3/28/2024
Today from Hiiraan Online:  _
Wararka Maanta- Talaado, Dec 17, 2013
MADAXWEYNAHA SOOMAALIYA: “Dagaal beeleed u Dul-qaadanayno mayno Qas-wadayaashana Tallaabo adag ayaa laga Qaadayaa”


Talaado, December 17, 2013 (HOL) — Madaxweynaha Somalia, Xasan Sh. Maxamuud oo maanta warbaahinta kula hadlay magaalada Muqdisho ayaa ka hadlay colaadaha iyo dagaallada kasoo cusboonaaday deegaannada qaarkood, isagoo tacsi u diray dhammaan shacabkii ay waxyeelladu kasoo gaartay dagaallada.

“Waxaa nasiib-darro ah in deegaannada qaarkood ay dagaallo sokeeyo ka dhacaan, gaar ahaan deegananada gobollada Shabeelaha Hoose, Hiiraan iyo Shabeelaha Dhexe, waana in si deg-deg ah loo joojiyaa dagaaladaas, lana qaataa nabadda ay dowladdu hormuudka ka tahay. Waxaa jira kooxo ka faa’iideysanaya colaadaha oo sii horinayo, ujeedaddooduna ay tahay in la wiiqo horumarka nabadeynta iyo dowlad-dhisidda Soomaaliya,” ayuu yiri madaxweyne Xasan Sheekh.

Madaxweynaha oo hadalkiisa sii wata ayaa ku nuuxnuuxsaday sida dowladdu uga xun tahay dagaallada soo noq-noqda oo dhiig ku daata, waxuuna isagoo arrintaas mar kale ka hadlaya uu yiri:

“Dagaalka shacabka dhexdiisa ah waa arrin aan loo dulqaadin karin, waana mid fursad siinaysa dhammaan inta diiddan nabadda iyo horumarka. Qas-wadayaashana tallaabo adag ayaa laga qaadayaa. Waa inaan wadajirkeenna iyo isku xirnaanteenna adkeynaa oo aan khilaafkeenna ku xallinaa si nabad, wadahadal iyo dib u heshiisiin ah.”

Sidoo kale, madaxweynaha oo sii hadlaya ayaa yiri: “Dowladda federaalka Soomaaliya waxaa ka go’an in si deg-deg ah ay u joojiso dagaallada kasoo cusboonaaday gobollada dalka qaarkood. Cid allaale iyo cidii is-hortaagta nabadeyntana waxaa laga qaadi doonaa tallaabo cad oo sharciga waafaqsan. Siyaasadda dowladda ayaa ah in khilaaf kasta lagu xaliyo wadahadal.”

Madaxweynaha ayaa ugu dambeyntii baaq u diray odayaasha dhaqanka, aqoonyahannada, ururrada bulshada iyo qaybaha kala duwan ee bulshada inay mas’uuliyad gaar ah iska saaraan joojinta dagaallada iyo colaadaha oo ay dowladda kala shaqeeyaan nabadeynta, fududeynta wadahadalka iyo dib-u-heshiisinta ka socota deegaannada dagaalladu ka dhaceen. Sidoo kale shacabka waxaan ka codsanaynaa inay dowladda la shaqeeyaan oo qas-wadyaasha aan meel uga soo wadajeesano, bacdamaa ay diidan yihiin in dalka ay ka hirgasho dowladnimo, kala danbeyn iyo sharci.

Hadalkan madaxweynaha oo u muuqday mid adag ayaa wuxuu imaanayaa xilli saddexdii maalmood ee lasoo dhaafay ay gobolka Shabeellada Hoose ka dhaceen dagaallo ay ku lug lahaayeen ciidamada dowladda Soomaailya oo la safan beelo uu dagaal u dhexeeyo.

 

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/17/2013 3:26 PM EST
Talaado, 17 December 2013(HOL)—Magaalada Bristol ee dalka Britain ayaa markii ugu horreysay lagu qabatay bandhig buugeed soconayey laba maalmood oo xiriir ah. Bandhigaas oo ay soo wada qaban qaabiyeen Naadiga Qalinleyda iyo Hal-abuurka Soomaaliyeed (Somali Speaking PEN), Akadimiyad Goboleedka Af soomaaliga (AGA) iyo Jaaliyadda Soomaaliyeed ee Bristol ayaa waxaa lagu dhigay St. Paul Learning Center waxaana ka soo qeyb galay soomaali fara badan oo u badnaa waalidiin iyo carruurtooda, ganacsato, macallimiin iyo dhamaan dadka xiiseeya qoraalka iyo afka soomaaliga.

12/17/2013 1:37 PM EST
Talaado, December 17, 2013 (HOL) — Baarlamaanka federaalka Somalia ayaa maanta ku dhawaaqay in dib loo dhigay xilligii horay loogu qabtay in baarlamaanka uu ku horyimaado ra’iisul wasaaraha Somaaliya ayaa dib loo dhigay, iyadoo ay maalinta berri ah ku beegnayd xilligii horay loogu qabtay.

12/17/2013 1:10 PM EST
Talaado, December 17, 2013 (HOL) —Dowladda Turkiga ayaa maanta qaar ka mid ah jaamacadaha ku yaalla Soomaaliya ugu deeqday matoorro dabka dhaliya oo loogu talogalay inay jaamacaduhu ku daboolaan baahiyahoda dhinaca korontada ah.

12/17/2013 10:58 AM EST
Talaado, December 17, 2013 (HOL) — Madaxweynaha Puntland oo goor dhow shir-saxaafadeed ku qabtay magaalada Garoowe ee xarunta maamulka Puntland, ayaa ka warbixiyey kulan uu maanta la yeeshay 17 kamid ah musharraxiinta u tartamaya xilka madaxweynenimo ee Puntland.

12/17/2013 9:03 AM EST
Talaado, December 17, 2013 (HOL) — Dagaallo maalintii labaad gala ayaa ka socda Jubba oo ah xarunta dalka dalka Koonfurta Suudaan, halkaasoo ay ganacsiyo kala duwan oo fara badan ku haystaan ganacsato Soomaaliyeed, inkastoo aan la sheegin wax dhibaato ah oo loo geystay iyaga iyo ganacsigooda.

12/17/2013 8:36 AM EST
Talaado, December 17, 2013 (HOL) — Wejiga labaad ee shirka la doonayo in maamul-goboleedka loogu sameeyo gobollada Koonfur-galbeed Soomaaliya ayaa maanta si rasmi ah uga furmay magaalada Baydhabo ee gobolka Bay.

12/17/2013 8:11 AM EST
Talaado, December 17, 2013 (HOL) — Xeer ilaaliyaha maxkamadda derejada 1-aad ee gobolka Bari oo xalay ka badbaadey weerar bambaano oo la doonayey in lagu khaarijiyo, ayaa maanta shir-jaraa’id ku qabtay isla magaalada Boosaaso.

12/17/2013 7:40 AM EST
Talaado, December 17, 2013 (HOL) — Shir ay Murashaxiinta Puntland oo uu ku jiray madaxweynaha Puntland C/raxmaan Faroole ay maanta oo Salaaso ah ku yeesheen xarunta Puntland ee Garoowe ayaa la isku khilaafay isla markaasna lagu soo kala tagay, xilli la isku qabtay qodobbadii la isla hor-fariistay.

12/17/2013 6:37 AM EST
Talaado, December 17, 2013(HOL) :- Iyadoo dhawaan madaxweeynaha dowladda Federaalka Soomaaliya Mudane Xasan Sheekh Max’uud uu u magacaabay xilka raysul wasaaraha dalka mudane C/weli Sheekh Axmewd Max’ed ayaa waxa soo baxayay talooyin kala duwan oo ku aadan shaqada raysul wasaaraha cusub oo ay jiidanayeen aqoonyaahanno iyo siyaasiyiin Soomaaaliyeed.

12/17/2013 5:44 AM EST
Talaado, December 17, 2013 (HOL) — Kulan looga hadlayay qaabka dhallinyarada ku nool 17-ka degmo ee gobolka Banaadir u taageeri karaan xukuumadda cusub si nabad-galyada loo adkeeyo ayaa maanta ka dhacay Xarunta degmada Shingaani ee gobolka Banaadir.

12/17/2013 5:14 AM EST
Talaado, December 17, 2013 (HOL) — Magaalada Garoowe oo xarun u ah maamulka Puntland, gaar ahaan madaxtooyada ayaa waxaa hadda ka socda shir ay wada-qaadanayaan musharraxiinta u tartamaysa xilka madaxnimo ee Puntland iyo madaxweyne Faroole.

12/17/2013 3:50 AM EST
Talaado, December 17, 2013 (HOL) — Wakiilka Midowga Afrika u qaabilsan Soomaaliya Maxamed Salax Annadif ayaa soo dhaweeyay go’aankii uu madaxweyne Xassan Sheekh ugu magacaabay Cabdiwali Sheekh Axmed in uu noqdo raysul-wasaaraha dalka, kaasoo badali doona raysul-wasaaraha xilka ka sii dagaya ee Cabdi Faarax Shirdoon.

12/17/2013 3:40 AM EST
Talaado, December 17, 2013 (HOL) — Shir looga hadlayo dhisidda kalsooni & is-fahamka indheergaradka Soomaaliyeed iyo ciidamad AMISOM ayaa shalay ka furmay magaalada Kigali ee xarunta dalka Rwanda, kaasoo ay ka qayb-galayaan ergooyin kala duwan.

12/17/2013 2:08 AM EST
Talaado, December 17, 2013 (HOL) — Booliiska degmada Hodan ee gobolka Banaadir ayaa xalay ka qabqabtay tiro dhallinyaro ah oo ay ku tuhmeen inay ka tirsan yihiin Al-shabaab xaafado ka tirsan degmada.

12/17/2013 1:43 AM EST
Talaado, December 17, 2013 (HOL) — Xildhibaanno ka tirsan baarlamaanka Soomaaliya ayaa ugu baaqay ra’iisul wasaaraha cusub, Cabdiweli Sheekh Axmed Maxamed inuu soo magacaabo gole wasiirro oo wajiyo cusub ah, iyagoo ka digay in xilalka lagu soo celiyo wasiirradii hore ee la shaqeynayay Cabdi Faarax Shirdoon (Saacid).

12/17/2013 1:15 AM EST
Talaado, December 17, 2013 (HOL) — Guddoomiyaha hay'adda culumada Soomaaliyeed, Sh. Bashiir Axmed Salaad ayaa ugu baaqay beelaha ku dagalaamay gobolka Shabeellada Hoose inay si shuruud la’aan ah xabadda ku joojiyaan, isagoo sheegay in dagaal sokeeye uusan faa’iido lahayn adduun iyo aakhiro.