3/28/2024
Today from Hiiraan Online:  _
Wararka Maanta- Talaado, Aug 13, 2013
Munaasabad Abaal-marino lagu Gudoonsiiyay Arday oo Maanta ka dhacday dugsiga Aflah Basic ee Magaaalada Baladweyne (SAWIRRO)


Talaado, August 13, 2013 (HOL) — Munaasabad isugu jirtay furintaanka sanad dugsiyeedka 2013-2014, dhinaca kalana abaalmarino lagu guddoosiinayay Ardayda kaalamaha wanaagsan ka galay Imtixaanka dugsiga Aflah Basic ayaa lagu qabtay magaalada Baladweyne.

Maamulaha dugsiga Max'ed Cali Diiriye ayaa HOL u sheegay in ilaa 35 arday ah la guddoonsiiyay abaalmarino kala duwan kadib markii ay kaalmo wanaagsan ka keeneen Imtixaanka sanadllaha ee dugsiga Aflah Basic, waxaana uu intaa raaciyay in ay jireen arday lagu abaalmariyay asluub wanaag.

“Dugsiga Aflah Basic waxaa wax ka barta xiligan arday dhan ilaa 400, waxaana dugsi Hoos/Dhexe, tan iyo markii la furay 11/2/2013 ee sanadkan, tirada ardayda wax ka barta hadba waa ay sii kordhayeen, taasoo muujineysa baahida ballaraan xiligan loo qabo waxbarashada,'' ayuu yiri Max'ed Cali Diiriye.

Waxaa uu sheegay in dugsiga uu ku eg yahay ilaa fasalka sagaalaad ee waxbarashada, waxaana lagu dhigaa ama ka baxa ilaa todobo maado oo kala ah Xisaab, Soomaali, Arabic, Engalish, Socail, Tarbiya iyo Seynis, isaga oo intaa ku darray in ay jiraan casharo dheeraad ah oo uu dugsigu siiyo maalmo gaar ah dad aan waqtiga badan heysan todobaadka oo idil.

Ardayda la abaalmariyay oo qaarkood la hadllay HOL ayaa sheegay in ay aad ugu faraxsan yihiin kaalamaha ay ka galleen Imtixaanka dugsiga, iyaga oo sheegay in isbadal dhinaca aqoonta ah darameeyaan mudadii koobneyd oo ay dugsiga dhiganayeen.

Dugsiga Aflah Basic inkastoo la furay sanadkan aynu ku jirno horaantiisii, ayaa haddana waxaa sii kordhaya tirada ardayda wax ka barta, taasoo muujineysa tayada macalimiinta wax ka dhigtay dugsiga iyo muhiimada ay arday dugsiyada dhexe u leeyihiin maadooyinka uu bixiyo Aflah Basic School.






C/raxmaan Diini, Hiiraan Online
[email protected]
Baladweyne, Soomaaliya













Click here
8/13/2013 10:49 AM EST
Talaado, August 13, 2013 (HOL) — Wasiirka kheryaadka dalka, Cabdrisaaq Cumar Maxamed ayaa sheegay maanta in hay’adda WFP ay kula heshiiyeen in gargaarka ay bixinayso ay ka iibiso beeraleyda Soomaaliyeed, halkii ay markii hore ka keeni jirtay dalka dibaddiisa.

8/13/2013 10:34 AM EST
Talaado, August 13, 2013 (HOL) — Labadii toddobaad ee lasoo dhaafay waxaa si weyn u soo gaarayay magaalada Baladweyne ee xarunta gobolka Hiiraan qurba-joogta kasoo jeeda gobolka, kuwaasoo sheegay in ujeeddada socdaalkooda uu yahay ka qeyb-galka shirweyne uu ku baaqay Ugaas C/raxmaan Ugaas Khaliif.

8/13/2013 9:30 AM EST
Talaado, August 13, 2013 (HOL) — Ugu yaraan lix qof ayaa ku dhintay 15 kalena dhaawacyo kala duwan ayaa kasoo gaaray dagaal culus oo maanta deegaanka Garasweyne ee gobolka Bakool ku dhexmaray ciidamada dowladda Soomaaliya iyo kuwa Al-shabaab.

8/13/2013 9:14 AM EST
Talaado, August 13, 2013 (HOL) — Guddigii loo xil-saaray inay soo baaraan xog rasmi ahna ka keenaan qaabkii ay ku burburtay diyaarad laga leeyahay dalka Itoobiya oo kasoo dagaysay garoonka diyaaradaha Muqdisho ayaa soo saaray warbixin hordhac ah.

8/13/2013 8:52 AM EST
Talaado, August 13, 2013 (HOL) — Baarlamaannada Soomaaliya iyo Uganda ayaa maanta si rasmi ah u kala saxiixday heshiis ay ku mataanoobeen, kaas oo ay ku yeelanayaan wada-shaqeyn, kaddib kulan saacado qaatay oo ay ku yeesheen Kampala guddoomiyaha baarlamaannada labada dal iyo xildhibaanno.

8/13/2013 8:27 AM EST
Talaado, August 13, 2013 (HOL) — Dadweynaha Somaliland, ayaa maalmihii u dambeeyey si weyn u hadal hayey darajooyinka ciidamada Somaliland loo qaybiyey, kuwaas oo intoodda badan si weyn usoo dhoweeyey dalacsiinta loo sameeyey ciidamada.

8/13/2013 8:19 AM EST
Talaado, August 13, 2013 (HOL) — Kooxo hubeysan ayaa fiidnimadii xalay ku toogtay xaafadda Xaawo Taako ee magaalada Baladweyne askari ka tirsanaa ciidamada maamulka gobolka HIiraan oo xiligaa la sheegay in uu ku sii jeeday gurigiisa.

8/13/2013 2:52 AM EST
Talaado, August 13, 2013 (HOL) — Ra’iisul wasaaraha Soomaaliya , Cabdi Faarax Shirdoon (Saacid) ayaa xalay kulan la qaatay wasiirro, saraakiil ciidan iyo xubno ka tirsan maamulka gobolka Banaadir, isagoo kala hadlay xaaladda ammaan ee dalka.

8/13/2013 2:52 AM EST
Talaado, August 13, 2013 (HOL) — Ugu yaraan laba qof ayaa ku dhintay tiro intaas ka badanna way ku dhaawacmeen dagaal ciidammo taabacsan ururka Ahlusunna waljamaaca iyo dad reer miyi ah ku dhexmaray deegaanka Sangub oo ku yaalla duleedka degmada Dhuusomareeb ee xarunta gobolka Galguduud.

8/13/2013 2:45 AM EST
Talaado, August 13, 2013 (HOL) — Tuulada la yiraahdo Gooyaale dadka ku nool ayaa waxay billaabeen in waddooyinka soo gala tuulooyinkooda ay dib u hagaajistaan si ay u fudadaato aadista beerahooda iyo ceelal biyoodyada ay biyaha kasoo dhaansdaan, iyadoo gaadiidkana ay u tahay mid wanaagsan in waddooyinkaas la hagaajiyo.