaabay musharraxiinta Puntland oo iyagu madaxweyne Faroole kula tartamaya doorashada soo socota ee dhici doonta bisha Koowaad ee sannadka soo socda 2014-ka.

12/4/2013 11:25 AM EST
Arbaco, December 04, 2013 (HOL) — Magaalada Baydhabo ayaa waxaa ku soo badanaya iskuullada ama dugsiyada wax lagu barto sida dugsiga hoose, dhexe iyo kuwa sare kuwaas oo ay furayaan hay’ado caalimi ah, iyadoo ay iskuul degmada ka furtay dhawaan hay’adda ZAMZAM oo maxalli ah.

12/4/2013 11:01 AM EST
Arbaco, December 04, 2013 (HOL) — Wafdi uu hogaaminayo murrashaxa madaxweynaha Xisbiga UCID Jamaal Cali Xuseen ayaa maanta laga horjoogsaday inay galaan Gobolka Gabilay.

12/4/2013 7:02 AM EST
Arbaco, December 04, 2013 (HOL) — Ciidamada nabad-sugidda Qaranka ayaa maanta is-hortaag ku sameeyay dibadbax lagu taageerayay go’aankii uu baarlamaanka Soomaaliya kalsoonida kala laabtay xukuumadda ra’iisul wasaare Saacid oo Muqdisho ka dhici lahaa.

12/4/2013 6:50 AM EST
Arbaco, December 04, 2013 (HOL) — Maamulka gobolka Banaadir ayaa maanta sheegay inay la wareegi doonaan guryaha burbursan ee Muqdisho ku yaalla haddii milkiilayaasha iska leh ay ku dhisi waayaan muddo saddex bilood gudahood ah.

12/4/2013 6:30 AM EST
Arbaco, December 04, 2013 (HOL) — Xulka kubadda cagta Soomaaliya ayaa maanta kulankii seddexaad ee Group-ka B la yeelanaya xulka kubadda cagta Zambia ciyaar ka tirsan koobka bartamaha iyo bariga Afrika, iyadoo ciyaartan ay maanta afarta galabnimo ka dhacayso garoonka Nyanyo National Stadium ee Kenya.

12/4/2013 5:34 AM EST
Maxkamad ku taalla dalka Kenya ayaa go'aamisay inaan damaanad lagu sii dayn karin wiilal Soomaali ah oo lagu eedeeyay inay ku lug lahaayeen weeraradii lagu qaaday xarunta ganacsiga ee Westgate oo ay ku dhinteen dad kor u dhaafay 67 ruux.

12/4/2013 1:41 AM EST
Arbaco, December 04, 2013 (HOL) — Ugu yaraan saddex qof ayaa ku dhintay toddoba kalena way ku dhaawacmeen qaraxyo is-xigay oo xalay ka dhacay maqaahi ku taalla degmada Ceel-waaq ee gobolka Gedo.

12/4/2013 1:29 AM EST
Arbaco, December 04, 2013 (HOL) — Ugu yaraan laba ruux ayaa ku dhintay tiro intaas ka bandanna way ku dhaawacmeen iska-horimaad culus oo xalay ku dhexmaray degmada Huriwaa ciidamada dowladda Soomaaliya iyo kuwa Al-shabaab.