Wararka Maanta: Arbaco, Aug 28, 2013-Guddoomiyaha Cusub ee Islaax oo loo doortay Dr. Cali Baashir C. Rooraaye Kaddib doorasho ka dhacday Muqdisho

Guddoomiyaha Cusub ee Islaax oo loo doortay Dr. Cali Baashir C. Rooraaye Kaddib doorasho ka dhacday Muqdisho

Dr. Cali Baashi Cumar Rooraaye

Arbaco, August 28, 2013 (HOL) — Ururka Islaax ayaa guddoomiyaha shanta sano ee soo socota u doortay Dr. Cali Baashir Cumar Rooraaye oo mudadii lasoo dhaafay xilkan hayay, iyadoo Alle looga baryay inuu xilkiisan cusub u fududeeyo.

Warsaxaafadeed uu ururka Islaax soo saaray maanta oo Arbaco ah ayuu ku sheegay in urur uu ka shaqeeeya fidinta dacwada Islaamka, u adeegga bulshada Soomaaliyeed iyo hirgelinta nabadda iyo is-dhex-galka.

Sidoo kale, waxaa qoraalka lagu yiri in ururka Islaax shanti sanaba ay mar qabtaan doorashada hoggaamiyaha guud ee ururkan, iyadoo hoggaamiyaha cusub uu xilka haynayo inta u dhexeysa 2013-ka illaa 2018-ka.

Halkan hoose ka akhriso warsaxaafadeedka kasoo baxay ururka Al-Islaax.

Maxamed Xaaji Xuseen, Hiiraan Online
[email protected]
Muqdisho, Soomaaliya