3/29/2024
Today from Hiiraan Online:  _
Wararka Maanta- Talaado, Dec 17, 2013
Kulan looga hadlay sidii Dhallinyarada Muqdisho ay Xukuumadda u Taageeri Lahaayeen oo Muqdisho lagu Qabtay (SAWIRRO)


Talaado, December 17, 2013 (HOL) — Kulan looga hadlayay qaabka dhallinyarada ku nool 17-ka degmo ee gobolka Banaadir u taageeri karaan xukuumadda cusub si nabad-galyada loo adkeeyo ayaa maanta ka dhacay Xarunta degmada Shingaani ee gobolka Banaadir.

Kulankan oo ay soo qaban-qaabisay hay'adda wada-hadalka bulshada ayaa waxaa kasoo qayb-galay mas'uuliyiinta maamulka degmada Shingaani iyo ururrada dhallinyarada degmooyinka gobolka Banaadir.

Guddoomiyaha degmada Shingaani, Cali Cumar Abuukar (Xamari) oo ugu horreyn ka hadlay kulanka ayaa xusay inay si diirran u soo dhaweynayaan magacaabidda ra'iisul wasaaraha cusub ee Soomaaliya, C/weli Sh. Axmed, isagoo xusay inay la shaqeeyaan ayna la garab taagan yihiin wixii uu uga baahdo.

"Degmada Shingaani waa degmo qadiimi ah, dadka deegenna lagu yaqaan nabad jacaylka, waxaa soo dhaweynayaa ra'iisul wasaaraha cusub, waa ku taageeraynaa, garabkaada taagan-nahay, xil culeys ayaa lagu dhiibay," ayuu yiri guddoomiyaha degmada Shingaani, Cali Xamar oo u mahad-celiyay CCD ee soo qaban-qaabisay kulanka.

Taliyaha saldhiga booliska degmada Shingaani, Mursal Maxamed Jaamac oo isna ka hadlay kulanka taageerada ah ayaa sheegay in dhallinyarada ay ka qaybqaataan amniga ayna la shaqeeyaan hay’adaha ammaanka, isagoo si gaar ah u xusay in dhallinyarada degmada Shingaani ay nabadda degmada ka shaqeeyaan, taasna ay u tahay ammaan, balse ay ka dhacaan waxyaabo yar-yar mararka qaarkood.

"Maamulka degmada, hay'adaha kale ee ammaanka iyo dhallinyarada qaab wanaagsan ayay ammaanka uga wada-shaqeeyaan, degmadana waxay ka mid tahay degmooyinka ugu ammaanka badan gobolka Banaadir, waxaana diyaar u nahay degmooyinka dariska nala ah inaan kala shaqeyno amniga," ayuu yiri Mursal Jaamac.

Sidoo kale, xoghayaha degmada Shingaani, Maxamed Abuukar Sheekh Nuur ayaa sheegay in dhallinyarada ay yihiin laf-dhabarka dalka, isagoo xusay in loo baahan yahay in dhallin-yarada ay dalka dhaqaajiyaan, isla markaana soo kordhiyaan fikrado wax dhisaya ee aan wax duminayn.

"Khasaare walba oo dhaca wuxuu ku dhacaa dhallinyarada, iyaguna waa laf-dhabarka dalka, ma socon karo, mana dhaqaaqi karo hadii aysan dhallinyaro jirin. Dhallinyarada waa inay waxbartaan, is-dhex-gal iyo iska war-qabna ay sameeyaan mar walba si amniga loo adkeeyo, waana inay dowaldda Somalia la shaqeeyaan,  "ayuu yiri xoghayaha degmada Shingaani.

Waxaa kaloo kulanka ka hadlay mas’uuliyiinta dhallinyarada degmooyinka gobolka  Banaadir, kuwaasoo sheegay in loo baahan yahay in dhallinyarada ay isku-xir wanaagsan sameeyaan, isla markaana ku kulmaan baraha ay ku xiriirto bulshada sida Facebook-ga, ayna muujiyaan dadaal dheeri ah oo lagu abuuri karo hannaan nabadeed iyo jawi-wanaagsan.

Kulankan ayaa wuxuu ka mid ahaa kulammo isugu jira wacyi-gelinno, siminnaaro iyo dood-cilmiyeedyo ay hay'adda CCD ku qabanaysay xarumaha degmooyinka gobolka Banaadir, kuwaasoo sare loogu qaadayo is-dhex-galka dhallinyarada iyo horumarinta degmooyinka gobolka Banaadir.

Ugu dambeyn, dhallinyaradii degmooyinka gobolka Banaadir ayaa waxay is-weydaarsaday dodo ku saabsan sidii nabadda caasimadda Soomaaliya looga shaqeyn lahaa, iyadoo kulanka laga soo jeediyay qodobbo saldhig u noqon kara nabadeynta degmooyinka gobolka Banaadir.





Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/17/2013 3:26 PM EST
Talaado, 17 December 2013(HOL)—Magaalada Bristol ee dalka Britain ayaa markii ugu horreysay lagu qabatay bandhig buugeed soconayey laba maalmood oo xiriir ah. Bandhigaas oo ay soo wada qaban qaabiyeen Naadiga Qalinleyda iyo Hal-abuurka Soomaaliyeed (Somali Speaking PEN), Akadimiyad Goboleedka Af soomaaliga (AGA) iyo Jaaliyadda Soomaaliyeed ee Bristol ayaa waxaa lagu dhigay St. Paul Learning Center waxaana ka soo qeyb galay soomaali fara badan oo u badnaa waalidiin iyo carruurtooda, ganacsato, macallimiin iyo dhamaan dadka xiiseeya qoraalka iyo afka soomaaliga.

12/17/2013 1:37 PM EST
Talaado, December 17, 2013 (HOL) — Baarlamaanka federaalka Somalia ayaa maanta ku dhawaaqay in dib loo dhigay xilligii horay loogu qabtay in baarlamaanka uu ku horyimaado ra’iisul wasaaraha Somaaliya ayaa dib loo dhigay, iyadoo ay maalinta berri ah ku beegnayd xilligii horay loogu qabtay.

12/17/2013 1:10 PM EST
Talaado, December 17, 2013 (HOL) —Dowladda Turkiga ayaa maanta qaar ka mid ah jaamacadaha ku yaalla Soomaaliya ugu deeqday matoorro dabka dhaliya oo loogu talogalay inay jaamacaduhu ku daboolaan baahiyahoda dhinaca korontada ah.

12/17/2013 10:58 AM EST
Talaado, December 17, 2013 (HOL) — Madaxweynaha Puntland oo goor dhow shir-saxaafadeed ku qabtay magaalada Garoowe ee xarunta maamulka Puntland, ayaa ka warbixiyey kulan uu maanta la yeeshay 17 kamid ah musharraxiinta u tartamaya xilka madaxweynenimo ee Puntland.

12/17/2013 9:03 AM EST
Talaado, December 17, 2013 (HOL) — Dagaallo maalintii labaad gala ayaa ka socda Jubba oo ah xarunta dalka dalka Koonfurta Suudaan, halkaasoo ay ganacsiyo kala duwan oo fara badan ku haystaan ganacsato Soomaaliyeed, inkastoo aan la sheegin wax dhibaato ah oo loo geystay iyaga iyo ganacsigooda.

12/17/2013 8:36 AM EST
Talaado, December 17, 2013 (HOL) — Wejiga labaad ee shirka la doonayo in maamul-goboleedka loogu sameeyo gobollada Koonfur-galbeed Soomaaliya ayaa maanta si rasmi ah uga furmay magaalada Baydhabo ee gobolka Bay.

12/17/2013 8:11 AM EST
Talaado, December 17, 2013 (HOL) — Xeer ilaaliyaha maxkamadda derejada 1-aad ee gobolka Bari oo xalay ka badbaadey weerar bambaano oo la doonayey in lagu khaarijiyo, ayaa maanta shir-jaraa’id ku qabtay isla magaalada Boosaaso.

12/17/2013 7:40 AM EST
Talaado, December 17, 2013 (HOL) — Shir ay Murashaxiinta Puntland oo uu ku jiray madaxweynaha Puntland C/raxmaan Faroole ay maanta oo Salaaso ah ku yeesheen xarunta Puntland ee Garoowe ayaa la isku khilaafay isla markaasna lagu soo kala tagay, xilli la isku qabtay qodobbadii la isla hor-fariistay.

12/17/2013 6:37 AM EST
Talaado, December 17, 2013(HOL) :- Iyadoo dhawaan madaxweeynaha dowladda Federaalka Soomaaliya Mudane Xasan Sheekh Max’uud uu u magacaabay xilka raysul wasaaraha dalka mudane C/weli Sheekh Axmewd Max’ed ayaa waxa soo baxayay talooyin kala duwan oo ku aadan shaqada raysul wasaaraha cusub oo ay jiidanayeen aqoonyaahanno iyo siyaasiyiin Soomaaaliyeed.

12/17/2013 5:14 AM EST
Talaado, December 17, 2013 (HOL) — Magaalada Garoowe oo xarun u ah maamulka Puntland, gaar ahaan madaxtooyada ayaa waxaa hadda ka socda shir ay wada-qaadanayaan musharraxiinta u tartamaysa xilka madaxnimo ee Puntland iyo madaxweyne Faroole.

12/17/2013 3:50 AM EST
Talaado, December 17, 2013 (HOL) — Wakiilka Midowga Afrika u qaabilsan Soomaaliya Maxamed Salax Annadif ayaa soo dhaweeyay go’aankii uu madaxweyne Xassan Sheekh ugu magacaabay Cabdiwali Sheekh Axmed in uu noqdo raysul-wasaaraha dalka, kaasoo badali doona raysul-wasaaraha xilka ka sii dagaya ee Cabdi Faarax Shirdoon.

12/17/2013 3:40 AM EST
Talaado, December 17, 2013 (HOL) — Shir looga hadlayo dhisidda kalsooni & is-fahamka indheergaradka Soomaaliyeed iyo ciidamad AMISOM ayaa shalay ka furmay magaalada Kigali ee xarunta dalka Rwanda, kaasoo ay ka qayb-galayaan ergooyin kala duwan.

12/17/2013 2:38 AM EST
Talaado, December 17, 2013 (HOL) — Madaxweynaha Somalia, Xasan Sh. Maxamuud oo maanta warbaahinta kula hadlay magaalada Muqdisho ayaa ka hadlay colaadaha iyo dagaallada kasoo cusboonaaday deegaannada qaarkood, isagoo tacsi u diray dhammaan shacabkii ay waxyeelladu kasoo gaartay dagaallada.

12/17/2013 2:08 AM EST
Talaado, December 17, 2013 (HOL) — Booliiska degmada Hodan ee gobolka Banaadir ayaa xalay ka qabqabtay tiro dhallinyaro ah oo ay ku tuhmeen inay ka tirsan yihiin Al-shabaab xaafado ka tirsan degmada.

12/17/2013 1:43 AM EST
Talaado, December 17, 2013 (HOL) — Xildhibaanno ka tirsan baarlamaanka Soomaaliya ayaa ugu baaqay ra’iisul wasaaraha cusub, Cabdiweli Sheekh Axmed Maxamed inuu soo magacaabo gole wasiirro oo wajiyo cusub ah, iyagoo ka digay in xilalka lagu soo celiyo wasiirradii hore ee la shaqeynayay Cabdi Faarax Shirdoon (Saacid).

12/17/2013 1:15 AM EST
Talaado, December 17, 2013 (HOL) — Guddoomiyaha hay'adda culumada Soomaaliyeed, Sh. Bashiir Axmed Salaad ayaa ugu baaqay beelaha ku dagalaamay gobolka Shabeellada Hoose inay si shuruud la’aan ah xabadda ku joojiyaan, isagoo sheegay in dagaal sokeeye uusan faa’iido lahayn adduun iyo aakhiro.