5/14/2021
Today from Hiiraan Online:  _
Wararka Maanta- Talaado, Dec 3 , 2013
Maamulka Jubba oo Digniin u diray Hay’adaha Maxalliga ah ee ka Howlgala Degmada Kismaayo ee Gobolka Jubbada Hoose


Talaado, December 03, 2013(HOL) :- Madaxa arimaha bulshada maamulka Jubba C/naasir Seeraar Maax oo shir jara’aid ku qabtay xarunta degmada Kismaayo ayaa digniin u diray hay’adaha maxaliga ah ee kahowgala degmada Kismaayo, kuwaasoo uu ku eedeeyay waxqabad la’aan.

Masuulkan ayaa sheegay in hay’aduhu aysan wada shaqeyn toos ah la lahayn maamulka, wuxuuna  uga digay in ay qabtaan shaqo uusan maamulku ogayn, waa siduu hadalka u dhigaye.

“Hay’ado badan oo NGO iyo Maxalli iyo kuwa Caalami ah ayaa ka howlgala degmada Kismaayo, hay’adahaasi shaqadii loo baahnaa kama hayaan magaalada Kismaayo, haday ahaan lahayd dhinacyada waxbarashada, caafimaadka iyo arimaha bulshada,” ayuu yiri C/naasir Seeraar.

Masuulkan ayaa sheegay in marar badan ay cabasho uga timid shacabka ku dhaqan Kismaayo, oo uu xusay in ay ka cabanayeen hay’adaha aan dowliga ahayn ee ka howlgalada degmada Kismaayo.

“Waxaan rabaa marka wixii hadda ka danbeeya wixii shaqo ee ay hay’aduhu qabanayaan ayaga oo aan fasax ka helin xafiiska arimaha bulshada oo anigu aan gudoomiye ka ahay in ayan bilaabi karin oo ayan shaqeyn iyaga oo aan nasoo marin inaga, oo aynan ogaan waxa ay wadaan iyo waxa ay tahay, “ ayuu yiri madaxa arimaha bulshada maamulka Jubba oo intaa ku daray in arintaasi ay ku xirantahay amnigooda iyo shaqadooda.

C/naasir Seeraar ayaa sheegay in ay tallaabo ka qaadi doonaan hay’adii ama ururkii ka madax adeyga amarkooda.

“Hay’aduhu waa in ay u hogaansamaan amarka oo ay qaataan, Hay’addii ka dhago adeygta shaqo ayaa laga qabanayaan ilaa ay shaqadeeda ka saxdo,” ayuu hadalkiisii raaciyay.

Hadalkan kasoo yeeray madaxa arimaha bulshada maamulka Jubba ayaa kusoo beegmaya iyadoo magaalada Kismaayo ay ka howlgalaan ururro kala duwan oo isugu jira kuwo maxalli ah iyo qaar kale oo caalami ah, waxayna ururradan degmada Kismaayo ka hayaan howlo kala duwan.

Xasan Nuur, Hiiraan Online
[email protected]
KIsmaayo-Soomaaliya












Click here
12/3/2013 1:20 PM EST
Talaado, December 03, 2013 (HOL) — Wasiirka qorsheynta iyo horumarinta Somaliland, Sacad Cali Shire ayaa ka digay in bankiga Barclays ee dalka Britain uu xiro xisaabaadka xawaaladaha ay dadka Soomaaliyeed lacagta ku dirsadaan.

12/3/2013 12:27 PM EST
Talaado, December 03, 2013 (HOL) — Guddoomiyaha baarlamaanka Somalia, Maxamed Sheekh Cismaan (Jawaari) ayaa soo saaray warbixin uu ku sharraxayo habkii ay u dhacday xil ka qaadista golaha shacabka, isagoo sheegay in haddii muddada fasaxa uga harsan baarlamaanka oo ku beegan 31-ka bishan aan lagu soo dhisin xukuumad loo baahanayo muddo kordhin la sameeyo iyo in xildhibaannada baarlamaanka la isugu yeero kal-fadhi aan caadi ahayn si howshan oo dastuuri ah loo dhameystiro.

12/3/2013 12:01 PM EST
Talaado, December 03, 2013 (HOL) — Dowladda Soomaaliya ayaa si kulul u beenisay warbixin ay maanta soo saartay hay’adda Watchdog Transparency International, taasoo lagu sheegay in Soomaaliya ay kaalinta hore kaga jirto dalalka caalamka ee uu musuq-maasuqu dilooday.

12/3/2013 11:39 AM EST
Talaado, December 03, 2013 (HOL) — Warbixin uu soo saartay Golaha Ammaanka ee Qaramada Midoobay ayaa lagu sheegay inuu xoogeysanayo xiriirka u dhexeeya Xarakada Al-shabaab ee Soomaaliya iyo urur-weynaha Al-Qaacida.

12/3/2013 11:02 AM EST
Talaado, December 03, 2013 (HOL) — Dalladda ay ku midaysan yihiin ururada Naafadda Somaliland, ayaa maanta munaasibad balaadhan oo ay ugu dabaaldegayaan maalinta Naafadda Aduunka oo sanad kasta la xuso December 3-deedda ku qabsaday magaaladda Hargeysa.

12/3/2013 10:16 AM EST
Talaado, December 03, 2013 (HOL) — Wafdi uu hoggaaminayo dajiraha Britain u jooga Soomaaliya, Neil Wigan ayaa maanta tagay Baydhabo ee xarunta gobolka Bay, iyagoo kulammo la qaatay maamulka iyo waxgaradka uu shirka uga socdo magaaladaas.

12/3/2013 10:02 AM EST
Talaado, December 03, 2013 (HOL) — Magaalo madaxda ismaamulka Soomaalida dalka Itoobiya ee Jig-jiga ayaa waxaa laga dareemayaa diyaar-garow xooggan oo ku aaddan mar-tigelinta xuskii sideedaad ee qowmiyadaha dalka Itoobiya, iyadoo magaalada ay ku qul-qulayaan wufuud ka socota sagaalka qowmiyadood ee dalkan uu ka kooban yahay si xuskaas ay uga qayb-galaan.

12/3/2013 8:59 AM EST
Talaado, December 03, 2013(HOL) :- Xafladdan ayaa ahayd mid shahaadooyin lagu gudoonsiinayey arday ka qalin jabisay Machadka Farsamada Sayid Maxamed Cabdule Xasan ee ku yaalla Magaalada Baladxaawo ee Gobolka Gedo, iyadoo ardeyda ka qalin jebisey machadkaasi oo ahayd dufcadii 4-aad ayaa waxay tiradoodu dhameyd ilaa 54 ardey oo 32 ka mid ah ay yihiin Gabdho, halka 22 kalena ay yihiin Wiilal.

12/3/2013 8:29 AM EST
Talaado, December 03, 2013 (HOL)— Shirkadda isgaarsiinta ee Golis ayaa maanta daah furtay adeegga 3G (faca saddexaad) oo ay kusoo kordhisey adeegyadii isgaarsiineed ee ay qaban jirtey. Munaasabadda daahfurka oo ka dhacday isla xarunta shirkadda, waxa kasoo qayb galay qaar kamid ah mas'uuliyiinta ugu sareeya maamulka shirkadda.

12/3/2013 7:47 AM EST
Talaado, December 03, 2013 (HOL) — Xildhibaanka degmada Kamukunji ee magaalada Nairobi, Yuusuf Xasan ayaa sheegay in qoxootiga Soomaalida ah ee ku nool dalka aan si khasab ah dalkoodii loogu celin karin.

12/3/2013 7:35 AM EST
Talaado, December 03, 2013 (HOL) — Degmada Yaaqshiid ee gobolka Banaadir ayaa waxaa maanta ka dhacay munaasabad lagu taageerayay go’aankii uu baarlamaanka Somalia shalay kalsoonida ugu diiday xukuuumadda ra’iisul wasaare Saacid.

12/3/2013 7:25 AM EST
Talaado, December 03, 2013 (HOL)— Qaar kamid ah musharraxiinta u taagan madaxtinimada Puntland oo goor dhow shir-jaraa'id ku qabtay magaalada Boosaaso ee xarunta gobolka Bari, ayaa kasoo horjeestey guddiga Xallinta Khilaafaadka iyo Ansixinta oo saacado kahor uu magacaabay madaxweynaha Puntland C/raxmaan Maxamed Faroole.

12/3/2013 7:12 AM EST
Talaado, December 03, 2013 (HOL) — Dalalka Afgaanistaan, Soomaaliya iyo Waqooyiga Kuuriya ayaa noqday dalalka kaalinta hore kaga jira warbixin ay maanta soo saartay ha’yadda Watchdog Transparency International, taasoo kaalinta hore ay kaga jiraan dalalka Denmark iyo New Zealand.

12/3/2013 6:40 AM EST
Talaado, December 03, 2013 (HOL) — Guddoomiyaha maamulka gobolka Hiiraan Cabdi Faarax Laqanyo ayaa sheegay in go’aankii uu ka gaaray baarlamaanka Soomaaliya xukuuamdii uu hogaaminayay ra’iisal wasaare Cabdi Faarax Shirdoon Saacid wax saameyn ah ku yeellan doonin diyaar-garoowgii loogu jiray qabashada doorashada maamulka gobolka Hiiraan.

12/3/2013 6:39 AM EST
Talaado, December 03, 2013 (HOL) — Garoonka diyaaradda magaalada Gaalkacyo ee C/llaahi Yuusuf ayaa waxaa maanta laga soo dajiyey 40 dhallinyaro Soomaaliyeed ah oo muddo ku xir-xirnaa xabsiyada ku yaalla jasiiradda Maldives.

12/3/2013 6:22 AM EST
Talaado, December 03, 2013 (HOL) — Iyadoo shalay xidhibaannada golaha baarlamaanka Soomaaliya ay si aqlabiyad ah kalsoonidii ugala laabteen ra’iisul wasaarihii hore ee Soomaaliya iyo xukuumaddiisii ayaa waxaa siyaabo kala duwan hadlay shacabka Soomaaliyeed.

12/3/2013 5:52 AM EST
Talaado, December 03, 2013 (HOL)— Madaxweynaha Puntland C/raxmaan Maxamed (Faroole)ayaa maanta magacaabay Guddiga Xallinta Khilaafaadka iyo Ansixinta. Guddigan oo ka kooban siddeed xubnood waxaa ku jira aqoon yahanano caan ka ah Puntland iyo weliba cuqaal.

12/3/2013 5:48 AM EST
Talaado, December 03, 2013 (HOL) — Ciidamadda Amaanka Somaliland, ayaa xabsiga u taxaabay ilaa shan wariye oo sitay Boodhadh ay ku qoran yihiin inay xukuumadu cabudhinayso warbaahinta iyo sida ay uga soo horjeedaan siideyntii nin hubaysnaa oo dhowaan weeraray wargeyska Hubaal oo jeelka laga siidaayey.

12/3/2013 1:37 AM EST
Talaado, December 03, 2013 (HOL) — Magaalada Baydhabo ayaa beryahan waxaa ka jira howlgallo lagu qabqabanayo dhallinyarada, iyadoo la sheegayo in magaalada ay soo galeen xoogag taageersan Al-shabaab kuwaasoo doonaya inay qaraxyo ka sameeyaan gudaha magaalada.