3/2/2021
Today from Hiiraan Online:  _
Wararka Maanta- Isniin, Aug 26, 2013
Madaxweyne ku Xigeenka Maamulka Puntland iyo Ciidammo uu Wato oo ku Wajahan Magaalada Taleex ee Xarunta Khaatumo



Isniin, August 26, 2013 (HOL) — Madaxwene ku xigeenka maamulka Puntland, Jen. C/samad Cali Shire ayaa la sheegay inuu u ambabaaxay magaalada Taleex ee gobolka Sool, halkaasoo ay ka taagan yihiin kacdoono laga soo horjeedo imaanshihiisa.

Safarka madaxweyne ku xigeenka Puntland ayaan si dhab ah loo ogayn wuxuu salka ku hayo, balse wararka ayaa sheegaya in shir beesha uu kasoo jeedo ku yeelan doonaan tuulada Sarmaanyo ay bud-dhig u tahay, halka qaar kalena leeyihiin waxay inay jirto isku soo dhawaansho siyaasadeed u dhexeysa madaxda Puntland iyo kuwa Khaatumo ee ay xaruntu u tahay Taleex.

Maalinimadii shalay ayay tiro dad ahi isugu soo bexeen Koorfurta degmada Taleex kuwaasoo ku dhawaaqayay hadallo ay ku diidan yihiin C/samad Cali Shire, isla markaana ay kusoo dhaweynayaan shirka maamulka Khaatumo oo dhaafay xilligii la qaban lahaa, iyadoo la sheegay inuu dhici doono bisha soo socota.

Illaa hadda lama saadin karo wuxuu noqon karto safarka madaxweyne ku xigeenka maamulka Puntland; iyadoo uu magaalada Taleex ku sugan yahay Axmed Cilmi Cismaan (Axmed Karaash) oo ah madaxweyne ku xigeenka maamulka Khaatumo, balse saaka wax dhaqdhaqaaq ah kama muuqdaan magaaladaas sida laga soo xigtay shacabka degmadaas ku nool.

Safarkan ayaa ah mid aad u khatar ah waxaana madaxweyne ku xigeenka puntland safarkiisa ku wehliya ciidammo laba boqol ku dhow kuwaasoo laga baqdin qabo inay isku dhacaan beelaha beelaha deegaankaas dega.

Seynab Cabdi Warsame, Hiiraan Online
[email protected]
Laascaanood, Gobolka Sool













Click here
8/26/2013 1:38 PM EST
Isniin, August 26, 2013 (HOL) — Ciidammo Itoobiyaan ah oo Khamiistii lasoo dhaafay gaarya degmada Balad-xaawo ee gobolka Gedo oo ku dhow xadka u dhexeeya Soomaaliya iyo Kenya ayaa halkaas ka billaabay dhaqdhaqaaq ciidan.

8/26/2013 1:37 PM EST
Isniin, August 26, 2013 (HOL) — Howlgallo lagu soo qab-qabtay xubno Al-shabaab ka tirsan iyo hub fara badan ayaa waxaa maanta ciidamada dowladdu ay ka sameeyeen degmada Baydhabo ee xarunta gobolka Bay.

8/26/2013 1:36 PM EST
Isniin, August 26, 2013 (HOL) — Xoogag taabacsan Xarakada Al-shabaab ayaa maanta si nabadgalyo ah kula wareegay gacan ku haynta deegaanka Qurac-joome oo ka tirsan gobolka Bakool, halkaasoo uu ka jiray maamul hoos-taga dowladda Soomaaliya.

8/26/2013 1:34 PM EST
Isniin, August 26, 2013 (HOL) — Guddoonka baarlamaanka federaalka Soomaaliya ayaa si rasmi ah ugu dhawaaqay xiliga uu furmayo kal-fadhigga saddexaad ee golaha shacabka, kaasoo socon doona afarta bilood ee soo socota.

8/26/2013 12:17 PM EST
Isniin, August 26, 2013 (HOL) — Degmada Taleex ee gobolka Sool waxaa maanta gaarey wefdi ballaaran oo uu horkacayo madaxweyne ku-xigeenka Puntland Jen. C/samed Cali Shire.

8/26/2013 12:02 PM EST
Isniin, August 26, 2013 (HOL) — Kulan ay maanta isugu yimaadeen wasiirka amniga, wasiirka howlaha guud iyo gaadiidka iyo taliyaha booliska Puntland ayaa laga soo saaray ammaro la xiriira nabadgelyada waddooyinka Puntland.

8/26/2013 8:39 AM EST
Isniin, August 26, 2013 (HOL) — Wasaaradda arrimaha gudaha iyo amniga ayaa shacabka Soomaaliyeed ugu baaqay inay ka qaybqaataan sugidda ammaanka, horumarinta adeegyada bulshada iyo inay bixiyaan canshuuraha.

8/26/2013 8:16 AM EST
Isniin, August 26, 2013 (HOL) — Madaxweynaha Puntland C/raxmaan Sheekh Maxamed (Faroole) iyo wefdi uu horkacayo ayaa maanta ka dhoofay garoonka diyaaradaha ee magaalada Garoowe. Wefdiga madaxweynaha ayaa ku wajahan magaalada Nairobi ee xarunta dalka Kenya.

8/26/2013 3:32 AM EST
Isniin, August 26, 2013 (HOL) — Abaanduulihii hore ee ciidamada xoogga dalka, Jen. C/kariin Yuusuf Aadan (Dhega-badan) ayaa ugu baaqay taliska ciidamada xooga dalka Soomaaliyeed inay cadaalada horkeennaan cidii ka dambeysay dilka taliyihii guutada labaad ee ciidamada xooga, Col. Cali Guure Afdhuub oo shalay lagu aasay magaalada Muqdisho.

8/26/2013 3:22 AM EST
Isniin, August 26, 2013 (HOL) — Dowladda Soomaaliya ayaa shaacisay inay heshay illaa afar diyaaradood oo ay ku howl-gelineyso shirkadii diyaaradaha Soomaaliyeed ee Somali Airline, kaddib muddo 22-sano ah, taasoo ku tegi doonta dalalka caalamka duulimaadyo kala duwan.

8/26/2013 3:06 AM EST
Isniin, August 26, 2013 (HOL) — Xuseen Samatar, ahaa shaqsigii ugu horreeyey oo Soomaali ah oo loo doorto in uu xubin ka noqdo guddiga maamula iskuullada waxbarashada magaaladda Minneapolis ee gobolka Minnesota, ayaa shalay galinkii dambe geeriyooday, kaddib markii uu muddo la xanuunsanayey cudurka Kansarka oo dhuuxa ka haleelay [leukemia], sida ay HOL u xaqiijiyeen dad ku dhow-dhow.