3/2/2021
Today from Hiiraan Online:  _
Wararka Maanta- Talaado, Aug 27, 2013
Dowladda Somalia oo Sheegtay inay Qabanayso Shir-weyne looga hadlayo Arrimo ay Doorashooyinku ka mid yihiin



Talaado, August 27, 2013 (HOL) — Dowladda Soomaaliya ayaa sheegtay in horraanta bisha September ee soo socota la qaban doono shirweyne Qaran oo socon doona muddo shan maalmood ah si bulshada looga qayb-geliyo siyaasadda dalka.

Afhayeenka madaxtooyada Soomaaliya, Inj. Cabdiraxmaan Cumar Cismaan (Yariisoow) ayaa sheegay in dowladda Soomaaliya ay qaban-qaabinayso shirweyne Qaran oo lagu qaban doono Muqdisho inta u dhaxeysa labada illaa lixda bisha September, kaasoo loogu gogol-xaarayo sidii dalka looga dhaqan-gelin lahaa sanadaha soo socda nidaamka doorasho oo xorta ah.

“Dowladda Soomaaliya waxay go’aamisay in horraanta September Muqdisho lagu qabto shirweyne Qaran oo looga hadlayo arrimaha siyaasadda iyo sidii loo meel-marin lahaa wixii lagu ballamay oo ah inay Soomaaliya ka dhacaan  doorashooyin xor ah. Shirkan ujeeddooyinkiisu waxaa ka mid ah in dowladdu ka qayb-geliso arrimaha siyaasadda bulshada Soomaaliyeed,” ayuu yiri Inj. Yariisow.

Sidoo kale, afhayeenka madaxtooyada wuxuu hadalkiisa ku daray in looga hadli doono shirkaas qodobbo muhiim ah oo ay ka mid yihiin dib u habeynta iyo dhaqan-gelinta dastuurka, in dalku yeesho xisbiyo siyaasadeed, xoojinta hay’adaha dowladda,  hirgelinta federaalka iyo sidii awoodaha loo qaybsan lahaa. Afhayeenka wuxuu xusay in shirka la keeni doono khubaro arrimaha looga hadlayo ku takhasusay.

Shirkan ayaa la sheegay inay ka qaybgalayaan qaybaha kala duwan ee bulshada Soomaaliyeed, uuna ka mid noqon doono shirarkii horay loogu qabtay dalka, si shacabku ay aragtidooda uga dhiibtaan fulinta qodobbada horyaalla dowladda.

Dowladda Soomaaliya ayaa sannadkan Muqdisho ku qabanatay shirar looga hadlayo arrimo ay ka mid yihiin garsoorka dalka iyo waxbarasha kuwaasoo ay kasoo baxeen qodobbo dhowr ah, balse aan weli la hirgelin.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/27/2013 2:06 PM EST
Talaado, August 27, 2013 (HOL) — Kulan wadatashi ah oo ku saabsan sidii loogu heli lahaa dhaqaale dib u dhiska Soomaaliya iyo sidii loo xoojin lahaa hay’adaha dowladda Soomaaliya ayaa ka furmay magaalada Addis Ababa ee dalka Itoobiya Isniintii shalay, sida ay baahisay wakaaladda wararka dalka Itoobiya ee ENA.

8/27/2013 2:06 PM EST
Talaado, August 27, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta ku dhawaaqay in 27-ka Ogoosto ay tahay maalinta xaquuqda aadanaha Soomaaliya, kaddib kulan maanta ka dhacay xafiiska ra’iisul wasaaraha, kaasoo lagu soo bandhigayay khariiradda geeddi socodka xaquuqda aadanaha Soomaaliya.

8/27/2013 1:32 PM EST
Talaado, August 27, 2013 (HOL) — Ugu yaraan shan askari ayaa ku dhintay tiro kalena way ku dhaawacmeen qaraxyo is-xig-xigay oo gellinkii dambe ee maanta lagula eegtay ciidammo ka tirsan kuwa dowladda Somalia xaafadda Caymiska ee degmada Yaaqshiid.

8/27/2013 1:30 PM EST
Talaado, August 27, 2013 (HOL) — Kulan ballaaran oo ay kasoo qayb-galeen qaybaha kala duwan ee ururada haweenka Soomaaliyeed ayaa maanta lagu qabtay Muqdisho, kaasoo lagu taageerayay go’aankii 22-kii bishan ay golaha wasiirradu ku dalbadeen in xayiraadda laga qaado ganacsade, Axmad Nuur Cali Jimcaale.

8/27/2013 9:07 AM EST
Talaado, August 27, 2013 (HOL) — Ra’iisul wasaare ku xigeenka Soomaaliya ahna wasiirka arrimaha dibadda iyo iskaashiga caalamiga ah Fowsiyo Yuusuf Xaaji Aadan ayaa shalay magaalada Beijing ee xarunta dalka Shiinaha kula kulantay ra’iisul wasaare ku xigeenka jamhuuriyada dadka Shiinaha, Wang Yan.

8/27/2013 8:56 AM EST
Talaado, August 27, 2013 (HOL) — Madaxweynaha Soomaaliya, Xasan Sheekh Maxamud ayaa maanta ku dhawaaqay in la aasaasay golaha amniga Qaranka Soomaaliyeed oo leh xogheyn gaar ah oo dabagal ku sameysa fulinta go’aannada golaha amniga Qaranka.

8/27/2013 8:32 AM EST
Talaado, August 27, 2013 (HOL) — Wasiirka Arimaha gudaha Somaliland Cali Maxamed WaranCade, ayaa digniin u diray maamul goboleedka Puntland ee Soomaaliya, isla markaana hawadda u mariyey in aanay soo farogalin xuduudda Somaliland.

8/27/2013 8:27 AM EST
Talaado, August 27, 2013 (HOL) — Maamulka gobolka Hiiraan ayaa ku guuleystay in ay kala qaadan maleeshiyo beelleed dagaal ku dhaxmaray deegaannka Deefoow oo 30-km dhinac W/qooyi kaga beegan magaalada Baladweyne ee gobolka Hiiraan kadib markii ay halkaa gaareen mas'uuliyiin ka tirsan maamulka oo ay wehliyaan saraakiil ciidan.

8/27/2013 3:35 AM EST
Talaado, August 27, 2013 (HOL) — Sarkaalka ugu sareeya howlgalka UN-ka ee arrimaha Soomaaliya, Nicholas Kay ayaa beesha caalamka iyo kuwa ka jira gobolka ugu baaqay inay Soomaaliya ka caawiyaan sidii ay cagaheeda isugu taagi lahayd mar kale.

8/27/2013 2:40 AM EST
Talaado, August 27, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sh. Cali Dheere) oo la hadlya warbaahinta afkooda ku hadasha ayaa sheegay in deegaannada ay ka taliyaan ay amni ahaan iyo nolol ahaan ka wanaagsan yihiin kuwa ay ka taliso dowladda.