Shirkadda Isgaarsiinta Hormuud Telecom oo Maanta soo bandhigtay Qiimo-dhimis ay ku sameysay Isticmaalka Internet-ka
Axad, December 22, 2013 (HOL) — Shirkadda Isgaarsiinta Hormuud Telecom ayaa soo bandhigtay maanta qiimo-dhimis ay ku sameysay 3G Internet-ka, kaasoo shirkaddu ay bixintiisa billowday horraantii sannadkan 2013-ka.
Warsaxaafadeed ay shirkaddu soo saartay ayay ku sheegtay in dhammaan macaamiisha shirkadda isgaarsiinta Hormuud loogu bishaareynayaa in qiimo- dhimis ballaaran lagu sameeyey qiimaha isticmaalka internet-ka 3G-ga ah.
Hadaba si aad uga faa’iideysato bundles-ka ama qiimo-dhimista cusub ee internet-ka: Garaac *450# kaddibna ka dooro qiimaha ku qanciya ee aad doonayso inaad ku shubato internet-kaaga.
Shaxda loo dajiyay qiimo-dhimista Intenet-ka ayaa ah sidan:
Ku shubo $1 doollar oo isticmaal = 33-MB
Ku shubo $2 doollar oo isticmaal = 80-MB
Ku shubo $5 doollar oo isticmaal = 200-MB
Ku shubo $10 doollar oo isticmaal = 400-MB
Ku shubo $20 doollar oo isticmaal = 800-MB
Ku shubo $25 doollar oo isticmaal = 1-GB
Ku shubo $30 doollar oo isticmaal = 2-GB
Dhammaan qiimo-dhimistan internet-ka waxaad ku iibsan kartaa adigoo isticmaalaya lacagta ku hadalka ee ku jirta mobile-kaaga.
Wixii faafaahin ah ee intaas dheer fadlan booqo xarumaha shirkaddu ay ku leedahay dalka oo dhan ama la xiriir xafiiska adeegga macaamiisha adigoo wacaya: 141/101, sidoo kale booqo website-ka shirkadda: www.hortel.net.
Maxamed X. Xuseen, Hiiraan Online
[email protected]
Muqdisho, Somaaliya
