5/14/2021
Today from Hiiraan Online:  _
Wararka Maanta- Isniin, Dec 2 , 2013
Codka loo qaadayo Xukuumada Ra'iisul wasaare Saacid oo billowday iyadoo la Tirinayo Xildhibaannada Codadkooda dhiibanaya


Isniin, December 02, 2013 (HOL) — Guddoomiyaha Baarlamaanka Somalia Maxamed Sheekh Cismaan Jawaari ayaa ku dhawaaqay in codka kalsoonida loo qaadayo xukuumadda, isagoo sheegay in codku uu noqon doono mid gacan-taag ah.

Jawaari ayaa sheegay in 250 xildhibaan ay ku sugan yihiin golaha shacabka kuwaasoo diyaar u ah inay codka u qaadaan xukuumadda, inkastoo aan la ogeyn sida ay xalaaddu noqon doonto.

Xildhibaannada taagan ayuu guddoomiyaha baarlamaanku ugu baqay inay fariistaan si codka loo qaado, iyadoo haatan ay golaha diyaar ku yihiin howl-wadeennadii tirin lahaa codadka xildhibaannadu ay dhiibanayaan.

Guddoomiyaha baarlamaanka ayaa sheegay in xildhibaannada ay fadhigooda ku sugnaadaan cid soo istaagi karana aysan jirin, isagoo sheegay in ruuxii la arko isagoo gudaha baarlamaanka dhex-socda dibadda loo saari doono.

Sidoo kale, Jawaari ayaa wuxuu sheegay in codka loo qaadayo hab xarfo ah oo laga billaabayo xarafka A, laguna geyn doono Z oo ah qaybta dambe ee baarlamaanka.

Codeynta ayaa billaabay iyadoo tirintana ay socoto, waxaana guddoomiyaha uu xildihbaannada ku boorrinayaa inaysan dajin gacanta inta codka laga tirinayo codadkooda.

Ma jiraan weli xildhibaannado ka aamusay codka xukuumadda loo qaadayo, waxaana ay u kala qaybsameen xildhibaannadu inta codadkooda la tiriray in xukuumadda lagala laabto kalsoonida iyo kuwo diiddan in kalsoonida lagala laabto.

Illaa hadda safafka codadkooda la tiriyay waa shan saf ama xarafka E, iyadoo aysan jirin cid ka aamustay codeynta, iyadoo haddii ay qaldanto tirada lagu celinayo safka mar labaad, taasoo uu guddoomiyuhu ku sheegay inay tahay mid lagu hubinayo tirada saxda ah.

Natiijada codeynta kala soco Hiiraan Online haddii Alle ogolaado.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/2/2013 12:17 PM EST
Isniin, December 02, 2013 (HOL) — Madaxweynaha Soomaaliya, Xasan Sh. Maxamuud oo ka hadlay xil ka qaadistii lagu sameeyay ra’iisul wasaare Saacid ayaa ku tilmaamay mid dastuuri ah, isagoo sheegay inay xildhibaanada baarlamaanku muujiyeen howl-karnimo iyo mas’uuliyad.

12/2/2013 10:55 AM EST
Ganacsade Maxamuud Xaaji Xassan Askar oo kamid ah ganacsatada waawayn ee Soomaalida ayaa geeri naxdin leh ku tilmaamay dhimashadii Axmed Maxamed Aadan (Qaybe) oo ahaa diblamaasigii ugu taariikhda dheeraa Soomaaliya soona maray xilal kala duwan oo ay kamid ahayd wasiirka arrimaha dibada ee Soomaaliya xilligii dawladii Maxamed Siyaad barre iyo sidoo kale C/laahi Maxamed Mire oo isna soo noqday wasiirkii waxbarashada ee Soomaaliya.

12/2/2013 8:56 AM EST
Isniin, December 02, 2013 (HOL) — Ergayga Qaramada Midoobay u qaabilsan arrimaha Soomaaliya, Nicholas Kay oo qoraal soo saaray ayaa sheegay inuu soo dhaweynayo go’aankii baarlamaanka Soomaaliya ee xilka looga qaaday xukuumaddii uu horkacayay ra’iisul wasaare Saacid.

12/2/2013 8:26 AM EST
Isniin, December 02, 2013 (HOL) — Hay’adda la dagaalanka iyo xakameynta cudurka HIV/AIDS, ayaa ka warbixiyey halka uu Somaliland ka marayo cudurkaas, waxaanu sheegay inay dadku soo fahmayaan jiritaanka cudurkan, isla markaana ay dawooyinka si toos ah usoo doontaan.

12/2/2013 7:57 AM EST
Isniin, December 02, 2013 (HOL) — Waxaa lasoo gaba-gabeeyay codeyntii loo qaadayay xukuumadda ra’iisul wasaare Saacid, iyadoo xildhibaanada ay si aqlabiyad ah codka ugu diideen xukuumadda.

12/2/2013 6:52 AM EST
Isniin, December 02, 2013 (HOL) — Xildhibaannada Baarlamaanka Soomaaliya ayaa isku diyaarinaya hadda inay codka kalsoonida u qaadaan xukuumadda Saacid, kaddib markii ay dhammaadeen hadalladii ay jeedinayeen xildhibaannadii ka hadlayay mooshinka baarlamaanka.

12/2/2013 6:39 AM EST
Isniin, December 02, 2013 (HOL) — Ra’iisul wasaaraha Somali, Cabdi Faarax Shirdoon (Saacid) oo la hadlay warbaahinta ayaa sheegay in go’aan walba oo kasoo baxa baarlamaanka uu aqbalayo, isagoo mooshinka baarlamaanka laga geeyay ku tilmaamay mid abaabulan.

12/2/2013 2:18 AM EST
Isniin, December 02, 2013 (HOL) — Turjubaan u shaqeynayay Ciidamada AMISOM ayay kooxo hubeysan ku dileen xaafadda Suuqa Xoolaha ee degmada Huriwaa iyadoo kooxihii hubeysnaa ee dilkaas geystay iyagana la toogtay.

12/2/2013 1:56 AM EST
Isniin, December 02, 2013 (HOL) — Maanta ayaa lagu wadaa inay mar kale ka doodaan xildhibaannada baarlamaanka Soomaaliya mooshinka ka dhanka ah xukuumadda uu hoggaaminayo ra’iisul wasaare Saacid, iyadoo qorshuhu yahay in maanta lasoo gaba-gabeeyo doodda.