4/13/2021
Today from Hiiraan Online:  _
Wararka Maanta- Isniin, Aug 26, 2013
Furitaanka Kal-fadhiga Saddexaad ee Baarlamaanka Soomaaliya oo dib loo dhigay iyo Guddoomiyaha oo ka hadlay Arrintaas


Isniin, August 26, 2013 (HOL) — Guddoonka baarlamaanka federaalka Soomaaliya ayaa si rasmi ah ugu dhawaaqay xiliga uu furmayo kal-fadhigga saddexaad ee golaha shacabka, kaasoo socon doona afarta bilood ee soo socota.

Guddoomiyaha baarlamaanka, Prof. Maxamed Sheekh Cismaan Jawaari ayaa sheegay in kalfhadhiga saddexaad ee baarlamaanka dalka uu furmayo 10-ka bisha September ee foodda nagu soo haysa hadduu Alle idmo, lana bedelay halkii horay loo qorshenayay oo ahayd 02-da September.

“Kaddib markii uu dhageystay guddoonka golaha shacabka soo jeedinta guddiga joogtada ah ee golaha shacabka waxaa la go’aamiyay in kalfadhiga saddexaad ee baarlamaanka uu furmo 10-ka bisha September, iyadoo laga bedelay waqtigii horay loogu qorsheeyay oo ahayd 02-dii September,” ayuu yiri guddoomiyaha baarlamaanka Prof. Jawaari.

Sidoo kale, guddoomiyaha baarlamaanka Somalia oo hadalkiisa sii wata ayaa tilmaamay in xildhibaannada baarlamaanka ay xiligii fasaxa geli lahaayeen ee labada kalfadhi aanay fasax aadin oo ay shaqeynayeen iyagoo ka qeyb-galayay kal-fadhigii aan caadiga ahayn ee bishii hore, haddana qaarkood ugu maqan yihiin gobollada dalka howlo shaqo; taasoo ah sababta keentay in xiliga uu furmayo kal-fadhiga saddexaad laga dhigo 10-ka September.

Ugu dambeyn, guddoomiyaha baarlamaanka Soomaaliya ayaa ku boorriyay xildhibaannada baarlamaanka inay dhawraan waqtiga uu furmayo kal-fadhiga saddexaad oo ay u diyaar-garoobaan inta ka horreysa ka qayb-galka furitaanka kal-fadhiga saddexaad ee golaha shacabka.

Baarlamaanka Soomaaliya oo sannad jirsaday ayaa wuxuu yeeshay laba kal-fadhi, iyadoo kalfadhigan uu noqnayo kii saddexaad oo golaha baarlamaanka uu yeelanayo, waxaana howlihii uu qabtay labadii kalfadhi ee hore ka mid ahaa doorashada madaxweynaha Soomaaliya iyo ansixinta xukuumadda.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/26/2013 1:38 PM EST
Isniin, August 26, 2013 (HOL) — Ciidammo Itoobiyaan ah oo Khamiistii lasoo dhaafay gaarya degmada Balad-xaawo ee gobolka Gedo oo ku dhow xadka u dhexeeya Soomaaliya iyo Kenya ayaa halkaas ka billaabay dhaqdhaqaaq ciidan.

8/26/2013 1:37 PM EST
Isniin, August 26, 2013 (HOL) — Howlgallo lagu soo qab-qabtay xubno Al-shabaab ka tirsan iyo hub fara badan ayaa waxaa maanta ciidamada dowladdu ay ka sameeyeen degmada Baydhabo ee xarunta gobolka Bay.

8/26/2013 1:36 PM EST
Isniin, August 26, 2013 (HOL) — Xoogag taabacsan Xarakada Al-shabaab ayaa maanta si nabadgalyo ah kula wareegay gacan ku haynta deegaanka Qurac-joome oo ka tirsan gobolka Bakool, halkaasoo uu ka jiray maamul hoos-taga dowladda Soomaaliya.

8/26/2013 12:17 PM EST
Isniin, August 26, 2013 (HOL) — Degmada Taleex ee gobolka Sool waxaa maanta gaarey wefdi ballaaran oo uu horkacayo madaxweyne ku-xigeenka Puntland Jen. C/samed Cali Shire.

8/26/2013 12:02 PM EST
Isniin, August 26, 2013 (HOL) — Kulan ay maanta isugu yimaadeen wasiirka amniga, wasiirka howlaha guud iyo gaadiidka iyo taliyaha booliska Puntland ayaa laga soo saaray ammaro la xiriira nabadgelyada waddooyinka Puntland.

8/26/2013 8:39 AM EST
Isniin, August 26, 2013 (HOL) — Wasaaradda arrimaha gudaha iyo amniga ayaa shacabka Soomaaliyeed ugu baaqay inay ka qaybqaataan sugidda ammaanka, horumarinta adeegyada bulshada iyo inay bixiyaan canshuuraha.

8/26/2013 8:16 AM EST
Isniin, August 26, 2013 (HOL) — Madaxweynaha Puntland C/raxmaan Sheekh Maxamed (Faroole) iyo wefdi uu horkacayo ayaa maanta ka dhoofay garoonka diyaaradaha ee magaalada Garoowe. Wefdiga madaxweynaha ayaa ku wajahan magaalada Nairobi ee xarunta dalka Kenya.

8/26/2013 3:32 AM EST
Isniin, August 26, 2013 (HOL) — Abaanduulihii hore ee ciidamada xoogga dalka, Jen. C/kariin Yuusuf Aadan (Dhega-badan) ayaa ugu baaqay taliska ciidamada xooga dalka Soomaaliyeed inay cadaalada horkeennaan cidii ka dambeysay dilka taliyihii guutada labaad ee ciidamada xooga, Col. Cali Guure Afdhuub oo shalay lagu aasay magaalada Muqdisho.

8/26/2013 3:22 AM EST
Isniin, August 26, 2013 (HOL) — Dowladda Soomaaliya ayaa shaacisay inay heshay illaa afar diyaaradood oo ay ku howl-gelineyso shirkadii diyaaradaha Soomaaliyeed ee Somali Airline, kaddib muddo 22-sano ah, taasoo ku tegi doonta dalalka caalamka duulimaadyo kala duwan.

8/26/2013 3:09 AM EST
Isniin, August 26, 2013 (HOL) — Madaxwene ku xigeenka maamulka Puntland, Jen. C/samad Cali Shire ayaa la sheegay inuu u ambabaaxay magaalada Taleex ee gobolka Sool, halkaasoo ay ka taagan yihiin kacdoono laga soo horjeedo imaanshihiisa.

8/26/2013 3:06 AM EST
Isniin, August 26, 2013 (HOL) — Xuseen Samatar, ahaa shaqsigii ugu horreeyey oo Soomaali ah oo loo doorto in uu xubin ka noqdo guddiga maamula iskuullada waxbarashada magaaladda Minneapolis ee gobolka Minnesota, ayaa shalay galinkii dambe geeriyooday, kaddib markii uu muddo la xanuunsanayey cudurka Kansarka oo dhuuxa ka haleelay [leukemia], sida ay HOL u xaqiijiyeen dad ku dhow-dhow.