3/28/2024
Today from Hiiraan Online:  _
Wararka Maanta- Talaado, Aug 13, 2013
Kooxo hubeysan oo Askari ka tirsan Ciidamada Maamulka ku dilay Degmada Baladweyne ee Xarunta Gobolka Hiiraan

Talaado, August 13, 2013 (HOL) — Kooxo hubeysan ayaa fiidnimadii xalay ku toogtay xaafadda Xaawo Taako ee magaalada Baladweyne askari ka tirsanaa ciidamada maamulka gobolka HIiraan oo xiligaa la sheegay in uu ku sii jeeday gurigiisa.

Taliyaha saldhiga booliiska magaalada Baladweyne Col Cali Dhuux Cabdi Mahad Alle oo warbaahinta la hadllay ayaa sheegay in rag hubeysan xalay toogasho ku dilleen askariga, isaga oo intaa ku darray in kooxihii dilka geystay markiiba goobta ka baxsadeen.

“Askariga la toogtay waxaa lagu magacaabi jiray Max'ed Faarax, waxaa weeraray kooxo hubeysan oo toogasho ku dillay, markiibana goobta ayeey ka baxsadeen,'' ayuu yiri taliyaha saldhiga booliiska magaalada Baladweyne.

Ciidamada maamulka gobolka Hiiraan ayaa saacadihii aynu soo dhaafnay howlgal balaaran waxaa ay ka sameeyeen qeybo ka mid ah magaalada, gaar ahaan xaafadda Xaawo Taako oo ah  halka lagu dillay askariga ka tirsanaa ciidamada.

Col. Cali Dhuux Cabdi Mahad Alle ayaa sheegay in dadka howlgalka lagu soo qab qabtay qaarkood la sii dayay kadib markii lagu waayay wax danbi ah, halka tiro kale oo la tuhusan yahay gacanta lagu hayo.

Dilka xalay lagu beegsaday askariga ka tirsanaa ciidamada maamulka gobolka ayaa qeyb ka noqonaya dilal horay uga dhacay magaalada oo kooxihii ka danbeeyay qaarkood ciidamada gacanta ku soo dhigeen.

C/raxmaan Diini, Hiiraan Online
[email protected]
Baladweyne, Soomaaliya













Click here
8/13/2013 10:49 AM EST
Talaado, August 13, 2013 (HOL) — Wasiirka kheryaadka dalka, Cabdrisaaq Cumar Maxamed ayaa sheegay maanta in hay’adda WFP ay kula heshiiyeen in gargaarka ay bixinayso ay ka iibiso beeraleyda Soomaaliyeed, halkii ay markii hore ka keeni jirtay dalka dibaddiisa.

8/13/2013 10:34 AM EST
Talaado, August 13, 2013 (HOL) — Labadii toddobaad ee lasoo dhaafay waxaa si weyn u soo gaarayay magaalada Baladweyne ee xarunta gobolka Hiiraan qurba-joogta kasoo jeeda gobolka, kuwaasoo sheegay in ujeeddada socdaalkooda uu yahay ka qeyb-galka shirweyne uu ku baaqay Ugaas C/raxmaan Ugaas Khaliif.

8/13/2013 9:30 AM EST
Talaado, August 13, 2013 (HOL) — Ugu yaraan lix qof ayaa ku dhintay 15 kalena dhaawacyo kala duwan ayaa kasoo gaaray dagaal culus oo maanta deegaanka Garasweyne ee gobolka Bakool ku dhexmaray ciidamada dowladda Soomaaliya iyo kuwa Al-shabaab.

8/13/2013 9:14 AM EST
Talaado, August 13, 2013 (HOL) — Guddigii loo xil-saaray inay soo baaraan xog rasmi ahna ka keenaan qaabkii ay ku burburtay diyaarad laga leeyahay dalka Itoobiya oo kasoo dagaysay garoonka diyaaradaha Muqdisho ayaa soo saaray warbixin hordhac ah.

8/13/2013 9:13 AM EST
Talaado, August 13, 2013 (HOL) — Munaasabad isugu jirtay furintaanka sanad dugsiyeedka 2013-2014, dhinaca kalana abaalmarino lagu guddoosiinayay Ardayda kaalamaha wanaagsan ka galay Imtixaanka dugsiga Aflah Basic ayaa lagu qabtay magaalada Baladweyne.

8/13/2013 8:52 AM EST
Talaado, August 13, 2013 (HOL) — Baarlamaannada Soomaaliya iyo Uganda ayaa maanta si rasmi ah u kala saxiixday heshiis ay ku mataanoobeen, kaas oo ay ku yeelanayaan wada-shaqeyn, kaddib kulan saacado qaatay oo ay ku yeesheen Kampala guddoomiyaha baarlamaannada labada dal iyo xildhibaanno.

8/13/2013 8:27 AM EST
Talaado, August 13, 2013 (HOL) — Dadweynaha Somaliland, ayaa maalmihii u dambeeyey si weyn u hadal hayey darajooyinka ciidamada Somaliland loo qaybiyey, kuwaas oo intoodda badan si weyn usoo dhoweeyey dalacsiinta loo sameeyey ciidamada.

8/13/2013 2:52 AM EST
Talaado, August 13, 2013 (HOL) — Ra’iisul wasaaraha Soomaaliya , Cabdi Faarax Shirdoon (Saacid) ayaa xalay kulan la qaatay wasiirro, saraakiil ciidan iyo xubno ka tirsan maamulka gobolka Banaadir, isagoo kala hadlay xaaladda ammaan ee dalka.

8/13/2013 2:52 AM EST
Talaado, August 13, 2013 (HOL) — Ugu yaraan laba qof ayaa ku dhintay tiro intaas ka badanna way ku dhaawacmeen dagaal ciidammo taabacsan ururka Ahlusunna waljamaaca iyo dad reer miyi ah ku dhexmaray deegaanka Sangub oo ku yaalla duleedka degmada Dhuusomareeb ee xarunta gobolka Galguduud.

8/13/2013 2:45 AM EST
Talaado, August 13, 2013 (HOL) — Tuulada la yiraahdo Gooyaale dadka ku nool ayaa waxay billaabeen in waddooyinka soo gala tuulooyinkooda ay dib u hagaajistaan si ay u fudadaato aadista beerahooda iyo ceelal biyoodyada ay biyaha kasoo dhaansdaan, iyadoo gaadiidkana ay u tahay mid wanaagsan in waddooyinkaas la hagaajiyo.