3/19/2019
Today from Hiiraan Online:  _
Wararka Maanta- Talaado, Apr 9 , 2013
UHURU KENYATTA: “Dhaqaale iyo fikir badan ayaan ku bixinnay in Soomaaliya ay noqonto dal deggen, kamana daalayno”



Talaado, Abriil 09, 2013 (HOL) — Madaxweynaha Kenya, Uhuru Kenyata oo ka hadalyay xafladda dhaarintiisa ayaa sheegay inay rabaan in mustaqbalka dhow ay arkaan Soomaaliya oo nabad ah, isagoo sheegy in nabadda Kenya iyo tan Bariga Afrika ay ku xiran tahay deggenaasho ka dhasha Soomaaliya.

Kenyatta ayaa intaas ku daray in ciidanka Kenya ay u galeen Soomaaliya si ay ula dagaallamaan kooxaha argagaxisada ah iyo burcad-badeedda oo uu sheegay inay caqabad ku noqdeen nabadda iyo horumarka gobolka ayna si gaar ah saameyn ugu yeesheen Kenya.

“Labaatankii sano ee lasoo dhaafay Kenya waxay dhaqale badan iyo fikir ku bixisay sidii Soomaaliya ay u noqon lahayd dal deggen, oo kala dambeyn ay ka jirto,” ayuu yiri Kenyatta oo sheegay in dadaalkooda uusan joogsan doonin inta ya ka arkayaan Soomaaliya oo nabad ah.

Sidoo kale, wuxuu sheegay in dagaalka lagula jiro argagaxisad iyo burcad-badeedda uu udub dhexaad u yahay sidii Kenya ay ku gaari lahayd nabad iyo horumar dhinaca siyaasadda ah.

“Waxaan ballan-qaadayaa inaan bulshada caalamka kala shaqeyn doonno sidii loo xoojin lahaa taageerada ururka IGAD iyo howlgalka Midowga Afrika ee Soomaaliya,” ayuu hadalkiisa ku daray, isagoo xusay in nabadda iyo barwaaqada Soomaaliya ay dan weyn ugu jirto dhammaan caalamka.

Kenya ayaa waxay dhammaadkii sannadkii 2011 si iskeed ah ugu soo dirtay Soomaaliya kumannaan askarteeda, iyadoo sheegay inay la dagaalamayso Al-shabaab oo ay ku eedeysay inay falal ammaan-darro ka fulisay gudaha dalka Kenya, kuwaasoo ay ku jiraan dilal iyo afduubyo shaqaale ka tirsanaa hay’ado samafal oo caalami ah.

Ciidamada Kenya ayaa waxay sannadkii hore ku biireen howgalka Midowga Afrika ee AMISOM, waxayna ku sugan yihiin haatan deegaanno ka tirsan Koonfurta Soomaaliya oo ay ku jirto magaalada Kismaayo ee gobolka Jubbada Hoose.

Uhuru Kenyatta ayaa maanta loo dhaariyay xilka madaxnimo ee dalka Kenya kaddib markii uu doorashadii madaxnimo ee dalkaas oo dhacday bishii hore uu kaga guuleystay ninkii ay tartanka adag ku jireen Raila Odinga oo diiday inuu maanta kasoo qaybgalo xafladda dhaarinta iyo caleemo-saarka Uhuru iyo ku xigeenkiisa William Rutu.

Madaxweynaha Soomaaliya, Xasan Sheekh ayaa ka mid ahaa madaxdii Afrika ee ka qaybgalay caleemo-saarka, iyadoo Kenyatta uu noqonayo  madaxweynihii afaraad oo loo dhaariyo xilka madaxweynenimo ee dalka Kenya 50-kii sano ee dalkaas uu xorta yahay.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
4/9/2013 3:01 PM EST
(Daawo) Qaar Ka Tirsan Xildhibaanada Golaha Deegaanka Berbera ,Cuqaal Odayaal Waxgarad Iyo Dadwaynaha Geella-Kor Ee Gobolka Saaxil Oo Baaq U Diray Xukuumada Joojiyay-na Koox Macdan Si Tuuga Ah U Guranaayay

4/9/2013 1:01 PM EST
Talaado, Abriil 09, 2013 (HOL) — Xukuumadda Soomaaliya ayaa markii ugu horreysay weydiisatay dowladda Liibiya in xabsiyada dalkeeda ay kasii dayso maxaabiista Soomaalida ah ee ku xir-xiran, kaddib kulan dhexmaray wasiir ku xigeenka wasaaradda arrimaha dibadda Soomaaliya, Jamaal Maxamed Barroow iyo danjiraha Liibiya u fadhiya Soomaaliya, Daahir Siciid Cabdijaliil.

4/9/2013 10:19 AM EST
Talaado, Abriil 09, 2013 (HOL) — Guddoomiyaha baarlamaanka Somalia, Prof. Maxamed Sheekh Cismaan (Jawaari) iyo wafdiga uu hoggaaminayo ee socdaalka ku jooga dalka Norway ayaa kulan la qaatay wasiirka arrimaha dibadda Norway, iyagoo dhanka kalena booqday dhismaha baarlamaanka dalkaas.

4/9/2013 9:45 AM EST
Talaado, Abriil 09, 2013 (HOL) — Munaasabad siweyn loo soo agaasimaya oo ay goob joog ka ahaayeen wafdi ka socday dowladda Soomaaliya oo labadii cisho ee la soo dhaafay ku sugnaa magaalada Baladweyne, mas’uuliyiinta hore ee maamulka gobollka Hiiraan, maamulka cusub ee loo soo magacaabay gobollka, saraakiisha ciidamada dowladda, saraakiisha ciidamada Jabuuti ee howlgalka midowgga Africa AMISOM, waxgarad, odayaal dhaqameed iyo marti-sharaf kale, ayaa maanta lagu qabtay magaalada Baladweyne ee xarunta gobollka Hiiraan.

4/9/2013 7:07 AM EST
Xaflad ay kasoo qayb-galeen in ka badan 11 madaxweyne oo ka socda qaarada Afrika ayaa lagu caleema saaray madaxweynaha cusub ee Kenya Uhuru Kenyatta iyo ku xigeenkiisa William Ruto.

4/9/2013 1:41 AM EST
Talaado, Abriil 09, 2013 (HOL) — Madaxweynaha dalka Mareykanka, Barack Obama ayaa sheegay Isnintii shalay inuu go’aansaday inuu saanad ciidan uu siiyo dowladda Soomaaliya si loo xoojiyo ciidamada Soomaaliya, isagoo sheegay in tani ay xoojinayso xiriirka u dhexeeya Mareykanka iyo dalka ku yaalla geeska Afrika.

4/9/2013 1:10 AM EST
Talaado, Abriil 09, 2013 (HOL) — Waxaa xalay fiidkii magaalada Gaalkacayo ee xarunta gobolka Mudug lagu toogtey sarkaal ka tirsanaa wasaaradda amniga ee Puntland.Sarlkaalka la diley oo lagu magacaabi jirey Col. Axmed Maxamed Axmed ''Dhega-wayne'' , wuxuu ahaa isuduwaha xafiiska wasaaradda ee gobolka Mudug.

4/9/2013 1:08 AM EST
Talaado, Abriil 09, 2013 (HOL) —Kenya ayaa waxaa maanta loo dhaarinayaa madaxweynihii afaraad ee dalkaas soo mara, kaasoo ah wiil uu dhalay madaxweynihii ugu horreeyay iyo aabbihii xorriyadda dalkaas, iyadoo lagu wado in caleemo-saarkiisa ay ka qaybgalaan madax afrikaan ah oo uu ka mid yahay madaxweynaha Soomaaliya, Xasan Sheekh Maxamuud

4/9/2013 1:06 AM EST
Talaado, Abriil 09, 2013 (HOL) — Iyadoo ay todobaadyadii u danbeeyey ciidamada booliska ee Puntland ku raad joogeen koox dabley ah oo bishii lasoo dhaafay ee Maarso dabayaaqadeedii dhacay xawaaladda KAAH xarunteeda magaalada Boosaasoo, islamarkaana diley labo kamid ahaa shaqaalaheeda, ayaa shalay magaalada Gaalkacayo lagu qabtay nin kooxdaas ka tirsanaa.