3/2/2021
Today from Hiiraan Online:  _
Wararka Maanta- Talaado, Aug 27, 2013
Al-shabaab oo ku faantay in Deegaannada ay ka Taliso ay ka Amni iyo Nolol Wanaagsan yihiin kuwa ay Dowladdu ka Taliso



Talaado, August 27, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sh. Cali Dheere) oo la hadlya warbaahinta afkooda ku hadasha ayaa sheegay in deegaannada ay ka taliyaan ay amni ahaan iyo nolol ahaan ka wanaagsan yihiin kuwa ay ka taliso dowladda.

Sheekh Cali Dheere ayaa sidoo kale kaga hadlay wareysigiisan in dagaalka lagula jiro Al-sabaab ay gun-dhig u yihiin baabi’inta diinta islaamka iyo sidii loo guran lahaa khayraadka dalka.

“Deegaannada ay Al-shabaab ka taliso waa kuwo ka wanaagsan amni ahaan iyo nolol ahaan kuwa ay dowladda Soomaaliya ka taliso, taasoo ku tusinaysa in shacabka iyo xoogagga Al-shabaab ay iska kaashadeen wax ka qabashada ammaanka iyo nolosha deegaannadan,” ayuu yiri afhayeenka Al-shabaab.

Sidoo kale, afhayeenku wuxuu sheegay in dagaallada lagula jiro Al-shabaab ay ka mid yihiin sidii dalka khayraadkiisa loo guran lahaa, isagoo tusaale u soo qaatay is-qabqasiga dhinaca maamulka ah ee ka taagan magaalada Kismaayo.

“Muranka ka taagan magaalada Kismaayo waa salka ku haya sidii hantida dalka lagu boobi lahaa, waxaana murankan uu u dhexeeyo waa dalalka dariska la ah Soomaaliya, taas ayaana gun-dhig u ah dagaalka lagula jiro Al-shabaab,” ayuu yiri Sheekh Cali Dheere.

Afhayeenka oo sii hadlaya ayaa wuxuu sheegay in Al-shabaab sababtii looga saaray Kismaayo ay tahay inay ka hortagayso in khayraadka halkaas yaalla si fudud lagu gurto, taas awgeedna laga saaray magaaladaas si khayraadka dalka loo gurto.

Dhanka kale, afhayeenka Al-shabaab ayaa ka hadlay weerarrada ay xoogaga taabacsan ka fuliyeen deegaanada ay ka taliso dowaladda Somalia, ayaa ku sheegay hadalkiisa inay ahaayeen kuwo lagu dhibaateeayay AMISOM iyo kuwa dowladda Soomaaliya.

“Al-shabaab waxay howlgallo firfircoon ka fulisay Muqdisho iyo deegaannada kale ee ay ku sugan yihiin ciidamada AMISOM, khasaarooyin badan ayaana loogu geystay, waxaana weerarradaas ka mid ahaa kuwii bishii Ramadaan ka dhacay Muqdisho,” ayuu yiri afhayeenka Al-shabaab.

Ugu dambeyn, afhayeenku wuxuu sheegay in dagaallada ay ciidamada ka socda Midowga Afrika iyo kuwa dowladda kula jiraan ay sii socon doonaan inta ay ka gaarayaan hadafkooda oo ah inay dalka oo dhan kusoo rogaan ku dhaqanka shareecada Islaamka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/27/2013 2:06 PM EST
Talaado, August 27, 2013 (HOL) — Kulan wadatashi ah oo ku saabsan sidii loogu heli lahaa dhaqaale dib u dhiska Soomaaliya iyo sidii loo xoojin lahaa hay’adaha dowladda Soomaaliya ayaa ka furmay magaalada Addis Ababa ee dalka Itoobiya Isniintii shalay, sida ay baahisay wakaaladda wararka dalka Itoobiya ee ENA.

8/27/2013 2:06 PM EST
Talaado, August 27, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta ku dhawaaqay in 27-ka Ogoosto ay tahay maalinta xaquuqda aadanaha Soomaaliya, kaddib kulan maanta ka dhacay xafiiska ra’iisul wasaaraha, kaasoo lagu soo bandhigayay khariiradda geeddi socodka xaquuqda aadanaha Soomaaliya.

8/27/2013 1:32 PM EST
Talaado, August 27, 2013 (HOL) — Ugu yaraan shan askari ayaa ku dhintay tiro kalena way ku dhaawacmeen qaraxyo is-xig-xigay oo gellinkii dambe ee maanta lagula eegtay ciidammo ka tirsan kuwa dowladda Somalia xaafadda Caymiska ee degmada Yaaqshiid.

8/27/2013 1:30 PM EST
Talaado, August 27, 2013 (HOL) — Kulan ballaaran oo ay kasoo qayb-galeen qaybaha kala duwan ee ururada haweenka Soomaaliyeed ayaa maanta lagu qabtay Muqdisho, kaasoo lagu taageerayay go’aankii 22-kii bishan ay golaha wasiirradu ku dalbadeen in xayiraadda laga qaado ganacsade, Axmad Nuur Cali Jimcaale.

8/27/2013 9:07 AM EST
Talaado, August 27, 2013 (HOL) — Ra’iisul wasaare ku xigeenka Soomaaliya ahna wasiirka arrimaha dibadda iyo iskaashiga caalamiga ah Fowsiyo Yuusuf Xaaji Aadan ayaa shalay magaalada Beijing ee xarunta dalka Shiinaha kula kulantay ra’iisul wasaare ku xigeenka jamhuuriyada dadka Shiinaha, Wang Yan.

8/27/2013 8:56 AM EST
Talaado, August 27, 2013 (HOL) — Madaxweynaha Soomaaliya, Xasan Sheekh Maxamud ayaa maanta ku dhawaaqay in la aasaasay golaha amniga Qaranka Soomaaliyeed oo leh xogheyn gaar ah oo dabagal ku sameysa fulinta go’aannada golaha amniga Qaranka.

8/27/2013 8:32 AM EST
Talaado, August 27, 2013 (HOL) — Wasiirka Arimaha gudaha Somaliland Cali Maxamed WaranCade, ayaa digniin u diray maamul goboleedka Puntland ee Soomaaliya, isla markaana hawadda u mariyey in aanay soo farogalin xuduudda Somaliland.

8/27/2013 8:27 AM EST
Talaado, August 27, 2013 (HOL) — Maamulka gobolka Hiiraan ayaa ku guuleystay in ay kala qaadan maleeshiyo beelleed dagaal ku dhaxmaray deegaannka Deefoow oo 30-km dhinac W/qooyi kaga beegan magaalada Baladweyne ee gobolka Hiiraan kadib markii ay halkaa gaareen mas'uuliyiin ka tirsan maamulka oo ay wehliyaan saraakiil ciidan.

8/27/2013 3:35 AM EST
Talaado, August 27, 2013 (HOL) — Sarkaalka ugu sareeya howlgalka UN-ka ee arrimaha Soomaaliya, Nicholas Kay ayaa beesha caalamka iyo kuwa ka jira gobolka ugu baaqay inay Soomaaliya ka caawiyaan sidii ay cagaheeda isugu taagi lahayd mar kale.

8/27/2013 2:08 AM EST
Talaado, August 27, 2013 (HOL) — Dowladda Soomaaliya ayaa sheegtay in horraanta bisha September ee soo socota la qaban doono shirweyne Qaran oo socon doona muddo shan maalmood ah si bulshada looga qayb-geliyo siyaasadda dalka.