3/29/2024
Today from Hiiraan Online:  _
Wararka Maanta- Axad, Dec 1 , 2013
Isimada iyo Waxgaradka Puntland oo ku baaqay in si nabad ah lagu xalliyo xiisadda dagaal ee ka taagan Gobolka Sool

Axad, December 01, 2013 (HOL) —
Qaar kamid ah isimmada Puntland oo magaalada Garoowe shir-saxaafadeed ku qabtay, ayaa ka hadlay dagaalladii dhowaan ka dhacay degmada Taleex ee gobolka Sool iyo deegaano hoos taga.

Isimadda ayaa ku baaqay in si wadajir ah laysaga kaashado sidii xiisaddaas colaadeed loo qaboojin lahaa; si looga hortago  dagaallo hor leh oo mar kale  halkaas ka dhaca.

Garaad C/laahi Cali Ciid oo ah af-hayeenka isimmada Puntland oo ugu horreyn warbaahinta la hadlay, ayaa sheegay in ay wax laga xumaado tahay in xilligan gobolka Sool ay dagaallo ka dhacaan.

Garaadka oo hadalkiisa sii wata ayaa xusay in la joogo xilligii la midoobi lahaa, isagoo tilmaamay in ay lagama maarmaan tahay in si nabad ah wax walba oo dhacay lagu xalliyo.

Suldaan Siciid Maxamed Garaase ayaa isna sheegay in dadka Puntland ay yihiin dad caan ku ah nabad jacayl, haseyeeshee khilaafku uu yahay wax mar kasta dhici kara, basle loo baahan yahay wax walba oo khaldama in si dhakhso ah dib loogu saxo.

Suldaanka ayaa gabagabadii tacsi u direy dadkii ay eheladoodu dagaalladaas ku geeriyoodeen, wuxuu dhinaca kale ilaah uga baryey in uu caafimaad siiyo kuwa kale ee ku dhaawacmay.

Isimmada shirkaas jaraa'id sida wadajirka ah u qabtay ayaa kala ahaa:
  1. Garaad C/laahi Cali Ciid
  2. Suldaan Siciid Maxamed Garaase
  3. Ugaas C/xakiim Nuur Waaheen
  4. Garaad Maxamed Cilmi Shirwac
  5. Amiir Maxamuud Yuusuf Ciise.
  6. Ugaas C/qaadir Cilmi Firin
  7. Suldaan C/laahi Axmed Nuur
  8. Suldaan Siciid Maxamed Irbad
  9. Suldaan Khaalid Abshir Saalax
  10. Suldaan C/xakiim Jaamac Nuur
  11. Garaad Maxamuud Dacar
Dagaallada ka dhacay gobolka Sool oo dhex maray ciidamo kala taabacsan maamullada Puntland iyo Khaatumo oo ay dad toban kor u dhaafayaa ku dhinteen, ayaa waxaa aad u cambaareeyey qaybaha kala duwan ee bulshada.

Maxamed Salaad Xaaji Dirir, Hiiraan Online
[email protected]
Puntland, Soomaaliya














Click here
12/1/2013 1:32 PM EST
Axad, December 01, 2013 (HOL) — Xildhibaannada baarlamaanka ayaa siyaabo kala duwan uga hadlay go’aankii ay inta badan xubnaha baarlamaanku ku diideen maanta in ra’iisul wasaaraha Soomaaliya uu hadal is-difaacid ah ka horjeediyo golaha shacabka.

12/1/2013 12:18 PM EST
Axad, December 01, 2013 (HOL) — Iyadoo maanta ay ku beegan tahay 01-da December oo sannad walba laga xuso dunida oo dhan maalinta cudurka HIV/AIDS ayay wasaaradda caafimaadka Puntland sheegtay in 83-qof sannadkan laga helay cudurkan halista ah.

12/1/2013 11:57 AM EST
Axad, December 01, 2013 (HOL) — Madaxweynaha dowladda Soomaaliya, Xasan Sheekh Maxamuud ayaa maanta ku baaqay in joojiyo colaadaha ka taagan gobollada Shabeellada Dhexe, Sool, Hiiraan iyo kuwo kale isagoo dhinacyada dagaalamaya ka dalbaday inay khilaafkooda ku xaliyaan nabad iyo wadahadal.

12/1/2013 10:24 AM EST
Axad, December 01, 2013 (HOL) — Wasiirka Kheyraadka dalka, Cabdirisaaq Cumar Maxamed ayaa maanta Muqdisho kula kulmay wafdi ka socday hay’adda cunnada iyo beeraha adduunka ee FAO, iyagoo kawada hadlay horumarinta kheyraadka dalka, gaar ahaan xoojinta wax-soo-saarka badda sida kalluumeysiga.

12/1/2013 9:40 AM EST
Axad, December 01, 2013 (HOL) — Ciyaartan oo ahayd mid xiisa badan kana tirsanayd koobka bartamaha iyo bariga Afrika ayaa dhexmartay xulalka Soomaaliya iyo Tanzania, waxaana labada dhinac ay soo bandhigeen qaybtii hore ciyaar aad u wanaagsan, taasoo ka dhacday garoonka Nyanyo National Stadium oo ay soo buux-dhaafiyeen taageerayaal Soomaaliyeed oo aad u fara badan.

12/1/2013 9:29 AM EST
Axad, December 01, 2013 (HOL) — Agaasimaha hay’adda UN Population Fund (UNFPA) Dr. Babatunde Osotimehin ayaa maanta ka hadlay halista cudurka AIDS-ka oo dunida laga xuso sannad walba maalinta koowaad ee bisha December

12/1/2013 7:29 AM EST
Axad, December 01, 2013 (HOL) — Ra’iisul wasaaraha Somalia, Cabdi Faarax Shirdoon Saacid ayaa sheegay in xukuuumaddu ay ku adkeysanayso in la siiyo fursad ay isku difaacdo, maadaama uu mooshin ka horyaallo golaha shacabka.

12/1/2013 7:20 AM EST
Axad, December 01, 2013(HOL) :- Shir jaraa’id oo hogaamiyaha maamulka Jubba Sheekh Axmed Max’ed Islaam (Axmed Madoobe) uu maanta ku qabtay xarunta Madaxtooyada islamarkaana ay kasoo qeybgaleen odoyaasha beelaha dega Jubooyinka, saraakiil ciidan iyo madax kale oo ka tirsan maamulka Jubba ayuu uga warbixiyay safar uu kusoo maray dalka Kenya, arinta dhameystirka maamulka iyo arimihii dib u heshiisiinta Jubooyinka.

12/1/2013 7:06 AM EST
Axad, December 01, 2013 (HOL) — Madaxweynihii hore ee Puntland Maxamuud Muuse Xirsi (Cadde), ayaa ku baaqay in si nabad ah lagu dhameeyo xiisadda ka jirta gobolka Sool oo dhowr beri kahor ay dagaallo ka dhaceen.

12/1/2013 7:05 AM EST
Axad, December 01, 2013 (HOL) — Madaxweynaha Somaliland, Axmed Maxamed Siilaanyo oo booqasho ku joogga gobolka Gabiley ayaa booqday goobo mashaariic kala duwan laga hirgaliyey.

12/1/2013 7:05 AM EST
Axad, December 01, 2013 (HOL) — Waxaa heer gaba-gabo ah soo gaaray islamarkaana intiisii badneyn la dhameystiray dhismaah masjidka Bardaha magaalada Beledweyne ee xarunta gobolka Hiiraan oo ah masjid fac-weyn oo soo saaray mashaa’iiq siweyn caan uga dhax ah bulshada Soomaaliyeed.

12/1/2013 6:23 AM EST
Axad, December 01, 2013 (HOL) —Waxaa xilligan ka soconaya magaalada Garoowe ee xarunta Puntland dadaallo dheer oo la sheegay in lugu doonayo in lugu sugo amniga maadama bilowga sannadka soo socda ay ka dhacayso doorashada madaxweynenimo ee Puntland.

12/1/2013 5:56 AM EST
Axad, December 01, 2013 (HOL) — Xildhibaannada baarlamaanka Somalia ayaa diiday maanta inuu hadal u jeediyo ra’iisul wasaaraha Somalia, Cabdi Faarax Shirdoon (Saacid), kaddib qoraal ka yimid ra'iisul wasaaraha oo uu ku dalbanayay inuu doonayo inuu la hadlo baarlamaanka, iyadoo arrintaas uu buuq weyn ka dhashay.

12/1/2013 5:46 AM EST
Axad, December 01, 2013 (HOL) — Xulka kubadda cagta Soomaaliya ayaa maanta labada duhurnimo wajahaya kulan adag oo ka tirsan koobka bariga iyo bartamaha Africa oo sanadkan sidii hore ka sii xiisa badan, kaasoo ka dhacaya garoonka Nyanyo National Stadium ee Kenya.

12/1/2013 5:43 AM EST
Axad, December 01, 2013 (HOL) — Kaddib markii ay dhowaan roobabkii Dayrtu ka da'een inta badan gobollada dalka, ayaa waxaa deegaano ka tirsan gobolka Sanaag fara kulul ku haya cayayaanka Ayaxa, cayayaankaas oo inta badan tarma xilliyada barwaaqada.

12/1/2013 2:14 AM EST
Axad, December 01, 2013 (HOL) — Kulan loogu baroor-diiq marxuum, Axmed Maxamed Aadan Qaybe oo dhawaan ku geeriyooday magaalada Hargeysa ayaa xalay lagu qabtay Muqdisho, waxaana ka qayb-galay xubno uu ka mid yahay madaxweynaha Somalia, Xasan Sheekh Maxamuud.

12/1/2013 1:41 AM EST
Axad, December 01, 2013 (HOL) — Maanta oo Axad ah ayaa xildhibaanada baarlamaanka Soomaaliya waxay billaabayaa doodad mooshinka ka dhanka ah xukuumadda ra’iisul wasaare Cabdi Farax Shirdoon (Saacid) kaasoo ah mid lagu doonayo in kalsoonida loogala laabto.