3/4/2021
Today from Hiiraan Online:  _
Wararka Maanta- Isniin, Aug 26, 2013
JEN. DHEGO-BADAN: “Dilkii Col. Afdhuub Waa mid Siyaasadeysan Waana in cadaaladda la horkeeno kuwii ka dambeeyay”



Isniin, August 26, 2013 (HOL) — Abaanduulihii hore ee ciidamada xoogga dalka, Jen. C/kariin Yuusuf Aadan (Dhega-badan) ayaa ugu baaqay taliska ciidamada xooga dalka Soomaaliyeed inay cadaalada horkeennaan cidii ka dambeysay dilka taliyihii guutada labaad ee ciidamada xooga, Col. Cali Guure Afdhuub oo shalay lagu aasay magaalada Muqdisho.

Jen. Dhega-badan oo ku sugan magaalada Kampala ee dalka Uganda ayaa ku sheegeay wareysi uu siiyay warbaahinta Muqdisho in dilkii sarkaalkan uu ahaa mid ay siyaasadi ka dambeyso, hase ahaatee baarista arrinta ay tahay in loo daayo taliska ciidamada milateriga Soomaaliya.

"Col. Cali Guure wuxuu ka mid ahaa raggii dalka u soo dagaalamay, nin qoys ka baxay ma ahayn ee wuxuu ahaa nin ka baaxay Qaranka Soomaaliyeed oo dhan, waxaana uga tacsiyeynayaa ummadda Soomaaliyeed, si gaar ah qoyskii uu ka baxay iyo dowladdaba," ayuu yiri Jen. Dhega-badan.

Sidoo kale, jeneraalku wuxuu sheegay in loo baahan yahay dadkii falkaas ka dambeeyay in si qarannimo ah sharciga loo horkeeno, isagoo sheegay inay ka mid yihiin dadkaas kuwa dalka kusoo duulay.

Marxuum Afdhuub ayaa maalin ka hor ku geeriyooday isbitaalka Xalane oo ay leeyihiin ciidamada AMISOM, halkaasoo looga daweynayay dhaawac ka soo gaaray dagaal uu la galay ciidammo ay isbaaro u taallay.

Wasiirka gaashaandhigga Soomaaliya, C/kariin Maxamuud Xaaji Fiqi oo ka hadlay shalay aaska marxuumka ayaa sheegay in si khaldan lagu dilay ayna soo qaban doonaan kuwii ka dambeeyay si sharciga loo horkeeno.

Taliyaha ciidamada xoogga dalka, Jen. Daahir Indho-Qarsho ayaa isaguna ku sheegay hadal uu warbaahinta siiyay inay soo qaban doonaan kuwii falkaas ka dambeeyay ayna sharciga la tiigsan doonaan, isagoo xusay inay ugu daba-tegi doonaan meel walba oo ay galaan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/26/2013 1:38 PM EST
Isniin, August 26, 2013 (HOL) — Ciidammo Itoobiyaan ah oo Khamiistii lasoo dhaafay gaarya degmada Balad-xaawo ee gobolka Gedo oo ku dhow xadka u dhexeeya Soomaaliya iyo Kenya ayaa halkaas ka billaabay dhaqdhaqaaq ciidan.

8/26/2013 1:37 PM EST
Isniin, August 26, 2013 (HOL) — Howlgallo lagu soo qab-qabtay xubno Al-shabaab ka tirsan iyo hub fara badan ayaa waxaa maanta ciidamada dowladdu ay ka sameeyeen degmada Baydhabo ee xarunta gobolka Bay.

8/26/2013 1:36 PM EST
Isniin, August 26, 2013 (HOL) — Xoogag taabacsan Xarakada Al-shabaab ayaa maanta si nabadgalyo ah kula wareegay gacan ku haynta deegaanka Qurac-joome oo ka tirsan gobolka Bakool, halkaasoo uu ka jiray maamul hoos-taga dowladda Soomaaliya.

8/26/2013 1:34 PM EST
Isniin, August 26, 2013 (HOL) — Guddoonka baarlamaanka federaalka Soomaaliya ayaa si rasmi ah ugu dhawaaqay xiliga uu furmayo kal-fadhigga saddexaad ee golaha shacabka, kaasoo socon doona afarta bilood ee soo socota.

8/26/2013 12:17 PM EST
Isniin, August 26, 2013 (HOL) — Degmada Taleex ee gobolka Sool waxaa maanta gaarey wefdi ballaaran oo uu horkacayo madaxweyne ku-xigeenka Puntland Jen. C/samed Cali Shire.

8/26/2013 12:02 PM EST
Isniin, August 26, 2013 (HOL) — Kulan ay maanta isugu yimaadeen wasiirka amniga, wasiirka howlaha guud iyo gaadiidka iyo taliyaha booliska Puntland ayaa laga soo saaray ammaro la xiriira nabadgelyada waddooyinka Puntland.

8/26/2013 8:39 AM EST
Isniin, August 26, 2013 (HOL) — Wasaaradda arrimaha gudaha iyo amniga ayaa shacabka Soomaaliyeed ugu baaqay inay ka qaybqaataan sugidda ammaanka, horumarinta adeegyada bulshada iyo inay bixiyaan canshuuraha.

8/26/2013 8:16 AM EST
Isniin, August 26, 2013 (HOL) — Madaxweynaha Puntland C/raxmaan Sheekh Maxamed (Faroole) iyo wefdi uu horkacayo ayaa maanta ka dhoofay garoonka diyaaradaha ee magaalada Garoowe. Wefdiga madaxweynaha ayaa ku wajahan magaalada Nairobi ee xarunta dalka Kenya.

8/26/2013 3:22 AM EST
Isniin, August 26, 2013 (HOL) — Dowladda Soomaaliya ayaa shaacisay inay heshay illaa afar diyaaradood oo ay ku howl-gelineyso shirkadii diyaaradaha Soomaaliyeed ee Somali Airline, kaddib muddo 22-sano ah, taasoo ku tegi doonta dalalka caalamka duulimaadyo kala duwan.

8/26/2013 3:09 AM EST
Isniin, August 26, 2013 (HOL) — Madaxwene ku xigeenka maamulka Puntland, Jen. C/samad Cali Shire ayaa la sheegay inuu u ambabaaxay magaalada Taleex ee gobolka Sool, halkaasoo ay ka taagan yihiin kacdoono laga soo horjeedo imaanshihiisa.

8/26/2013 3:06 AM EST
Isniin, August 26, 2013 (HOL) — Xuseen Samatar, ahaa shaqsigii ugu horreeyey oo Soomaali ah oo loo doorto in uu xubin ka noqdo guddiga maamula iskuullada waxbarashada magaaladda Minneapolis ee gobolka Minnesota, ayaa shalay galinkii dambe geeriyooday, kaddib markii uu muddo la xanuunsanayey cudurka Kansarka oo dhuuxa ka haleelay [leukemia], sida ay HOL u xaqiijiyeen dad ku dhow-dhow.