8/16/2022
Today from Hiiraan Online:  _
Wararka Maanta- Khamiis, Apr 25, 2013
Xiisad ka tagaan Magaalada Kismaayo, kaddib markii uu xalay halkaas gaaray Col. Barre Aadan Shire (Barre Hiiraale)


Khamiis, Abriil 25, 2013 (HOL) — Xiisado ayaa ka taagan maanta magaalada Kismaayo ee xarunta gobolka Jubbada Hoose, kaddib markii uu halkaas xalay gaaray Col. Barre Aadan Shire (Hiiraale) oo ahaan jiray guddoomiyihii maamulkii dooxada Jubba oo halkaas horay uga talin jiray.

Col. Hiiraale ayaa la sheegay in isaga iyo ilaaladiisa ay xalay galeen gudaha magaalada Kismaayo, iyadoo dadku ay saakay muujiyeen baqdin ay ka qabaan in dagaal uu ka dhaco degmadaas.

“Inta badan goobaha ganacsiga way xiran yihiin, qof walba wuxuu dhegta u taagayaa isbedel dhici doona, magaaladuna waxay gashay badow iskeed ah,” ayuu yiri goobjooge ku sugan Kismaayo oo la hadlay HOL.

Goobjoogaha ayaa sheegay in xalay sidoo kale ay soo galeen Kismaayo illaa 80-askari oo ka yimid dhinaca gobolka Jubbada Hoose, kuwaasoo aan la ogeyn ujeedka ay u socdaan.

Inkastoo uusan jirin hadal kasoo baxay maamulka KMG ah ee Kismaayo ayaa haddana waxay dadka ku sugan degmada muujinayaan cabsi weyn, iyadoo dhawaanahanna ay degmada ka taagnaayeen isqabqabsi ku aaddan doorashada madaxweynaha maamulka Jubaland oo shirkii lagu dhisi lahaa uu bilihii uug dambeeyay ka socday degmadaas.

Magaalada Kismaayo ayaa waxaa ka jiray xiisado kala duwan oo u dhexeeya dhinacyo isku haya gacan ku haynteeda iyo maamulkeeda, iyadoo ciidamada Kenya iyo kuwa dowladda ay Al-shabaab kala wareegeen bishii Oktoobar ee sannadkii hore.

Col. Barre Hiiraale ayaan weli hadlin, waxaana la sheegay inuu ku sugan yaha magaalada iyadoo aysan jirin wax hadal ah oo isaga iyo mas’uuliyiinta maamulka KMG ah weli dhexmaray.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/25/2013 9:56 AM EST
Khamiis, Abriil 25, 2013 (HOL) — Wasiirka wasaaradda maaliyadda iyo qorshaynta dowladda Soomaaliya, Maxamuud Xasan Sulaymaan iyo wafti uu hoggaaminayo ayaa saaka dalka dib ugu soo laabtay kaddib markii uu kasoo qayb-galeen shirkii hay’adda lacagta adduunka ee IMF-ta oo Washington lagu qabtay.

4/25/2013 9:46 AM EST
Khamiis, Abriil 25, 2013 (HOL) — Magaalada Baydhabo waxaa lagu lagu dilay ganacsate la yiraahdo Xasan Suuley kaasoo si weyn looga yaqaanay gobolka Bay. Ganacsadahan ayaa la sheegay inuu dilay nin la yiraahdo Maxamed Bush-Bush oo ka tirsanaa kooxda Al-shabaab, isagana waxaa qabtay ciidamada booliiska iyagoo ku dilay isla goobta uu dilka ku geystay.

4/25/2013 9:28 AM EST
Khamiis, Abriil 25, 2013 (HOL) — Guddoomiyaha wargeyska madaxa banaan ee Hubaal, ayaa sheegay in laba nin oo baastoolado ku hubaysani xalay soo weerareen wargeyskoodda, isla markaana dhibaatooyin soo gaadhsiiyey gudoomiyaha wargeyska.

4/25/2013 9:05 AM EST
Khamiis, Abriil 25, 2013 (HOL) — Madaxweyne ku xigeenka Somaliland Md: Cabdiraxmaan Cabdilaahi Ismaaciil Saylici, ayaa maanta tacsi u diray alla ha u naxariistee fanaankii weynaa ee Cismaan Maxamed Cabdikariim (Cismaan Gacanlow) oo maanta lagu aasay magaaladda Burco ee gobolka Togdheer.

4/25/2013 9:02 AM EST
Khamiis, Abriil 25, 2013 (HOL) — Xukuumadda Itoobiya ayaa ka laabatay go’aan ay ku sheegtay inay kula baxayso ciidamadeeda ku sugan Somalia, waxaana Itoobiya ay sheegtay inay ciidamadeedu kusii sugnaanayaan Soomaaliya muddo aanay cayimin.

4/25/2013 8:24 AM EST
Khamiis, Abriil 25, 2013 (HOL) — Beesha Shan-bare oo ka mid ah beelaha gobollada Jubbooyinka ayaa si aad ah uga soo horjeestay shirka Kismaayo ka socda ee lagu sameynayo maamulka Jubaland, iyagoo ku taliyay inay dowladdu faragelin ku sameyso shirkaas oo ay sheegeen inay wataan dad gaar ah.

4/25/2013 7:59 AM EST
Khamiis, Abriil 25, 2013 (HOL) — Guddoomiyaha Xisbiga UCID Eng:Faysal Cali Waraabe ayaa dawladda Soomaaliya ku taageeray go’aankay ka istaagtay maamul u samaysta jubooyinka, isla markaana beelaha wada dega jubooyinka usoo jeediyey inay iska ilaaliyaan wixii khalkhal ku keenaya maadaama oo jubooyinku tahay meel la wadda dego.

4/25/2013 7:45 AM EST
Khamiis, Abriil 25, 2013 (HOL) — Ra’iisal wasaaraha Soomaaliya, Cabdi Faarax Shirdoon “Saacid” ayaa maanta magaalda Muqdisho ku qaabilay xoghayaha arrimaha dibadda ee Britain, William Hague iyagoo kawada hadlay horumarka cusub ee Soomaaliya iyo doorka muhiimka ah ee dawladda UK ku leedahay arrimaha Soomaaliya.

4/25/2013 7:37 AM EST
Khamiis, Abriil 25, 2013 (HOL) — Saraakiisha ciidamada nabad-galyada maamulka gobollka Hiiraan ayaa sheegay in ay ka hortageen ama fashiliyeen qorshayaal dhowr ah oo sida ay sheegeen Al-shabaab ay ku doonayeen in ay qaraxyo uga fuliyaan gudaha magaalada Baladewyne.