5/15/2021
Today from Hiiraan Online:  _
Wararka Maanta- Arbaco, Dec 4 , 2013
Hay’adda Zamzam oo Iskuul ka furtay Magaalada Baydhabo iyo Mas’uuliyiin ka hadlay furitaanka Iskuulkaas (SAWIRRO)



Arbaco, December 04, 2013 (HOL) — Magaalada Baydhabo ayaa waxaa ku soo badanaya iskuullada ama dugsiyada wax lagu barto sida dugsiga hoose, dhexe iyo kuwa sare kuwaas oo ay furayaan hay’ado caalimi ah, iyadoo ay iskuul degmada ka furtay dhawaan hay’adda ZAMZAM oo maxalli ah.

Iskuulkan oo ah mid lagu baranayo waxbarashada aasaasiga ah kaasoo loo sameeyey ceel ay ka cabaan ardayda iyo masaajid wayn oo loogu talo-galay iskoolka, waxaana loogu magac-daray Jamciyadda Sheekh Cabdalka Nuuri.

Furitaanka iskuulka ayaa waxaa kasoo qaybgalay mas’uuliyiin kala duwan iyo xubno uu ka mid ahaa guddoomiyaha jaamacadda Baydhabo, waxaana xariga ka jaray guddoomiyaha Baydhabo, Xasan Xasan Macallin Biikole.

Guddoomiyaha waxbarashada gobolka Bay, Maadeey Siidow oo xafladda ka hadlay ayaa shegay, isagoo sheegay in iskuulkan ay faa’iido badan ugu jirtay, isagoo u mahadceliyay hay’adda Zamzam iyo jamciyadda hirgelisay dhismaha iskuulkan oo saldhiggeedu yahay dalka Kuwait.

Sidoo kale, mas’uulkan wuxuu ka dalbaday hay’adda in macallimiinta ay siiyaan mushaaraad ku filan, waayo iskuullo fara badan ayaa la dhisay, balse waa laga kala tagay, sidaa daraadeed buu yiri waa in macallimiinta ardayda wax-baraysa la siiyo dhaqaale toos ah, taasoo noqon karta dhiirri-gelin.  



Hiiraan Online, Baydhabo












Click here
12/4/2013 1:13 PM EST
Arbaco, December 04, 2013 (HOL) —Xulka kubadda cagta Soomaaliya ayaa galabta gabi ahaanba isaga haray koobka bartamaha iyo bariga Africa oo sanadkan ka soconaya wadanka Kenya,waxaana ciyaartoyda Soomaaliya ay ku guul-daraysteen in Group B ay dhibco ka heleen,iyadoo ciyaaro adag horey ula soo yeeshay xulalka kala ah Tanzania iyo Burundi.

12/4/2013 12:16 PM EST
Arbaco, December 04, 2013 (HOL) — Madaxweynaha Soomaaliya, Xasan Sh. Maxamuud ayaa maanta ka qayb-galay kulankan lagu soo gaba-gabeynayay xarunta AMISOM ee Muqdisho, kaasoo looga hadlayay doorka haweenku ay ku leeyihiin ka hortagga tacadiyada ka dhanka ah haweenka iyo kaalinta ay ku leeyihiin horumarka dalka, iyadoo xiritaanka kulankan ay goob-joog ka ahaayeen, wasiirka horumarinta adeegga bulshadda, Maryan Qaasim, dajire Nicholas Kay, danjirayaasha dalalka Talyaaniga, Sweden u jooga Soomaaliya iyo mas’uuliyiin kale.

12/4/2013 11:37 AM EST
Arbaco, December 04, 2013 (HOL) — Madaxweynaha Puntland, C/raxmaan Maxamed Maxamuud (Faroole) ayaa markii ugu horreysay ka jawaab celiyay diidmo ay kala horyimaadeen guddi uu magacaabay musharraxiinta Puntland oo iyagu madaxweyne Faroole kula tartamaya doorashada soo socota ee dhici doonta bisha Koowaad ee sannadka soo socda 2014-ka.

12/4/2013 11:01 AM EST
Arbaco, December 04, 2013 (HOL) — Wafdi uu hogaaminayo murrashaxa madaxweynaha Xisbiga UCID Jamaal Cali Xuseen ayaa maanta laga horjoogsaday inay galaan Gobolka Gabilay.

12/4/2013 7:02 AM EST
Arbaco, December 04, 2013 (HOL) — Ciidamada nabad-sugidda Qaranka ayaa maanta is-hortaag ku sameeyay dibadbax lagu taageerayay go’aankii uu baarlamaanka Soomaaliya kalsoonida kala laabtay xukuumadda ra’iisul wasaare Saacid oo Muqdisho ka dhici lahaa.

12/4/2013 6:50 AM EST
Arbaco, December 04, 2013 (HOL) — Maamulka gobolka Banaadir ayaa maanta sheegay inay la wareegi doonaan guryaha burbursan ee Muqdisho ku yaalla haddii milkiilayaasha iska leh ay ku dhisi waayaan muddo saddex bilood gudahood ah.

12/4/2013 6:30 AM EST
Arbaco, December 04, 2013 (HOL) — Xulka kubadda cagta Soomaaliya ayaa maanta kulankii seddexaad ee Group-ka B la yeelanaya xulka kubadda cagta Zambia ciyaar ka tirsan koobka bartamaha iyo bariga Afrika, iyadoo ciyaartan ay maanta afarta galabnimo ka dhacayso garoonka Nyanyo National Stadium ee Kenya.

12/4/2013 5:34 AM EST
Maxkamad ku taalla dalka Kenya ayaa go'aamisay inaan damaanad lagu sii dayn karin wiilal Soomaali ah oo lagu eedeeyay inay ku lug lahaayeen weeraradii lagu qaaday xarunta ganacsiga ee Westgate oo ay ku dhinteen dad kor u dhaafay 67 ruux.

12/4/2013 1:41 AM EST
Arbaco, December 04, 2013 (HOL) — Ugu yaraan saddex qof ayaa ku dhintay toddoba kalena way ku dhaawacmeen qaraxyo is-xigay oo xalay ka dhacay maqaahi ku taalla degmada Ceel-waaq ee gobolka Gedo.

12/4/2013 1:29 AM EST
Arbaco, December 04, 2013 (HOL) — Ugu yaraan laba ruux ayaa ku dhintay tiro intaas ka bandanna way ku dhaawacmeen iska-horimaad culus oo xalay ku dhexmaray degmada Huriwaa ciidamada dowladda Soomaaliya iyo kuwa Al-shabaab.